مساء الخير يا حلوين 
انا ادري انه في بنات مثلي ياخذون كورسات (رو أكتين) و متعذبين من الجفاف :eh_s(2): فـ اليوم بروايكم عنايتي بـ بشرتي و جسمي من الجفاف :rerrerek: و يا ليت من اللي ياخذون رو أكتين يفيدونا بـ تجاربهم
~~~عنايتي للجسم من داخل ~~~
دايما اشرب ماااااااي + اكل فواكه
~~~عنايتي للجسم من بره ~~~
لـ الويه ~~ في النهار استخدم كريم الترطيب هذا ماخذته من عيادة الجلدية لانه عندي الخدود اساسا ناشفة بس الرو أكتين عامل عمايله :eh_s(1):
+ مرطب No 7 حق منطقة العيون من بوتس بـ 4 دنانير ~~كلمة اينن شوي عليه
في الليل ادهن ويهي كامل بما فيه منطقة العيون بـ فازلين و اخليه 5 دقايق
و عقب ايب بخاخ ماي ورد اخذته من الحواي جنه بـ 750 فلس و ابخ على ويهي و اقعد اسوي مســـــــــــــــــــــــاج حق ويهي و اذا ما قدرت احط ماي ورد او ما كان صوبي استخدم ماي الشرب العادي اللي من ماركة افيان اللي انا حاطه صورته فوق < هـ الطريقة مفيدة حق شغلات وايد و يسوونها عارضات الازياء عشان يريحون البشرة من اثار التعب و السهر و السفر ( اهمه طبعا يستخدمون ماي الشرب شـ عرفهم بـ ماي الورد :tomato2: ) هـ الطريقة حدها منعشة و اتبرد عـ الويه بهـ الجو :rerrerek:
لـ العيون ~~استخدم قطرات هم اخذتهم من الطبيب و اهمه تقريبا افضل نوع للترطيب لانهم صايرين على جل فـ ما ينشفون بسرعة و اذا ما حصلتوهم تقدرون تستخدمون R E F R E S H tears بدالهم
لـ الشفايف ~~~ احط مرطب لابيلو الكلاسيكي
لـ الايدين و الاظافر ~~ادهن ايدي بـ كريم زبدة الشيا من بودي شوب ~~ و كريمات بودي شوب كلهم رووعة و احسن اثنين هذا و اللي بـ زيت الزيتون
و احط محلول فيتامينات و مقوي حق اظافري من اكرينال ~~~ الحلو فيه انه ينشف حاله حال الاسيتون فـ ما يبطل الوضوء و اقدر احطه كثر ما ابي و متى ما طرى على بالي :sfg:
لـ الجسم كله ~~استخدم بيبي اويل لما اتسبح يهبل يخلي البشرة مثل البيبي
و اللي تستخدم الرو أكتين يا ليت اتفيدنا بـ عنايتها و اتمنى انه اللي يعجبها الموضوع تدعيلي بـ التوفيق بـ دراستي
و السلام ختام
:nbvppw:
