تأيدين يكون للخادمه موبايل ؟؟

[●•∫ استثنآئيهـ]

اكيد لا
شوفي شنو المصايب اللي راح تجي من وراه حتى الشغل ما تسويه عدل بتلهى فيه ~

 

[فوووفووو&]

انا بعد ما أيد الخدامه يكون عندها فون دام انك موفرت لها مكالمات لالهلها بعد وش تبى فى الفون

 

[حظ من عنده انا]

خدامتي كانت نيباليه


وكررررهتني بالنيبااالياات كلهم


زووود على غبائها لسسسانها طويل وماتسستحي

 

[ديمــــــــــه]

ممممم

انا ماشوف فيها شي اني اعطيها مساحه من الحريه عشان ترتاح وتقدر تعطي في بيتي

وفي الاخير هي انسانه حره مامتلكتها بمجرد انها تشتغل في بيتي

والانسان الزين مابيخربه وجود موبايل بيده لكن اذا هي سيئه بيبين سواء معها موبايل ولا مامعها

يسلمووو عالموضوع

 

[sarah11]

لا طبعا ..

 

[أمةالله77]

حبايبي اللي عندها ثقه بخدامتها عادي تعطيها الموبايل خاص بس
لايكون فيه كاميرا ٠٠٠٠٠علي الاقل اذا طلعتي الدوام او طالعه زواره
تدقين تطمنين علي اليهال ٠٠٠٠٠واللي عندها بشك بخدامتها ماله داعي*

 

[shy rose]

لا مأيد
بتاتا البته

 

[فيلجـ كول ـاويه]

mmm No

 

[Ray.Bana =$]

احنا خدامتنا تشتري الكرت الدولي وتدق من فون البيت بس قطيعا اهلها يدقون علينا واذا دقوا مايوقفون الا بيكلمونها عاد احنا نشيل السماعه لأن كل مايكلمونها اتبجبج وتطنقر وتسرح بعدين قالت تبي فون احس احسن فكه بس ماتتكلم الا اذا كانت مخلصه شغلها مو على طول بس انا اقول احسن شي مو على طول تخلينها تشتري كروت عشان تتكلم لأن من تكلم اهلها راح تحن لهم وتتبجبج وتنفس وتفكر ويصير عقلها مو براسها والا يوزونها واتييلج عاد.. ماما انا يبي روه ! يعني اروح ههههههههههههههههههه


تذكرت موقف لوووووووول
آخر مره اختها دقت على فون البيت خرعتني تتكلم عربي وساكنه مني بالكويت تشتغل عند ناس المهم انا قلت الو جان تقول منو انتي واااااااي خرعتني قطيعااا داشه بقوه قلتلها انتي منوو!!!!!! قالت عطيني ( اسم خدامتنا ) بكلمها !! @@ انا تنحت اشتغل عند اهل امن يابتج وانا مادري !! بس طبعاً ماقلتلها حقرتها سكت واهيا تقول الو جان تسكت شوي قلت خل اخلي السماعه مبطله اهيا تسكر واذا دقت راح يطلع لها مشغول اجوفها طولت ماسكرته قلت حرام رصيدها فقيره جان اسكره بويهها واشيل السماعه ههههههههههههههههههههههههههههههههههه

 

[sweet.sanfoora]

احنا عندها فوون وصراحة بهالزمن اذا الخدامة ما يبتيلها فون بتييب من وراج وبعدين هي من حقها تكلم اهلها وتدزلهم مسجات متى ماتبي

حالها من حالي

وبثثث

 

[عود ومسك]

بصراحه الود ودي ان ما يكون عندها تلفون
بس اغلب خدم الحين لو تنبشينها بتلاقين معاها تلفون فا ليش اعور راسي ي
والله جد يعني كان عندنا اندونيسيه والله قعدت اششششششششششهر معاها تلفون وما جكيناها
كانت تلبس حزام تحت هدومها دايماً والتلفون بالحزام ولما طحت عليها بعد فترة انحاشت هههههههههه كل هذا عشان خذيت التلفون
وهم نفس الشي الاندونيسيه الثانيه مالت امي طحت عليها معاها تلفون بعد سنه يمكن والله المسكيييييينه نزلت على ركبها تبجي وتبي تبوس ايدي قلتلها لاااااااااااااا استغفر الله انا ماراح اسويلج شي بس ليش خشيتي عني جان قلتيلي انتي مره كبيره وعاقله قوليلي ابي تلفون ماراح امنعج بس ليش تجيبين تلفون من وراي على بالج نايمه مادري عنج اثاريها شاريه التلفون من بووووورتر هنديه بالمستشفى!!!
وطبعا الكروت من جيبهم خاف صج معاشها 70 واشتريلها كروت عشان تكلم فلان وفلنتان

 

[الملاك المجهول]

انا هي مافتحت لك موضوع انها تبي جوال لاتشتري لها وتجيبين لك عوار الراس
واد هي تبغى من راي تشتري لها موبايل بس يكون من دون كاميرا وبلوتوث
زي نوكيا ابو كشاف والبطايق طبعا على حسابها عشان مو كل شوي تشتري بطاقة
وامنعيها من المكالمات وقت الشغل ولا تخلينها تقعد معاكم اول ماتخلص شغلها تروح غرفتها عشان ماتنقل اخباركم