تبارك الرحمن شعري بعد 6 شهور شوفوا شلون تغير

[Miss sensitive]

مرحبااااا

حبيباتي انا من اول سنه 2011 بالضبط من 1-1 بديت بالعنايه بشعري

اول شهرين كنت استخدم خلطه كيشور دهني
وبعدها دخلت خلطة الحنه والسدر

والحين بعد 6 شهور بقولكم عن شعري ما شا الله تبارك الرحمن
بس شرط
طبقي صح
التعليمات
الوقت
الكميه
الطريقه

بسم الله نبدي



اول شي كيشور دهني:

هذا رابط قروب كيشور والموضوع معدل بعد موافقه صاحبه الموضوع الغاليه ام غازي
فحطينا فيه افضل طريقه لاستخدام كيشور
http://www.q8yat.com/t768306.html


وهذي تجربتي مع كيشور بعد شهرين من الاستخدام
http://www.q8yat.com/t798763.html


والحين بحطلكم التفاصيل والزيت اللي زته عن خلطتنا بكيشور وفادني

المكونات:

علبتين كيشور دهني
100 مل جوز الهند العلبه الحديد الخضره cbc
100 مل زيت خردل ace ان وجد (وسعره 245 فلس فقط بالجمعيه برف الزيوت المخصصه للاكل)
زيت ترشوب علبه وحده​

2 كيشور دهني​

100مل زيت جوز الهند cbc​

100 مل زيت خردل ace​

ا ترشوب

والطريقة اهي:​

خلط الزيت وتدفئته وليس تسخينه
وضعه على جذور الشعر مع مسااج خفيف لمده 10 دقائق على الاقل
تركه على الشعر لمده تتراوح بين النص ساعه وساعه ولااا تزيد عن ذلك مع مراعات عدم تغطيه الشعر بغطاء محكم ويفضل تهويته​

استخدام الزيت 3 مرات بالاسبوع على الاقل لتحصلي على افضل نتيجه ​

 

[برنسس أوراق]

سؤال..مو انتي اللي حاطه موضوع خلاصة تجربة عام كامل مع دابر املا..

 

[عظيمة الشان]

شكرا حبيبتي

يسلمووووووووووووووووووووو

تحياتي​

 

[Miss sensitive]

ثاني شي خلطه الحنه

بعد شهرين بديت فيها واحطها مره بالاسبوع

المكونات:

3 قفاش حنه من مكه ( هذا اللي عندي)
3 قفاش كثيره الجل
قفشه سدر
قفشه روب

اخمره جم ساعه واستعمله والزايد بالثلاجه

الطريقه اخليه بشعري بس ساعتين ومغطيته بنايلون
واغسله بس بحمام زيت من فاتيكا


3 قفاش حنه

قفشه سدر


3 قفاش كثيره

قفشه روب



استعمل شامبو سلفكرين بالبيض
او سلفكرين بالصبار

كريم تصفيف من فاتيكا



النتيجه ما شا الله تبارك الرحمن
الفراغات بشعري انترست والبيبي هير يطلع على طول غير اللمعه والنعومه ولله الحمد
والحين اقدر ارد شعري لي ورا ولا تبين فراغاتي
وكل مره اقول بعد شهر بوقف بعد شرين بوقف

بس بعد هالنتايج
انا مستمره
ومستمره

دام شعري قاعد يترس وبشوف بعد سنين جدام شلون بيصير
لان هالعنايه سهله وما تتعبني

ادعولي الله يوفقني بتجارتي توني باديه فيها
وهم دشوا الروابط بتوقيعي وشوفوا اللي عندي :eh_s(8)::eh_s(8)::eh_s(8):

حيااكم

 

[Miss sensitive]

سؤال..مو انتي اللي حاطه موضوع خلاصة تجربة عام كامل مع دابر املا..

اي حبيبتي انا

بس انا ناقله تجربه صاحبه الموضوع وكاتبتلج منقول
انا ما جربته مده سنه

http://www.q8yat.com/t833236.html

 

[برنسس أوراق]

اي حبيبتي انا

بس انا ناقله تجربه صاحبه الموضوع وكاتبتلج منقول
انا ما جربته مده سنه

http://www.q8yat.com/t833236.html

اها ..مشكووره حبيبتي عالتوضيح بس انا جذي عندي عيب الملاحظه خخخخ..انا الحين مع قروب دابر وكتبت تجربتي بالموضوع وايد استفدت منه ومشكووره مره ثانيه على نقل الموضوع

 

[little-voice]

يسلمووووو بجرب خلطه الزيوت الاولى بس الثانيه لان فيها حنه نو واي
يعطييييج العافيه حبيبتي

 

[ملامح بريئة]

عليك بالعافية

 

[f@rsaq8]

موفقة ماشاء الله

 

[درة أهل الطولات]

ما شاء الله

 

[ReeM ^ Style]

مشكوره حبيبتي ماقصرتي
بس شلون تدفئته يعني مافهت ؟

 

[Tom ♥ Jerry]

,،


ماشالله ماشالله ؛*
الله يهنيج بالنتيجه حبيبتي

 

[كيفي كيوت]

ع البركه

 

[زهرة الفردوس]

مشكوره

 

[لياليـ]

ماشالله الله يهنيج بالنتيجه
اتقبلي مروري

 

[لياليـ]

اب
اب
لعيونج

 

[عبقرية]

موفقة ​

 

[Miss sensitive]

مشكوره حبيبتي ماقصرتي
بس شلون تدفئته يعني مافهت ؟

يعني سخني الزيت وقبل لا تحطينه بشعرج لمسيه بصبعج اذا دافي اوكي واذا حار يحرق لا موزين على فروت راسج
يموت البويصلات

 

[Miss sensitive]

شكرااا حبيباتي وحياكم
بكتيلكم بعد وصفه لوقف تساقط الشعر بوقت ثاني
وطبعاااا مجربه

 

[خاله دلوول]

مشكوره "