FiOnKa
New member
السلام عليكم ,,
الشيب مشكلة أزلية و كثير اللي يعانون منها ,, و كثيرين ايضا تلفت شعورهم الاصباغ بس هم ما لهم غنى عنهم
حتى يخفون الشيبات ,, بس اللحين و من بعد موضوعي ,, ان شاء الله راح تقدرون تعالجون شيباتكم او اتغمجون
اشعوركم و تسودونها بـ طريقة طبيعية و ما تضر شعوركم ابد بالعكس إلا تعالجها و تلمعها ,,
ملاحظة مهمة :: الطرق اللي بذكرها مو شرط للي فيهم شيب بس ,,
تنفع حتى البنات اللي يحبون الشعر الاسود الفاحم و ما يبون يصبغون و يأذون شعورهم بالصبغات
و اللحين تبون تعرفون الطرق ؟! .. حياكم الله ,,
الطريقة الاولى لعلاج الشيب ,, بس يبيلها صبر و مواضبة بدون انقطاع ,,
من الزيوت اللي تغمج و تسود الشعر و معروفه انها علاج للشيب اهم ::
1. زيت الآس
2. زيت المرمية
3. ماي المرمية :: (تاخذين المرمية تغلينها بماي و بعد ما تغلينها تخلينها تبرد و تحطينها ببطل )
الطريقة ::
اخذوا الزيتين اللي قلت لكم عنهم و خلطوهم مع بعض و استعملوهم بشكل يومي او يوم و ترك
و كل يوم غسلوا شعوركم بماي المرمية و لا تغسلون عقب ماي المرمية عشان ياخذ مفعولة بالشعر
بس لازم لازم تواضبون عليهم يوميا او يوم و ترك و بتشوفون النتيجة اللي بتسركم باذن الله
---
و الطريقة الثانية ::
اهي خلطة ( الحنة العادية ) و الاعشاب ::
حطوا حنة و بعدها بيوم روحوا حطوا خلطة الاعشاب اللي بصالون كيوتي تو اللي بحولي يم المعهد التجاري عندهم
خلطة اعشاب بدون صبغ ,, حلوة تنعم و تسود الشعر حتى الشيب تصبغة أســــود من اول مرة و الله وايد حلوة و غير
هذا مفيده للشعر و ما تضر ابد لانها طبيعية و كلها اعشاب
و ان شاء الله تحصلون كلكم على شعور فاحمة و سودة و لميعه كمان :eh_s(6):
