تبــييض الأسـنان و لاصقات التبييض Crest White Strips

[أم وليد وريتال]

بصراحة انا جربت التبيض القوالب عند مستشفى الهادى حق عرسي هو اول الايام يعورج وبعدين يخف الالم بس جد اسناني طلعت حلوه والحين اجرب لصقات كرست نفس مستوى القوالب همن حلوين اللصقات جربيهم ياحلوه انا شريتهم من السعودية وبالتوفيق

 

[hot caramel]

بنات انا جربت معجون كرست الولوو صراحه ما اشووف تغيير احس عادي هذا معناته انه المعجون ماله تاثير بالبياض اهم شي الواحد يخفف جاي وقهوه والمشروبات الملونه بس انشالله اسوي القوالب بس اخاف انه يصيرون حساسين

والله عجيبــه !

انا وايد فرق علي

والمعجون له تأثير جبير اكيد بس مو كثر تأثير عدد مرات التفريش


حياتي قبل لاتسوين اي شي روحي جيكي على ضروسجج وطبقتهم الخارجيه ولون المينا

لانه عندي رفيجتي لون ضروسها يميل للصفار وعيزت واهيه تعتني وتفرش بس ضروسها هاللون خلقه

ومــوفجه يابعد روحي

 

[hot caramel]

كراميل نفسي ازطزط حلييب وعشان تطلع لي خدود يقولون ينفع بعد :dddds:
اي والله انا الي احاتيه ان اخاف يختربون
بس بسالج انا عندي غسوول لونه تقريبا جذي أزرق أخذته من الطبيبه وغطاته سوده ، هذا الي تستخدمينه ؟
وشسم غسولج ؟؟وجم مره تسوينه باليوم لان انا يحرققني فقمت ماسويه الا بالاسبوع جم مره ومرات مااغسل فيه خيير شر أقول أخاف يأثر لأنه فيه كحول
انزين وإي بعد شسم معجونج ؟؟
مصختها صح :dddds:

تصدقين انا بعد يبيلي تقويم عشان يتسنعون أكثر لان في بينهم فتحات شوي بس خايفه

هــلآاااا فيج يابعدهم .... افــأاا علييييج تآمرين امر

انا غسولي اسمه "جنتل" ماركه سنسوداين لونه ازرق

وايد حلو ومنعش للفم ,, بالنسبه حق عدد مرات الاستخدام على كيفج والي يريحج

انا متى ماطق بمزاجي استخدمته لانه حده لذيذ وبالفعل يسنع لون الضروس شوي

وبالنسبه للمعجون بالوقت الحالي استخدم كرست بيرل وفرشه اورال بي :d

وبعد اسوج (استخدم المسواج) سنه رسولنا محمد - صـلى الله عليه وآلـه وسلم - .. والله ماشرع لنا شي الا وفيه خيره الاموره لنا سبحانه تعالى


ترى اختربت اسسي وقواعدي صرت اشرب كوووفي لانه غرامي القهوه العربيه ومااستغني عن القدوع

وحتى الجاي اشربه مع الحليب هم بعد صرت مااستغني عن الحليب بالشاي المهيل

ولون ضروسي مافرق وايد ,, لانه اول وتالي وارد اقول يعتمد على عدد مرات التفريش


انا احس ضروسي شنيعين بس دكتوري معيي لايحط لي وضروسي عاجبينه

واذا انتي بخاطرج البريسس توكلي على الله وحطيه وماكو شي يخوف

لانه يبيض الضروس الي جانب انه يرتب صفتهم ويخليهم متناسقين


واذا عندج اي استفسار انا حاضر وبالخدمه حبيبي

وحيــاآج الـرحمن منوووره

 

[hot caramel]

إي والله هالكرست هذا الي بالولو جربته انا بعد وصارلي اسبوع تقريبا وأحس اصلا يصفرهم واختي جربته صارلها شهر وضرويها طبيعيه اصلا أمبييه أحس انه قاعد يحكهم ويشيل منهم اول طبقة فقمت اخاف والحين الله وكيلج والله قطييته بالزبالح هو وكرست القديم بعد وبكمل على واحد عطتنياه دكتورة اسنان بعد تنظيف اللثة حق الاسنان الحساسه لمدة شهر باقعد عليه بعدين باشوفلي أي معجون يكوون فيه (فلووراايد ) هذا أهم شي بالمعجوون ويمكن أستعمل سجنال

بس ترى لزقات كرست أتوقع تختلف عن المعجون ذاته ! وصراحة هالاختراع وااايد عاجبني ولي تجربة ان شاءالله وأسردها لكم هني ان شاءالله


وصح مثل ماقالت هوت إن طريقة التفريش والمداومة عليه مرتين يومياً والفرشاة الزينة هي الي تلعب دور أكثر بتبيض الاسنان ولمعانها


وبارك الله فيكم كلكم وتظل ابتساماتكم بيضاء مشرقة إلى الأبد بإذن الله

من صجكم انه كرست بيرل (لولو) مويايب نتيجه معاكم !!!

اصلا انا اول مره بحياتي اسمع احد يذمه .. يــاسبحان الله بكل مكان الاصداء شايعه وذايعه انه تمام

وراعي المثل يقول اسأل مجرب ولاتسأل طبيب

ولماجربته كانت احلى تجربه لي وخلا ضروسي يلالون وجنهم لولو مشـاالله

ولمعتهم وايد حلوه وعجبتي .. هالمعجون خطير تبارك الرحمن

ياجماعه اخاف اضاءه حمامنا (عزكم الله) تطلع ضروسي يشوقون جذي لو و و و ل



والي يحك الضروس يابعد عمري ويخرب المينا مالتهم هوه طريقه التفريش والتبييض هذولي السببين الي يسببون هالشي

اما المعجون ماله اي عـلاقه بمينا الاسنان و الطبقه الخارجيه للضرس فحرصوا انكم تفرشون برقه وبشكل خفيف

وماتضغطون عالضرس بدفاشه والا راح تتلفون المينا بسهوله جذي وبغض النظر عن المعجون المستخدم



والمعجون الي يصفر الضروس اهوه signal استغفرالله حده فااااشل

وماكو معجون اسنان مافيه فلورايد , والا جان ماسميناه معجون للأسنان !


مع اني لما سألت دكتور الاسنان قالي انه كل المعاجين سوا ونفس الشي وفيهم فلورايد

بس انا عن تجربتي حسيت انه ماركت كرست و كلوس أب متميزين عن الباجي

والتجارب جاريـه مع انه كرست بيرل حاز على اعجابي بدرجه جبيـره


ومــوفجييييين غـاليــاتي

 

[hot caramel]

بنات ماادري سمعت ان القوالب تسبب رائحه كريهه بالفم

وي غــبره !

عاد ما قط وحده مسويه تبييض ذكرت لنا هالملاحظه المهمه

ومشكوره قليبي عالمشـاركه

 

[يوآش يوآش]

ماادري والله

 

[law love]

انا حاليا استخدم لصقات كريست طالبتهم من بره النوع الجديد و احسن واحد بس ليلحين ما خلصت الكورس لاحظت تغير و لله الحمد لكن مووو واااايد يعني تغير حلو و بسيط اسناني صارت طبيعية لونهم حلو الي ينباعون بمركز سلطان النوع القديم و الحين مو موجود
معانا وحده بالمنتدى تبيعهم مو نفس الي انا استخدمه لا النوع الي اقل منه بس من المجموعه الجديده الثري دي و سعرها حلو و معقوول
و شريت من مركز سلطان معجون كرست للتبيض و الغسول الي يكونون يايبنهم من بره مو ملوت الشرق الاوسط
من ناحية العوار ما كو عوار بس الاسنان اتصير حسااسه شوي بس يعني شي تستحملينه موو ماتقدرين
و بالنهايه انصحح فيهم :tek:

 

[hot caramel]

بصراحة انا جربت التبيض القوالب عند مستشفى الهادى حق عرسي هو اول الايام يعورج وبعدين يخف الالم بس جد اسناني طلعت حلوه والحين اجرب لصقات كرست نفس مستوى القوالب همن حلوين اللصقات جربيهم ياحلوه انا شريتهم من السعودية وبالتوفيق

مشــاالله عسى ربي يتمم عليج هالفرحه و يرزقج بالذريه الصالحه يابعد قلبي

وشــاكره لح هالمشاركه الحـلوه و الي فادتنا

 

[JaDeL]

بنات بليز دزولي رسالة خاصة اللي تعرف لان مرات ما اجيك على المواضيع

اللي تقول القوالب تقصد التبييض المنزلي ؟ ولا شنو

اللي تعرف للتبييض المنزلي وسمعت عنه او جربته تدزلي ضروري

 

[Anastasia]

Hot caramel
ماشالله موضوعج من العام وبيكمل سنة
معقولة ليلحين ماجربتي شي من اللي قالوه البنات !

 

[الطاوووسه]

رفع للفايده

 

[Purple Occasion]

رد : تبــييض الأسـنان و لاصقات التبييض Crest White Strips

انا جربت لصقات كريست مع معجون كريست للاسنان الحساسه مع مضمضه كريست
لان تصير اسنانج حساسه من الماي البارد والهوا
وتسوينه مره وحده بالعمر لان يضعف ميناء الاسنان

وبالتوفيق

 

[ماما نونا]

بنات شنو أحسن ماركه للقوالب ؟

 

[ღ جًٍـوًٍجًٍـو ღ]

يعطيكم العافيه صبايا
رحت دورت ع اللصقات بمركز سلطان و كذا صيدليه ماحصلته
فياريت تفيدوني من وين اشتريه لان مليت و انا ادور ;p

 

[ღ جًٍـوًٍجًٍـو ღ]

8
8
احم توني راده من مركز سلطان قالولي موقفين بيعه هذا ما قامو اييبون منه )=
بنات وين اقدر احصله؟ صيدليه اي مكان؟ ابي استخدمه قبل العيد )=

 

[@ناعمه@]

مرحبااااااااااا عساكم عالقوه خوش موضوووع :rerrerek:

عاد توني طالبه من وحده بالمنتدى لزقات اسمه ثري دي بروفيشينال

سعره 25 اهي عندها أنواع ثانيه أرخص بس آنا طلبت هذا أقوى شي

راح يوصل بعد اسبوعين ...بس جني اشويه خفت ما أبي تتحسس اسناني :eh_s(10):

عفيه بنات اللي جربت الثري دي تكتب تجرتها...

 

[ღ جًٍـوًٍجًٍـو ღ]

> ناعمه من منو طلبتيه؟

 

[@ناعمه@]

جوجو طلبته من وحده بالمنتدى نسيت اسمها

بس هذا رقمها 55309936

بس ليلحين ما وصلي تقول بعد اسبوعين

 

[ღ جًٍـوًٍجًٍـو ღ]

اوكي يعطيج العافيه قلبو

 

[Sweat Dreams]

رد : رد: تبــييض الأسـنان و لاصقات التبييض Crest White Strips

8
8
احم توني راده من مركز سلطان قالولي موقفين بيعه هذا ما قامو اييبون منه )=
بنات وين اقدر احصله؟ صيدليه اي مكان؟ ابي استخدمه قبل العيد )=

آنالاقيتها بالصيدليه اللي بالأفنيوز