تبين فكرة توزيعات تخرج حلوه وسريعه؟؟ تعالي شوفي

[أم بدير]

السلام عليكم ورحمة الله وبركاته
شلونكم بنات وشخباركم
طبعا كلكم عارفين الحين حزة حفلات تخرج اليهال
انا قلت اعطيكم فكره سويتها قبل جم يوم حق بنت اختي
وناطره رايكم بنات

اول شي براويكم صورة الكاكاو الي استخدمته
اهو عباره عن خنفروش تسويه وحده كويتيه بس طعمه عجيب صراحه وشكله روعه وراقي

الأدوات المستخدمة

عيونات متحركه - قليتر - وقطعه سوده ربل مقصصه نفس الشكل الموجود بالصوره (مادري شسم القطعه السوده بس اهي نوعيتها من الي يستخدمونها بلوحات الروضه حق اليهال)

الخطوة الأولى تلصقين العيونات عالخنفروشه

الخطوى الثانيه تلصقين القطعتين السود بشكل يخليهم مثل كاب التخرج

الحين نوصل لفرحة التخرج :ggdw:
بعد مايصير متخرجين وزعلاتنين
ترسمين ابتسامه على الخنفروشات

يتبع >>>

 

[أم بدير]

طبعا انا استانست على شكلهم
بس الام مصرة تبي احطهم بعلب عشان تعلق صورة المحروسه بنتها

المهم
يبنا العلب
وحطيت فيه الخريجات... سوري اقصد الخنفروشات
وكاهو الشكل النهائي

شرايكم؟
مو خوش فكرة

 

[زهقاانه]

مااااااااااااشاءالله عليح

والله فكره رووووووووووووووووعه

وعجبتني بس نوعية الكاكاو شنو (خنفروش)

يعني شنو!!!!

بسم ماشاءالله تبارك الرحمااان شغلج يهبل تبارك الرحمااان

 

[june_m00n]

ام بدير

مشالله تبارك الرحمن


شغلج روعه ومرتببببببببببببببببببببب ودقييييييييييييييييييييييييق



الله يحفظج ويوفقج ويكافيج الشر

 

[هوفه]

شي عجيب

والله يوفقج

 

[حناينq8]

شغلج بسيط وراقي


موفقه حبيبتي

 

[أم بدير]

حياكم الله حبايبي
شاكره مروركم ومشاركتكم الحلوه
زهقانه حبيبتي هذا الله يسلمج مثل قرص العقيلي بس مغطى بكاكاو
طعمه عجيب
تسويه وحده كويتيه ومن طحنا عليه واحنا كل مناسبه نطلبه منها صراحه شكله راقي والوانه عجيبه

جون مون وهوفه نورتو الموضوع

حناين احلى شي البساطه بالشكله
وحلو حق التوزيع السريع اذا ماكان عندج وقت

:eh_s(8):

 

[^kloOot^]

عجيب ماشالله

يسلمو

 

[OmRashed]

ماشالله عليج ام بدير دايما مبدعه تبارك الرحمن

الله يوفقج

 

[RegaLoS]

ام ابدييييييييييييييييييييييير بدعتي بدعتييييييييي ابيج على الخاص ضروري ابي حق قرقيعان ولدي تقدرين اتلبسينه شماغ

 

[nero]

فكرتج رووووووووعه

بس لو موريتنا شكل الخنفرووشه

مو اهي الي تشبه صب القفشه بس ناشفه؟

 

[** مـاروكـو الصغيرة **]

ما شاء الله


رووووووووووووعه


ممكن رقمج حبيبتي وتسوين لكل المناسبات

 

[هوى الدار]

تسلم ايدج خوش شغل ام بدير

 

[End Girl]

هذي العيون من وين تشترينها؟؟
والاسود بعد شنو هذاا ؟

 

[chocolate cake]

ماشاءالله صج خوووش فكره تسلم ايدج

الخنفروشه ( هههه اسمها يضحك) اللي تسويها بيتهم بقرطبه ؟؟

لان مره طلبنا حلووو حدااا عجيب منها مثل الغريبه بس فيها كاكاو وااااااو عجيييييييبه

و من كثر ما نطلب منها مره عطتنا من الخنفروشه على قولتج جنها قرص عقيلي فوقه كاكاو

 

[أم بدير]

عجيب ماشالله

يسلمو

الله يسلمج حبيبتي شاكره مرورج

ماشالله عليج ام بدير دايما مبدعه تبارك الرحمن

الله يوفقج

يوفق الجميع انشالله تسلمين ام راشد نورتي الموضوع

ام ابدييييييييييييييييييييييير بدعتي بدعتييييييييي ابيج على الخاص ضروري ابي حق قرقيعان ولدي تقدرين اتلبسينه شماغ

لووووووووووووول ياليت اقدر البسه شماغ بس وين اودي العناقص؟
بالنسبه للقرقيعان انا حاليا موقفه الشغل حتى اشعار اخر
وهذا مسويته حق بنت اختي

فكرتج رووووووووعه

بس لو موريتنا شكل الخنفرووشه

مو اهي الي تشبه صب القفشه بس ناشفه؟

نيرو حبيبتي الخنفروشه تيي اهي ملفوفه وخالصه
بس شكلها مثل الكب كيك تقريبا مغلف بكاكاو وطعمها عجيب فعلا مثل صب القفشه والقرص عقيلي

 

[أم بدير]

ما شاء الله


رووووووووووووعه

ممكن رقمج حبيبتي وتسوين لكل المناسبات

مرورج اروع حبيبتي
انا عارضه الموضوع للفايده العامه
يعني اعطي فكره واساعد عالتطبيق
انا حاليا موقفه الشغل بس انشالله متى ماقررت ابلش شغل مره ثانيه بحط اعلان بالمنتدى

تسلم ايدج خوش شغل ام بدير

الله يسلمج حبيبتي
شاكره مرورج

هذي العيون من وين تشترينها؟؟
والاسود بعد شنو هذاا ؟

العيون من مكتبة جرير
والأسود هذا مثل الوسيله بس ربل.. تعرفين الربل؟ انا اسميه ربل ومصطلحاتي قديمه
بس تعرفين الي يسوون منه المدرسات لوحات الروضه؟؟
تلقينه بدسمان اكثر شي بس هم متوفر بالمكتبات اعتقد

ماشاءالله صج خوووش فكره تسلم ايدج

الخنفروشه ( هههه اسمها يضحك) اللي تسويها بيتهم بقرطبه ؟؟

لان مره طلبنا حلووو حدااا عجيب منها مثل الغريبه بس فيها كاكاو وااااااو عجيييييييبه

و من كثر ما نطلب منها مره عطتنا من الخنفروشه على قولتج جنها قرص عقيلي فوقه كاكاو

ايوا
عليج نووووور
تصدقين ان الخنفروش اكله كويتيه قديمه وكل الشياب يعرفونها؟؟
بس اندثرت مع الزمن
حاليا يسوونها بالبحرين وايد والكويتيين يروحون البحرين مخصوص عشانها اهي والحلوى
زين المره قصرت علينا المسافات ويابته لي عندنا

 

[اللولي]

روووووووووووووووعه

وبسألك شنو اقدر استبدل بغير الخنفروش وياخذ نفس الشكل

ومن وين اختي العلبه النهائيه؟

وتسلم ايدينك

 

[( روعه )]

ماشالله وايد حلوة الفكرة ....تسلم هالأنامل يا أم بدير

 

[my_size]

ماشالله تبارك ربي
فنانه و مبدعه