تايلند ضروررررري

[a7bkm]

بنات قولولي بوكيت شنو فيها غير رحلات الجزر وشارع الباتونق مادري اذا اسمه صح؟
يعني جم يوم يكفيها؟ لو احنا كلنا كبار مامعانا يهال؟

وهل الفانتازيا شو يسوى الروحه؟ والسفاري؟

تذكرو ما معانا يهال



:eh_s(6):

 

[ALSHD]

شوفي حبيبتي بوكييييت تهبل احلى من بانكوك يعني 5 ايام اسبوع يكفيها

رحلات احلى شي جيمس بوند تاخذ يوم كامل وسفاري تهبل بعد اكثر شي حق الصغار الفنتازيا حلو فيها عرض يهبل لاتطوفينه

ووالعاب وكشكااات فنااتق


الباتونق سوق مثل الجاينا تاون جذي ومطاعم بس لا تاخذين الصغار معاج اذا بتطلعين بالليل حيل لانه مايصلح بتشوفين عالم ثاني يعني بعد الساعه 11 احسن روحوا مطاعم او تمشوا على البحرر

اتمنى اكون فدتج واي خدمه انا حاضره

 

[maadaa]

الله يسلمج جزيرة بوكيت فيها رحلات واااايد حلوه حق الجزر منها جزيرة بيبي آيلاند و جزيرة جيمس بوند , و ضروري تروحين فانتازيا هذا الله يسلمج عروض حدها عجيبة و حلوه و تشوووق امممممم بس مافيها سوق و مجمعات مثل بانكوك , تسوقي في بانكوك السوق هناك حده عجيب و اسعارهم ارخص من بوكيت , و الله ما اتذكر جم يوم بالضبط قعدنا في بوكيت على ما اعتقد 4 مادري 5 ايام , و انشاء الله رحلة سعيدة و موفقة , و تروحين وتردين بالسلامة

 

[a7bkm]

alshd
maadaa
بنات ودي اقولكم شي شفت فديوات اجنبيه شي يهول عن هالشارع بارات وبنات مفاصيخ وايد تقريبا مو لابسين شي وواحد واقف يدلل عليهم وهم يرقصون لوووووووول جنه فترينات يعني الواحد يمشي ويتنقى هذا ببوكيت بس والله لانكممثل اخواتي حبيت انصحكم تديورون بالكم له اسم معين الشارع اتذكره واكتبه
مشكورات وه تبردون القلب بنات انا من السعوديه الخبر تحديدا اذا تبون معلومات عن اي شي مايردكم الا لسانكم وحتى عن البحرين والله اني اخدمكم بعيوني


بنات منو جربت تروح بالعيد انا للحين ماحجزت ولا شي احيانا افكر اروح بالعيد



مشكورات وتحملوني عالقرقه

 

[ALSHD]

بعد عمري هلا فيج وباهل السعوديه كلهم ...ذووووووووق دايم

هالشارع موجود وانا شفته ولا تفكرين تدخليييين والله ماتعرفين البنات من الشباب انااااا لاتدوريني وااااااااااي مابقى ايه ماقرريتهااا مابقى دعا ماقلته الله لايسخط علينا والله شي ماشفته بعمري كله الشارع اسمه هابي رود صوب الباتونق

معروف تايلند ودول شرق اسيا اغلبها رخيصه بالصيف ااما بالعيد والله حبيبتي مااعندي فكره


ان شالله البنات مايقصرون

 

[a7bkm]

مشكووووووووووووووووره زين يعني اذا لج خلق لووووووول شلون كان تقسيم رحلتكم عالجزر وشنو الشي الي ماسويتيه وتحسفتي او ماشريته لووووول او مارحتيله وكتبي اي شي تعرفينه لاني من كثر ماقريت دار راسي وكلشي محتاره فيه

 

[ALSHD]

والله اذا عالجزر مارحت الا جيمس بوند وصج صج صج تسوى

وروحي اسواق الباتونق ترى تشووووووق حييييييييييييييل الشارع طويييل لا تقولين مالي خلق اخذيه كله وفي مطاعم عربيه اسمها مطاعم الشرق بتلقينها وااااجد وفي مجمع حلو ورى الهابي رود صوب الباتونق بعد وانتي تمشين تشوفينه حلوو

في شغلات حق المساج وملابس حياكه وتكرمين نعال لرياجيل حلووه غريبه شوي رجلي اخذ ثنتين ومابقى احد اساله عنهم حلوويييين

اممممممممممممممممممم بعد شنووو في العاب رمايه فوق بالجبال ضاق خلقي انا وانبطت اذوني بس رجلي استاااانس عليهم حيييييييييييل
اكثر شي استفدت منه مناديل ديتول والكير فري لان هناك ماعندهم شي اسمه نظافه ماادري يعني لا الحمامات ولا مطاعم وتصادفج مواقف تحتاجينهم كنت ماخذه يمكن 10 ويالله بعد كفتنااا

شي تحسفت اني ماخذته اني كنت عروس وشاريه تكرمين صنادل كشخه لكن من كثر المشي تعبت وشريت جديد من هنااك ماتسوى علي كشخه

اذا عالسكن
كنا ساكنين بالهيلتون خدمه عجييبه ويجنن وحتى بالسنترر قريب من كل شي قبالنا الشاطئ على طول وقريب من الباتونق والسوبر ماركت
جنج عايشه بقصررر
بانكوك بعد روعه روعه روعه صج اسوااقهااااااااا جناااط ووملابس وتكرمين صنادل هاذي مايحتاج وصف اول شي قولي لهم جاينا تاون وبيودونج سوق روعه لو يقولون لج سعر لا تقبلين الا بربعه لا يلعبون عليكم

والمجمعات الكبيره هم بعد حلوه بس الجاايناا تكاسرين على راحتج وشغلات يزوغ عقلج عليها <---- فصللللللت
اممم واللي تبينه اسالي عنه بالخدمه

 

[a7bkm]

alshd ,والله احرجتيني بطيبك مشكوره على المعلومات المفصله حطيت الموضوع بالمفضله ماقصرنتي كفيتي ووفيتي

 

[ALSHD]

ولو بالخدممممه حبيبتي ماسويت شي

اي شي تبينه ارسلي عالخاص اخاف مانتبه فديتج

 

[منانا]

هااي بناات مثل ما استفدت من موااضييعكم قبل لا اساافر حاابه افييدكم

انا حاليا في بووكيت سكنا بالباتونج بيتش الشارع حده ونييس بس المشكله الفناادق انا حجزت فندق من النت وطلع اقل من المستوى الي نبيه واايد اشيااء نااقصه بس بشكل عاام حلو اسمه رويال بالم حجزنا فيه يومين وبعدين باجر بنروح فندق ثاني حده عجييب اسمه ماريوت كورتيارد اينن وارخص واحلى من الهوليدي ان والي يميز الهوليدي ان مسااحته وصلير جنه منتجع بس بس المريوت فخم ونظييف حييل والغرف عجييبه وكل شي فييها

اول شي سويناااه اول ما وصلتا وكاان نعم الرااي والقرار انه شريينا خطوط تلفوون خلينا راعي التكسي يودينا وشريتاهم بسعر معقول

خصوصا اذا انتوا عايله بس اذا وحده وزوجها ما اظن تحتاجون

لا تحاولين تاخذين معااج واايد اشياء لان السوبرماركت كل شي فيه وارخص من الي بالديره ونفس الماركات وانا قطوا مني الديتول مال الاسطح قبل لا اركب الطياره الى بوكيت

لي الحين مارحنا رحلات ولا الفنتازيا لان صارلنا يومين

تمشينا فيهم بالمحلات الي يم فندقنا

بعديين اكمل اذا تبون تفااصيل اكثر

 

[a7bkm]

منانا تردين بالسلامه انشالله وانشالله ياربي تكون احلى رحله هاالرحله متابعتج اول باول وبشوف الفنادق الي قلتي عليها لان اثق برايكم وادري انكم ماتحبون الا الزين

بس بغيت اسالج عن الماريوت على البحر مباشره وهل الشاطئ خاص بالفندق؟ وغرفه وسيعه؟ ويم السوق؟

وشرايج بالجو العام للديره مريح؟

 

[dla3_princess]

منانا اشلوون الجو ؟؟؟؟!!!

و تحسين الوضع امن من ناحية الامراض و سالفة انفلونزا الخنازير؟؟

ما رحتي بانكوك ؟

 

[a7bkm]

مناناااااااااااا وينج شكل البنيه لهت لوووووووول اذا ردت ماراح نخليها بحالها لازم تكتب لنا بالتفصيل

 

[miss LV]

من ناحيه الرحلات حلوة بس اذامارحتي الفنتازيا بزعل عليج ههههههه
لانها بصراحه فيها عرض خيالي وراح يعيشج بعالم خيالي كانج بحلم
والله يوفقج حبوبتي

 

[dla3_princess]

بنااااات بليييز اللي تعرف اشلوون الجو باخر شهر 7 او اول 8 تقووولنا بلييز

 

[ام الحوراء زينب]

ابي الجو شلون صاير
وانا بقعد شهر زين ولا لا
ومشكورين

 

[عالمة_جيولوجيا]

انا الا اعرفه انها مو حلووه بشهر 8 كله مطر والله اعلم

 

[كرامتى تهمنى]

هلا حبيبتى اذا تبين فندق هادىء ورومانسي قريس لاند واذا تبين فندق قريب للشاطىء والتسوق اخذى ماريوت كورت يارد جديد مقابله هوليدى ان والفنادق اللى يمه هم حلوه وقريبه من المحلات والشاطىء مايحتاج تاكسي ""وماريوت كورد يااااارد فيه العاب بلياردو وبلاى ستيشن وشغلات حق كبار وصغار بس عجيب واذا تبين اسم مكتب حجز من المطار انا حاضر اسعاره حلوه

 

[ام خالد1]

انصج روحي بوكيت انا رحت لها مرتين وهذي ثالثه شي شي

 

[دانة الروابي]

ابي الجو شلون صاير
وانا بقعد شهر زين ولا لا
ومشكورين

جو تايلند نوعا ما حار بس الامطار عجييييييييييييييييبه ,وبالنسبه لاقامتج شهر زين قسميها على كذا منطقه يعني اسبوع بوكيت واسبوع شنغ ماي واسبوع بانكوك اعتقد كافي وتروحين وتردين بالسلامه