رد : تبيــن تكونيــن سنعــه بردودج جـدآم زوجـــج ...تعــــــآلي هنـــــــــي
خوووش موضوع ,,,
انا اذا رد ريلي من بره او اي احد غالي علي اقوله : يا هلا ومرحبا بمن حبا ودبا وركب القليلبا ,,,
واذا قالي صايره حلوه او شحلاتج اليوم اقول من عمري وانا حلوه ,,, هع
المريض نقوله خطاك السو ويرد خطاك اللاش ,,,
اذا رحتي لوحده والده وشفتي البيب يتقولين ياعله متبوع بالعيال وطيب الفال ,,, او ياعله متبوع بالمال وطيب الفال ,,,
واذا جاكم احد تقولين مرحبتين كبار كبار كبر التنكر على القار ,,, هذه مالت جدتي الله يرحمها ,,, ههههههه
واذا غصيتي او شرقتي واحد قالج حلو او اي موقف ينقالج فيه كلمة حلو تقولين حلت دنياك واسمرت لياليك ولا فيها الا انا وياك ,,,
واذا ريلي بيطلع اقوله غالي غالي لو تبعد ,,, واذا انعزمتي عند احد وعقب العشا تقولين ياعلها سفره دايمه ,,, ربي يخليلكم راعي بيتكم ,,, اكرمكم الله ,,,
واذا احد عطس تقلين له عشت ولبست البشت ومع ربعك هشت ’’ هشت يعني ان شاء الله تكبر وتتهاوش مع الصبيان ’’ ههههههههه
طبعا تنقال للولد مو للبنات ,,,
وانا مرات اذا شفت وحده عزيزه علي من زمان مو شايفتها اقولها الزين بين وله ناسن يشوفونه طبعا هذه اغنيه من اغاني الصفين ,,, ققلللووووووووششششششششش
وتصلح بعد اذا وحده قالتلج شرايج بمكياجي بنفنوفي بشكلي ,,, او شرايج صايره حلوه اليوم ,,,
واذا احد قالي وبعد اقول ياعلك بعد من قام وقعد وسمى سعود وسعد ,,, هههههههه
واذا احد قالي قولي,,, اقول : قل قولج وتكسرت حنوجج ,,, ههههههههههه جني خربتها ,,,
وفي كلمات مثل ياعل عيني ماتبجيك ,,, حافظك الله ,,,
وشكثر استعمل كلمات الاغاني بالرد ,,,
مثلا : اذا زعل علي احد اقوله ايا غالي يابو الموقه ,,, واذا باشتكي وباتحلطم وريلي لاهي مايدري عني اقول شكواي للي يفتهم شكواي ,,,
قرقت وايد ,,, لأني ام ناصر لسان طويل والحيل قاصر ,,, هههههههههههه
لي عوده ان شاء الله ...
