تبين تتخلصين من همومج و تغيرين شخصيتج.. تعالي شوفي عجاايب الاسترخاء

[~انحناءات أنثى~]

مساءات الورود و دهن العود على احلى بنوتات شلونكم.. انشالله طيبين حبايب قلبي..:aha:

حابه انقلكم تجربتي مع جلسات الاسترخاء و الله انها شي عجييب]:

راح اقولكم شلون تسوون استرخاء..يالله نبدي.. بسم الله..


اول شي لازم تكونين قاعدة في مكان هادي يبعث على الهدوء و الاسترخاء و الاضاءه تكون خافته، و يكون احسن لو شبيتي شموع وفجيتي الدريشه<<<يعني داشه جووو

افضل وكت للاسترخاء اهو بالليل قبل النوم بعد ما تاخذينلج شور.. و لازم تكونين مصفيه ذهنج عالآخر لا تفكرين بمشاغلج [/SIZE]الدوام و فلانه راحت و علتانه سوت
:gathering:


بعدين تستلقين على الكنبه او الفراش بس مو نايمه كلش يعني، لا بين و بين نص نومه... و تشغلين لج موسيقى هاديه هاديه حيل و يفضل صوت الطبيعه او تغريد الطيور<<< اتمنى تكونون فاهمين علي
:ggdw:
تغمضين عينج وتبدين تعطين ايحاءات حق روحج جنج قاعده تكلمين احد قبالج، ومن هذي الايحاءات ( طبعا و انتي تكلمين روحج لازم صوتج يصير واطي مثل الهمس و الكلام بطيء):


احس بكل خليه من خلايا جسمي في حالة استرخاء تام...كل عضلاتي و اجزاء جسمي مسترخيه تماما... خلايا جسمي تتنفس بعمق...احس الهوا قاعد يتغلغل في كل خليه( موبس تقولون العباره، لا تخيليها بعد).. احس خلايا قدمي في حاله استرخاء تام.. احس خلايا ريلي في حاله استرخاء تام..خلايا حوضي في حالة استرخاااء( وجذي تصعدين لين توصلين الراس)

طبعا الكلام الي فوق تكررينه كذا مره بس مافي عدد محدد.. وعموما مدة الاسترخاء عادة نص ساعه و كلما تعمقتي تزيد
..
هذا حق الراحه والتخلص من الهموم و الضغوطات، اما اذا تبين شغلة معينه مثلا تزيدين الثقه بنفسج اوتتخلصين من طبع فيج مثلا العصبيه الزايده.. تتطبقين الي فوق و بعد ما تخلصين منه تعطين ايحاءات حق نفسج مثل: انا واثقه من نفسي.. انا كلي ثقه.. انا قمه في الثقه.. و تتخيلين مواقف اوسلوكيات تبين هالثقه.. مثلا تتخيلين نفسج قاعده تمشين بثقه.. تتكلمين بثقه..الخ


جربوه و ربي عجيييييييب.. و الله انكم بتدشون جوعمركم ما حلمتوا فيه.. و يفضل لواول مره تسوونه في واحد من مراكز العلاج بالطاقه..

 

[أم عيده]

شكرا على المعلومه ولكن نستبدل الموسيقى بالقرآن

 

[vogue grl]

مشكووووره وتسلم ايدج

 

[نيولوفر]

مشكووووووووورة حبيبتي صج الاسترخاء عجيب و نتايجه وحده ب وحده .... و حبيت اضيف شغلة ممكن بعد تحطون اللافندر لأنه يساعد حييييييييييييييييل ع الاسترخاء

 

[a7La_3eMeYa]

مشكووووووووووره حبيبتي صج السترخااء مفيد و الله خنريح بالنه و جسمنه شوي لووووول و اللافندر هم عجيب على قوله اختي و شكرا

 

[ملاك العرب]

يعطيج العاافيه..

 

[ELNA63A]

مشكورة حبوبه .. انا قريت كلامج احس دشيت جو شكله عجيب (اجربه وراح اقولج شنو صار معاي )

 

[مشاعرنجد]

مشكوره خيتو ,, اهم شي الاسترخاااااء

 

[spanish-girl]

يعطيج العافيه

 

[سلة فواكه]

الله يعطيك العافية

 

[flowers_q8]

شكرا حبيبتي
ممكن طلب ممكن تحطين لنا رابط حق اصوات طبيعية حلوة اللي تسترخين عليها

 

[~انحناءات أنثى~]

مشكورين عالمرور بناتات...هذي حقكم:aha:
انا ما عندي موسيقى معينه يعني احط يوتيوب و اكتب موسيقى هاديه او كلاسيك و كل مره غير...
بس راح اعطيج اسماء معزوفات روعه تاخذج عالم ثاني تلقينها بيوتيوب او قوقل:
mon amour
godfather
furelise
lonely shepherd
secret garden
اتمنى يعجبونج:sfg:

 

[غـبـروه]

مشكوووره حبووبه

رفيجتي انحاشت من الحصه ودشت ندوة التخلص من الضغوطات وكان واحد يعلمهم

وقالت لي طبقوا نفس كلامج وتقول صج احس براحه

 

[Om eLkakawiya]

مشكوره يعطيج العافيه

بس وين نحط شموع ولا نقعد نص ساعه بروحنا لازم ازعاج ولقافه .. وعشان بنتي تخرب كلشي .. والله ياريت اقدر صج الضغوطات تذبح نفسية الواحد

 

[جوك احلى جو]

شكرا

 

[Great-Me]

يسلمووو حبيبتييي

 

[دلوعة مودي]

شكرا على المعلومه ولكن نستبدل الموسيقى بالقرآن

مشكوووووووووره وصدقتي القراان ابرك
ياالله ياربي انك تبعدني عنهاا

 

[كربوشة]

مشكوووووووووووووورة حدي استرخيت قبل لا أسوي بس راح أجربها أكيييييييييييييييييييييد لان فعلا نحتاج فتلرات استرخاء من ضغوط الحياة

 

[ام ابوها]

يعطيج العافية حبيبتي

 

[~الشقاعيه~]

شكرا على المعلومه ولكن نستبدل الموسيقى بالقرآن

وجان تييبينها

مثل ما قالت اختنا ام عيده الافضل تستبدلين الموسيقى او الاغاني الكلاسيكيه بالقرآن

وتختارين صوت عذب و هــادي بعد .. لان صج صج بتهديج وبترخي كل شي ميهود فيج ..

تسلمين اختي عالمساعده والنقاط وان شاء الله بنجربها بس بالقــرآآآآن :friends:​