تبون تشوفون مرشحات المجلس ... اوقفوا بالدور

[عود مبخر]

هــــــــــــــــــــــــــــــــــــــــــــــــاي بنات

بما ان الحين الكل مختب و معتفس للانتخابات و الترشيح
و بتصوتون حق منو و منو الي يستاهل


بلالالالالالالالاش كلام زااااااااايد بخليكم مع مرشحاتنا للمجلس ..



هاللله هاللله فيهم ولا تنسون تصوتون



مقابل صوتج تحصلين سيدتي و آنستي و عانستي على اشتراك حمام مغربي و اشتراك تمليس شعر
و الي تدلنا على صوت ثاني لها بالاضافه للاشتراكات السابقه جدر مجبوس لمده شهر و بستوك أجار








الموضوع كله غشمره و خلوا روحكم رياضيه بلاش الزعل

صوتي لسكينه و تحصلين على جدر باجه و آش صباحا لمده شهر و اشتراك تغزير الحواجب

صوتولييييييييييييي و لكم منيييييييييييييي ما أطب المارينا كللللللللللللللش
و راح ألبس كووووووووووووووووووول و جنطه لكل ناخبه

ما ادري شلون هالعضوه سقطت سهوا و نزلت قبل لا يتم تحديد منطقه مدينه الحرير ؟؟!!!
صوتوا لها و تحصلون على ارض 700 م زاويتين و ارتداد مربع من غير تمديدات مياه وكهربا

يا ويليييييييييييييي ويلالالالالالالالالالالالالالالالالالالالالالالالاه

صوتولي يا خوات و لكل صوت حنه و ديرم و سدر و خلطات تبيض











ان شاء الله عجبتكم الصور ... منقوله من بلوق LiL Alien

 

[* LOVE STORY *]

مشاركة: تبون تشوفون مرشحات المجلس ... اوقفوا بالدور

صوتي لشقحه

تستااااااهل ياااااحلوها والله

تسلمين عالموضوع الحلو

 

[عود مبخر]

مشاركة: تبون تشوفون مرشحات المجلس ... اوقفوا بالدور

كرستاله


شقحه تقولج : لا خلا و لا عدم و هديتج بالطريييييييييج مع الدريوول

 

[brownness]

مشاركة: تبون تشوفون مرشحات المجلس ... اوقفوا بالدور

لووووووووووووووووووووووووول لمدينة الحرير هههه

 

[سارا ديور]

مشاركة: تبون تشوفون مرشحات المجلس ... اوقفوا بالدور

ياساكينين الخيام .. فوق الربوع الجميله.. قلبي معاكم سكن

صوتي لشقحه

 

[سارا ديور]

مشاركة: تبون تشوفون مرشحات المجلس ... اوقفوا بالدور

معـ شقحه إشقح إشقح

معـ شــــاقحه معـ شـــــاقحه

 

[عود مبخر]

مشاركة: تبون تشوفون مرشحات المجلس ... اوقفوا بالدور

برونس

شكرا لتصويتج لمومياء مدينه الحرير مبروككككككك عليج الارض ام زاويتين



سارا ديور
شقحه تقولج فديتج و الله و هديتج مع الدريوول بالطريج

 

[زيـنـه]

مشاركة: تبون تشوفون مرشحات المجلس ... اوقفوا بالدور

يحليلهم .. مرشحة العاصمه توزع جناط ؟؟

 

[حلاوه الإيمان]

مشاركة: تبون تشوفون مرشحات المجلس ... اوقفوا بالدور

لوووووووووووووووووووووول

انا صوتي للبيع

 

[عود مبخر]

مشاركة: تبون تشوفون مرشحات المجلس ... اوقفوا بالدور

بنوووته حددي تبين تبيعين حق منو ؟!؟

شنو اكثر شي اغراج ؟
جدر باجه و آش ؟
ارض 700 م ؟
جناط ؟
حنه و ديرم و خلطات تبيض ؟

ترى كلهم عندهم استعداد لشراء صوتج

 

[روزالكويت]

مشاركة: تبون تشوفون مرشحات المجلس ... اوقفوا بالدور

فديت الشقحه يالبيه ودى احب راسها صوتى لها بلااااااااش

 

[عود مبخر]

مشاركة: تبون تشوفون مرشحات المجلس ... اوقفوا بالدور

روز الكويت


شقحه تشكررررررررررررررررررج و تقولج بما انج تنازلتي و صوتج مجاني لها بطرش لج مع الهديه نص مفطح و النص الثاني بعد فوزها بالكرسي النيابي

 

[روزالكويت]

مشاركة: تبون تشوفون مرشحات المجلس ... اوقفوا بالدور

امبيــــــــــــــــه عزالله خرب الريجيم انا اقترح على المرشحه شقحه انها تخفف النشويات وتكثر من السلطات والمأكولات البحريه والمشاوى بالبوفيه بالمقر المقام بالبراحه عشان اذا خلصت الانتخابات وسوينا الحفلات الا الاجسام يالله من فضلك كلن يقول الرشاقه والزود عندى.

 

[منطلقة بطموحي]

مشاركة: تبون تشوفون مرشحات المجلس ... اوقفوا بالدور

تستااااهل شحقة

حيوووها حيوووها

نشكر اختنا مبخر عود على هالانتخابات الطيبة !

 

[شاهة]

مشاركة: تبون تشوفون مرشحات المجلس ... اوقفوا بالدور

امممممممممممم اذا جنطة ماركة انا صوتي لي بنت المارينا

 

[عود مبخر]

مشاركة: تبون تشوفون مرشحات المجلس ... اوقفوا بالدور

روز الكويت


مرشحه القبائل و الطوائف مدام شقحه تقولج ان من ضمن برنامجها الانتخابي مدربه سويديه لكل ناخبه لزووووووووم العشيات و الغديات






دكتوره السعاده

شكرا لتصويتج لمرشحه الجميع جكجكجكجكجكجكجكجك عاشت عاشت ورا ورا لا مالت على شقحه ولا مالت على دكتوره السعاده و السامع يقول امين لولولولولوييييييييييييييييييييييش
هديتج بالطرييييج





شاهه

الجنطه ماركه بس مستعمله استعمال خفيف ؟!
شقلتي ؟

 

[شاهة]

مشاركة: تبون تشوفون مرشحات المجلس ... اوقفوا بالدور

وية من اولها تخلف بوعودها الانتخابية يبا خلاااااااااااااااص صوتي لشقحاااااااااااااااااااااااااااا وبس يلا الخلطات تنفع بعد

 

[عود مبخر]

مشاركة: تبون تشوفون مرشحات المجلس ... اوقفوا بالدور

شاهه

مرشحه القبايل و الاحزاب النسائيه تشكر لج على تصويتج و تقولج لج ما لج امان قلبتي على مرشحتج من اولها فهديتج : نص قفشه حنه و نص قفشه سدر و قلاص خلطات تبيض متنوعه
و السلام عليكم و رحمه الله و بركاته

 

[ضحى الكويت]

مشاركة: تبون تشوفون مرشحات المجلس ... اوقفوا بالدور

انا بصراحه ما راح اصوت ولا حق اى وحده الان انا ضد هالاشياء حتى لو كانت مزحه


ومشكوره يا عود مبخر

 

[moors]

مشاركة: تبون تشوفون مرشحات المجلس ... اوقفوا بالدور

والله خوش شيئ خدمات نسائية 100% عجيب


الله يغربل ابليسج موتيني من الضحك احلي شيئ تغريز حواجب