تبين تعرفين اذا انتي اقتصادية او لأ؟؟

[حوريه عسل]

قووووووه بنااات فديييتكم

حبايبي انا بقولكم في الموضوع معلومات من الاشياء اللي درستها لان انا ادرس في العلوم الادارية
وخذيت مواد في الاقتصاد وانشالله راح اتخصص في المستقبل اقتصاد ادعوولي ان الله يعيني في الدراسه لانه تخصص صعب شوي

بالبدايه كنت مثلكم ماعرف شنو المعنى الاقتصاد وهل احنا اقتصاديين او لأ وشلون نقدر نقول ان احنا اقتصاديين


اول شغله لازم تعرفونها

شنو يعني انسان اقتصادي؟؟؟

لما نقول عن شخص ان هذا شخص اقتصادي يعني:

ان هالشخص يوازن بين رغباته وحاجاته و بين دخله

كلنا عارفين ان الدخل او المعاش محدود
بس المشكله ان الانسان عنده رغبات مالها حدود .. قال تعالى : { المال والبنون زينة الحياة الدنيا والباقيات الصالحات خير عند ربك ثوابا وخير أملا }

يعني نقدر نقول ان الشخص لازم يوازن بين شغله محدوده وبين شغله مالها حدود

والاقتصاد بعد يعني القرارات اللي يتخذها الشخص او حكومه او مؤسسه
هل هذي القرارات صح او غلط؟؟ هل اقدر اشتري هالجنطه ولا لا ؟؟ هل اقدر افتح مطعم او له؟؟

سبحان الله احنا كلنا كلنا مانشبع كلنا نبي اشياء وحتى الاغنياء عندهم رغبات ماتخلص !!

بس في فرق كبير بين الاغنياء والفقراء من الناحيه الاقتصاديه

الاغنياء يستخدمون نسبه قلييييييييله جدا من دخلهم في الحاجات .. والباجي كله رغبات !!
اما اللي في الحاله المتوسطه .. فيستخدمون تقريبا نص معاشهم حاجات .. ونصف معاشهم رغبات
اما الفقراء .. يستخدمون نسبه قليله جدا جدا في الرغبات .. والباجي كله حاجات

والحاجات اللي اتكلم عنها اهي حاجات المعيشه:
- حاجات الاكل والشرب
- حاجات الامان والبقاء
- حاجات الملبس
- حاجة الاحترام
- حاجه الحب
وغيرها


مو هذا موضوعنا


بقولكم مثال و بما ان اغلبية مجتمعنا الكويتي حالته متوسطه اقتصاديا قولولي منو من هالثلاث اشخاص اللي بقولهم اقتصادي

وحده اسمها دانه .. و ثانيه اسمها هيا ... و ثالثه اسمها فاطمه

دانه و هيا و فاطمه معاشهم كلهم 500 دينار

بس طريقه الصرف تختلف طبعا !! دانه تحب الطلعات والسوق و الكشخه و تحب تحر البنات
هيا تحب الوناسه والضحك و تحب السوالف
فاطمه متزوجه و كله تحاتي عيالها شنو بيصير باجر و شنو مصاريف البيت الخ
( ترى هذي امثله يعني مو الكل نفس الشي علم الاقتصاد كله فرضيات لسهوله الفهم )


المهم .. دانه تبي سياره بورش ميييييييته عليها لا ضاربه براسها اصلا مابقى احد ماقالتله ان تبي هالسياره
و فعلا راحت الشركه و خذت السياره بقسط قيمته 300 دينار شهري لمده 10 سنين و دفعت المقدم
وطبعا غير مصاريف السوق والمجمعات والملابس اللي تشتريها طبعا اول ما ينزل المعاش تقريبا 5 ايام او 10 ايام ويخلص
وتقعد لي اخر الشهر يا تتسلف يا ماتدري شنو تسوي
و اذا ماعندها شغل تشكي الحال والله المصاريف زادت و معاشي مايقعد و الاسعار غاليه وتشكي تشكي
ورفيجاتها يواسونها: اي والله صاجه صاجه المعاش ما عاش


هيا طريقتها بالصرف غير.. قالت صج ان بخاطري لكزيز بس مارح اشتريها الحين بعدين ..
خل اقزرها بتيوتا الحين وبعدين يصير خير .. و فعلا شرت التيوتا ..
وحياتها كلها مع رفيجاتها تزورهم ولا عند الاهل تضحك و تستانس وتقضي وقتها على جذي
وكل ما حست ان ناقصها هدوم راحت و شرت



فاطمه ماتقدر تصرف على سياره تقول ان مصاريفها وايد غير السيرفز والبنزين
مع انها بحاجه بس ماشرتها اللا عقب سنتين بعد التفكير العمييييييييق و دراسه الحاله الماديه عندها
وقبل لا تروح الجمعيه تشتري تكتب شنو تبي و شننو سعره .. و يمكن تشطب على اشياء مالها داعي
ونااااااااادر ماتشتري شغلات لنفسها .. يعني حتى لو محتاجه تفكر بالاول بعدييين تشتري





طبعا واضح عندكم منو الاقتصادي فيهم

هيا طبعا


وتدرون منو اللي راح يزيد دخله الشهري قبل ..؟؟

هيا طبعا



اول شي هيا وازنت بين حاجاتها و بين دخلها
وفوق هذا البنت نفسيتها مرتاحه اللي تبي تاكله تاكله من اي مطعم تبيه
اللي بخاطرها فيه تشتريه بس بحدوود !
مثل ماشفتو دانه ماكان عندها حدود في الصرف معتبره كل شي تقدر تاخذه وبالوقت اللي تبيه
فاطمه تعبانه نفسيا لانها ماتاخذ كل شي بخاطرها وفي اغلب الاحيان تصرف لعيالها وللبيت
تنسى نفسها


البخييل مو اقتصادي.. المبذر مو اقتصادي

اللي بين البخل والتبذير اهو الانسان الاقتصادي


في خبيره في علم الاقتصاد اسمها سوزي يحطونها في برنامج اوبرا

تقول الانسان اذا كان سعيد الفلوس تييله من غير لا يطلبها او يفكر فيها
لان الانسان اذا كان مستانس يسوي كل شي باحسن مايكون
يشتغل بطريقه افضل من الانسان التعيس
يسوي هواياته ويستانس عليها غير الانسان التعيس اللي مايدري شنو هواياته او ليش اهو عايش
مع ان الاثنين محتاجين فلوس ويبون فلوس

المديرين ووالرؤساء يحبون يعطون فلوسهم لشخص مستانس اساسا
ومايحبون يعطونها للشخص اذا كان تعيس ومتضايق

وهذا الكلام لكم حتى انتو يالتاجرات او اي وحده بخاطرها تجاره
لاتفكرين بالتجاره انها مصدر للفلوس وبس
فكري فيها ان اهي الشغله اللي انتي تحبين تسوينها صج و مستعده تضحين باي شي عشان تكملين في هالشغله



دورو الشي اللي يونسكم .. دورو على السعاده

واذا لقيتوها راح تحسون انكم اخيرا لقيتو الشي اللي تبونه ومرتاحين

ومحد فينا مايبي السعاده والراحه فديتكم




انشالله اذا لقيت شي بين الكتب يفيدني ويفيدكم في حياتنا اليوميه راح احطه في موضوع

على الاقل يكون مصدر علمي موثوق

وانشالله افدتكم في موضوعي وسوري على الطواله

 

[د.شريفة]

رد : تبين تعرفين اذا انتي اقتصادية او لأ؟؟

مشكوووره وصح كلامج
مو كل شي بخاطري اسوي الحين
يعني مثلا
انا عن نفسي اذا بخاطري شي .. ايمع له بعدين اشتريه .. مو حزة الحزه
اعرف وحده من البنات مثلا تبي لابتوب قيمته 300 دينار وماعندها تاخذه اقساط ويصير سعره 500 دينار لمدة 3 سنوات ليش
انطر شهرين واروح اشتريه مو شرط اليوم بموت مثلا اذا ماشريته

هذا مثال وهذه اهي الحياة

 

[حوريه عسل]

رد : تبين تعرفين اذا انتي اقتصادية او لأ؟؟

مشكوووره وصح كلامج
مو كل شي بخاطري اسوي الحين
يعني مثلا
انا عن نفسي اذا بخاطري شي .. ايمع له بعدين اشتريه .. مو حزة الحزه
اعرف وحده من البنات مثلا تبي لابتوب قيمته 300 دينار وماعندها تاخذه اقساط ويصير سعره 500 دينار لمدة 3 سنوات ليش
انطر شهرين واروح اشتريه مو شرط اليوم بموت مثلا اذا ماشريته

هذا مثال وهذه اهي الحياة

اي والله صاجه
وهذي الدنيا وهذي الناس
مشكووره حبيبتي على المرور فديتج

 

[بوغاتي88]

وااااااااااي خوش موضوع انا احب هالسوالف وعلى فكرة انا تخصصي محاسبة وكل شي احسب له سواء كان غالي او رخيص وبالعكس راتبي ولله الحمد يكفي ووفي بس في ناس للاسف ماتعرف اشلون توازن امورها انا تقريبا مثل المثال اللي ذكرتيه هيا احب الطلعة ووالوناسة والضحك بس اوازن اموري وماصرف وايد عشان لاافلس ومااحب السلف والديون والاقساط لأنها تلف على قولة يدي الله يرحمه

 

[حوريه عسل]

رد : رد: تبين تعرفين اذا انتي اقتصادية او لأ؟؟

وااااااااااي خوش موضوع انا احب هالسوالف وعلى فكرة انا تخصصي محاسبة وكل شي احسب له سواء كان غالي او رخيص وبالعكس راتبي ولله الحمد يكفي ووفي بس في ناس للاسف ماتعرف اشلون توازن امورها انا تقريبا مثل المثال اللي ذكرتيه هيا احب الطلعة ووالوناسة والضحك بس اوازن اموري وماصرف وايد عشان لاافلس ومااحب السلف والديون والاقساط لأنها تلف على قولة يدي الله يرحمه

اي والله صاجه
حتى انا ماحب الاقساط والديون على قولتهم الدين عمات عين
انيمع للشغله احسن من الديون والاقساط بوايد

 

[مفرفشه عالاخر]

جد موضوعج مهم ويهم بنات الكويت خاصه

يعني شكثر بنات نفس شخصيه دانه حتى الرياجيل الحمدلله والشكر تلقين معاشه 500 ويشتري سياره غاليه واقساط ولا مستعمله كل هذا للمظاهر حلات الواحد يمد رجوله على قد لحافه انا الووحيده فبيتنا ميزني الله بصفه الاقتصاديه مااصرف فلوسي على هبال وفعلا لا صار عيد ولا طلعه ولا عزايم ومناسبات ولا شي الا انا كل الي بخاطري اشتريه جناط ماركه لبس كشخه مع اني مو موظفه بس اخش من اعانتي ماصرف منها فلس واحد الا عند الحاجه الضروريه اما اني اقعد اصرف طول السنه واخرتها لبسي يفشل ولا صار عندنا حفلات ولا عزايم ماعندي شي ولا اذا بغيت اعزم ولا طلععه ماعندي ليش الخبال هذا كله ؟ صج ترا حالت المسرفين تضيق الخلق مادري شلون عايشين احسهم تافهين

صج الانسان الاقتصادي سعيد يحس انه مغتني عن حاجه الناس ويكفي يحس براحه نفسيه

المفروض كل بنت كويتيه تضبط نفسها بالمصاريف انا امي صراحه مبذره حيل وماحسها تفكر شنو راح يبقى لها لآخر الشهر المهم تصرف

والحمدلله على صفه الاقتصاديه صج هذي نعمه من الله

 

[قمر وخدودها عسل]

صراحه ما شاء الله على الإنسان الإقتصادي 000 جد جد بحاول أصير اقتصادية 00 والمشكلة شنو بعد؟؟ إذا زوجج مبذر مثلج فلازم

نضبط الأمور 000 الله يعين حكنا الفقر واحنا معاشنا قوي 00

 

[كلنا عشاق لكن]

رد : تبين تعرفين اذا انتي اقتصادية او لأ؟؟

موضوع روعة وعساج سالمة يارب​

 

[حوريه عسل]

رد : تبين تعرفين اذا انتي اقتصادية او لأ؟؟

جد موضوعج مهم ويهم بنات الكويت خاصه

يعني شكثر بنات نفس شخصيه دانه حتى الرياجيل الحمدلله والشكر تلقين معاشه 500 ويشتري سياره غاليه واقساط ولا مستعمله كل هذا للمظاهر حلات الواحد يمد رجوله على قد لحافه انا الووحيده فبيتنا ميزني الله بصفه الاقتصاديه مااصرف فلوسي على هبال وفعلا لا صار عيد ولا طلعه ولا عزايم ومناسبات ولا شي الا انا كل الي بخاطري اشتريه جناط ماركه لبس كشخه مع اني مو موظفه بس اخش من اعانتي ماصرف منها فلس واحد الا عند الحاجه الضروريه اما اني اقعد اصرف طول السنه واخرتها لبسي يفشل ولا صار عندنا حفلات ولا عزايم ماعندي شي ولا اذا بغيت اعزم ولا طلععه ماعندي ليش الخبال هذا كله ؟ صج ترا حالت المسرفين تضيق الخلق مادري شلون عايشين احسهم تافهين

صج الانسان الاقتصادي سعيد يحس انه مغتني عن حاجه الناس ويكفي يحس براحه نفسيه

المفروض كل بنت كويتيه تضبط نفسها بالمصاريف انا امي صراحه مبذره حيل وماحسها تفكر شنو راح يبقى لها لآخر الشهر المهم تصرف

والحمدلله على صفه الاقتصاديه صج هذي نعمه من الله

اي والله صدقتي ان هالصفه نعمه الحمدلله
والله يهدي الجميع انشالله

صراحه ما شاء الله على الإنسان الإقتصادي 000 جد جد بحاول أصير اقتصادية 00 والمشكلة شنو بعد؟؟ إذا زوجج مبذر مثلج فلازم

نضبط الأمور 000 الله يعين حكنا الفقر واحنا معاشنا قوي 00

صح كلامج الزوج له دور في ميزانيه البيت
ومشكوووره حبيبتي على المروور الطيب

موضوع روعة وعساج سالمة يارب​

عيونج الروعه فديتج

 

[راعية الطيارة]

الله الله روعة هالموضوع تسلمين و عساج عالقوة موضوعج مفيد جدًا و يحتاجه الجميع

 

[LoloBlueStyle]

بعد عمري انا احب هالمواضيع

انا اقدر اصنف نفسي


مع فاطمه

انا مو موظفه

وزوجي تقريبا مبذر

واللي يبقى الاولويه فيه لليهااال

بس هم اخش


بس والله استفدت من موضوووعج

بارك الله فيج

يالله بتابعه وبخليه بالمفضله

 

[Om_Ksha]

نااااااااااااااااااااايس خوووش موضوووع

 

[viva la glam]

يسلمو على الموضوع

 

[!@Bling@!]

خوش موضوع ،، حيل حلوو ،، انا مع اللي يجمعووون ويدخرون للشغله بدال الاقساط اللي تطلع عليج بالدبل!

عموما انا ليلحين طالبه لووووول بس ان شالله اتمنى اني لاحصلت ع المعاش ، بكون اقتصاديه يارب :\ << مع اني اشك

 

[Something wooow]

ماشاء الله رووووووووووعة

 

[توكلت على الله 22]

ماشاااااااااااااء الله خوش موضوع

يسلمووووووووووو

 

[كعبية]

بخلي اختي تقرى هالموضوع

 

[المرفأ~~]

رد : تبين تعرفين اذا انتي اقتصادية او لأ؟؟

وعليكم السلام ورحمة الله وبركاته ..

بارك الله فيج وجزاج الله خير ... خوووش موضوع هادف .

والله يوفقج في دراستج .
واذا فيه كتب تنصحينا فيها في هالمجال ياليت تقولين اسماءهم

 

[بدوية بملامح كشميرية 86]

موضوعج رووووووووووووعه

 

[حجيه هيونه]

رد : تبين تعرفين اذا انتي اقتصادية او لأ؟؟

<--اكثر شي اتمناه اكون اقتصاديه

بسس بوجود العيال وطلباتهم الى ماتخلص احس حيل صعبه


مشكوره على الموضوع وراح اتابعه ان شاء الله