تاخذووون الخدامة ؟؟

[**reem**]

السلام عليكم
انا انشاللة بسافرفرنسا وبأخذ بناتي وياي صغار بالعمر وانا بعد توني حامل شرايكم اخذ الخدامة وياي تساعدني اخاف اتعب ولا شي وهم بنفس الوقت ماودي شرايكم منو جربت تسافر بخدامتها ؟

 

[malgoofah]

هلا حبوبه انا من رايي ايه انا امجربه وامسافره مع يهال بدون خدامه ووايد تعبت و لو بيدي كل ما اسافر اودي وياي خدامه بس ريلي ما يرضى مت وانا اقوله واقنعه و كل سفراتي بدون خدامه وااااااااااااي ما اتهنا بالسفره اذا ريلج ما يمانع و خدامتج سنعه و ما عندها سوالف نحشه و تطنقر وديها معاج خصوصا انج حامل انا ما ودي اخرعج بس انا قبل سنتين كنت هم توني حامل شهرين و ريلي ما رضى اودي خدامه من التعب واللويه مع اليهال طيحت الحمدالله على كل حال كل شي ابكتبة الله الحين الله عوضني في بنوته مثل القمر الله يفرحج ابشوفة البيبي بالسلامه انا حاولت مع ريلي هالسنه اني اودي الخدامه معانا ما رضى قالي بنتنا توها بيبي خليها عند امج فبخليها واخذ اخوانها بس قلتله انشالله المره اليايه بوديها معاي اهيا والخدامه واي ييتيني عالوتر الحساس انا هذي مشكلتي مع السفر اتحسين فيني حره توكلي على الله و وديها معاج واشتري راحتج

 

[malgoofah]

ايه نسيت اقولج انا مره وحده وديت معاي خدامه اب اول بيبي و كانت اونس واريح سفره و ماكان فيه مشاكل ابد

 

[بنت جنيف]

اخذيها لأنج حامل ويمكن تتعبين عشان تساعدج على عيالج

 

[بنت جنيف]

على طاري فرنسا والخدامه ذكرتيني بوحده مسافره معانا اهيا وزجها وعيالها اثنين توأم صبيان وخدامتها فلبينيه لما وصلوا باريس قعدوا من النوم مالقوها انحاشت اباريس وعليه توهقت الابو ماسكله واحد والام واحد

 

[أحلى همبه كويتية]

الخدم ما لهم أمان
خليها بالكويت احسن
سمعت وايد خدم يتبلون على معازيبهم وخصوصا بالديرة الاجنبية لأنهم عارفين كل شي مصيبة ما يطوفهم دبة النملة

 

[malekatsabaa]

اذا خدامتج مو فلبينيه ..اخذيها وايد اريح لج..

لان الفلبينيات اغلبهم ينحاشون...

 

[**reem**]

مشكووووووووووووورين حبايبي على الرد
خدامتى مو فليبنية وزينة
شكلي بأخذها

 

[TooToo]

reeeeeem

جنج حاسة فيني -- كنت بكتب هالموضوع اليوم الصبح وكتبتيه قبلي


انا بسافر مع ريلي و عيالي وولدي عمره سنه وناوين ناخذ الخدامة معانا ما اقدر لازم اتساعدني عاليهال!!

ويوم سولفت مع رفيجتي اليوم بالدوام حبطتني وتقوللي ( احنا ماناخذ الخدام معانا كلش ما ترتاحين مع ريلج وعيونها عليج ومن هالكلام البايخ ) فقلت خل اكتب واسألكم بس انتي سبقتيني


مالي شغل فيها ومالج شغل من الناس اللي تبينه سويه وكل وحده على حسب ظروفها واهم شي راحتها ... انا اقول اخذيها ..وبعدين انتي حامل تبيين من يعاونج على بناتج .

ورحلة سعيييييييييييييييييده انشاءالله

 

[**reem**]

تسلمين توتو واللة انا خاطري اخذها بس على قولتج شلي ذابحنا غير حجي الناس

 

[**reem**]

ماكو احد جرب السفر مع الخدامة ؟ نبي بعد ردوودكم

 

[malekatsabaa]

مشكووووووووووووورين حبايبي على الرد
خدامتى مو فليبنية وزينة
شكلي بأخذها

انتي ليش متردده...دام انها زينه وعندج امكانيات

اخذيها

وااااايد ترتاحين..حتى تقدرين باليل اتحطين عندها تليفون وتطلعين تتمشين او تدخلين سينما..لما عيالج ينامون..

انا امجربه مع خدامه وامجربه بدونها...الوضع عااادي لانها بتنام مع اليهال بغرفتهم..

والله بسهل عليج!!:tek: