يعطيج العافيه اختي ام خالد
حبيبتي
انا حالتي قصه
بقولها لج كامله
انا دورتي قبل الزواج كل شهرين او شهر ونص تنزل يعني شهر تنزل وشهر ما تنزل
تزوجت وكشفت بسبب تاخيرها يعني 45 يوم مافي دوره
طلع عندي تكيس
والمبيض اليسار حجم التكيس فيه اكثر من اليمين
عطاني الدكتور الاول اللي بالعرف
بعد ما سوالي تحليل هرمونات باليوم الثاني للدوره ونزلها لي بحبوب دافستون
حبتين باليوم مدة عشر ايام وبعدين نزلت الدوره
كانت دورتي لما جيته متاخره شهرين
ونزلت الدوره بعد الحبوب لما خلصت من جرعاتهم وسوالي ثاني يوم الدوره
تحاليل هرمونات lh , fsh , prolactin وتحليل للغده الدرقيه
طلع كل الهرمونات سليمه
عدا هرمونين lh , fsh
مرتفعين بس الـ lh مرتفع اكثر
المهم عطاني الدكتور
حبوب كلوميد حبتين باليوم مدة خمس ايام وابتدي من ثاني يوم الدوره
سوالي سونار داخلي باليوم الـ11 من الدوره لقى بويضات ولقى عندي استجابه للكلوميد واستبشر خير
المهم قالي تعالي بعد بكره
كانت بويضاتي باليوم الـ11 اللي حجم 10 واللي 11 واللي 13
باليوم الـ13 سوالي سونار متابعة تبويض
طلع عندي البويضات حجم 12 و13 و14
باليوم الـ15 قالي تعالي
طلع عندي اكبر بويضه حجم 15 و16 وبس جنه بويضتين مدري 3 بس اكبر وحده حجم 16
المهم قالي ما اقدر اعطيج ابرة تفجير البويضات ما اوصلوا للحجم المطلوب
سوي جماع من اليوم لحد 5 ايام قدام وتعالي باليوم الـ21 من الدوره سوي تحليل هرمون البروجسترون
سويته بهاليوم وطلع نتيجته 45 وقالي تبويضج ممتاز
واذكر تاخرت الدوره خمس ايام ونزلت يعني نزلت باليوم 36 او 37 تقريبا
المهم قالي الدكتور تعالي الدوره الجايه اعطيج ابر لان انتي لازم ابر تنشيط
قلت له اوكي وانسحبت لان الابر بمستشفى العرف كل ابره بـ40دك وميزانيتي ما تسمح
رحت ريحت كم شهر بالبيت وكنت اهتم بدورتي من اعشاب ولهوم ومردود وعنايه وتدفيه
وكنت اشرب شاي البردقوش كل يوم قبل النوم
ومرات قبل النوم والعصاري يعني اقل شي كوب واحد باليوم
المهم رحت الدكتور اللي بالراشد
الدكتور علي منصور
وقلت له قصتي قال اكلي حبوب المنظم الدوره البوجليتون مدة 4 شهور وتعالي وعلمني على طريقتهم ان 21 حبه كل يوم حبه مدة 21 يوم ونبدى بالحبوب من خامس يوم بالدوره
انقر هنا لمشاهدة الصوره بحجمها الطبيعي. الحجم الاصلي لهذه الصوره هو 1024x768 74kb
ومثل ما انتي شايفه مكتوب عليه ما يمنع الحمل
المهم رجعت للدكتور وكنت لا ازال اشرب البردقوش حتى وانا اكل حبوب التنظيم
وسوى لي تحاليل هرمونات lh , fsh ,prolactin
بثاني يوم للدوره
وهم سوالي سونار داخلي ثاني يوم الدوره وقال المبايض والرحم سليم
ولقى الحمدلله ان هرموناتي كلها صارت زينه من نتيجة التحاليل
وعطاني هم نفس القصه كلوميد مرتين باليوم مدة خمس ايام من اليوم الثالث للدوره
وسوالي متابعة تبويض من اليوم العاشر والـ13 و الـ15
وطلع عندي نفس القصه اكبر بويضات حجم 16
وقال ماينفع اعطيج ابرة تفجير
تعالي الشهر الجاي ابر تنشيط عشان بويضاتج تكبر اكثر واقدر اعطيج ابرة تفجير
هالكلام شهر 10 /2010 وعقب تركت كل شي ولا راجعت اي دكتور وظلت دورتي منتظمه
الحين انا وقفت وناويه الشهر الجاي اروح للدكتور
لان دورتي هالثلاث شهور اللي طافت كله تاخر باليوم الـ38 و39 و40 تنزل يعني تاخر فوق الاسبوع وتنزل
ورحت للدكتور من جم يوم سويت سونار داخلي باليوم الـ 17 من كيفي بدون موعد بس طلبت سونار داخلي بشوف التكيس راح او ماراح لان اخذت علاج من مراه على اساس يشيل التكيس
وقالي الدكتور التكيس مكانه ماراح وهو نفسه الدكتور علي بالراشد رحت له
وقلت له ان دورتي انتظمت بعد الحبوب التنظيم بس هالـ3 شهور اللي طافت صارت تاخر 8 و9 و10 ايام
قال تعالي بس تنزل الدوره اسوي لج تحاليل هرمونات احتمال اللي ياخر الدوره بعد انتظامها ان هرمون الحليب عندج ارتفع او انه الغدة الدرقيه فيها خلل
والحين انا باليوم الـ24 من الدوره
الطبيعي والمفروض تنزل بعد 6 ايام بس انا اتوقع تاخر اكثر
ما ادري اختي ام خالد شنو تنصحيني
افكر اروح الحكومه بس تنزل الدوره واطلب اشعة الصبغه واجيك ع الانابيب وقناة فالوب واطلب منهم تحاليل هرمونات حق الحليب والغده وlh و fsh ؟؟؟؟؟؟؟
انتي شرايج اختي ام خالد او انه اروح للدكتور حق الراشد ويسوي تحاليل هرمونات ويبدى ابر تنشيط مثل ما قالي ؟
انا نسخت ردي بالموضوع هذا لان ام خالد قلتي تعالوا الموضوع الثاني اللي عن تاخر الحمل
