تبي تاخذه من حضن امي

[سلة فراولة]

السلام عليكم بنات تكفون ابي منكم النصيحه انا داشه بنك رفيجتي لان عضويتي مافعلتها المهم حرمت اخوي يا بنات تجاكر امي بحركات ترفع الضغط وامي منتبه وساكته تبي سعادة ولدها الوحيد وهي فيها جرء مو طبيعيه ماتعرف ترد بس تشتغل من تحت لي تحت والحين منوفسه الا تفرق بينا وبين اخونا واحس شكلها بتجيب راسه احنا خايفين على امي تكفون شنو نسوي عشان نكسر شوكتها

 

[صبرت ومل الصبر]

ماعليج منها طنشيها وخليج قريبه من اخوج حييييييل عشان اهو يحس وصيري مثلها من تحت لتحت ترى هذي الاشكال اهي اللي عايشه بهالوقت وماخذه حقها والحقران يقطع المصرررررررران وخليها تموت من حرتهااااا وجع يوجعها تبي انفرق الاخو عن خواته واهله لاتعطنها فرصه انها تفتن بينج انتي واخوج

 

[( المـلاك )]

اخوج اللي اهو ريلها
اهو اللي المفروض يعلمها احترام اهله
وانه اهله فوق كل شي
و لازم تصير مرة سنعه وتحترم اهل الريل وماتسوي مشاكل
خاصه اذا كنتوا مو مأذينها

انتوا ما بيدكم شي
وان تكلمتوا بتنقلب السالفه ضدكم
وبتطلعون انتو بالشينه

 

[mannawy]

لحظه هذي امه حتى لو يتاخذه منها مرده لها رضى الله من رضى الوالدين لاتدققون بحركاتها وبس اذا مصختها قولولها باجر وراج عيال والدنيا دواره وخل الوالده الله يطول بعمرها تحقرها هذي سفيه ومخها صغير. ترى اخوج مو طيب منه غصب عليه لازم يسال عن امه فلا تحاتون هالسوالف كلش وانتي بعد الله يهداج لهي امج بحيث ماتلاحظها.

 

[حلاتي ابتسامتي]

الله يستر منها بس

 

[عل ماباس]

شكلج عوبه شنو نكسر شوكتها عيب وبعدين اخوج فاهم وعاقل مو مره تفر راسه وهذي امه فوق كل شي

 

[قلبي القرآن]

شنو داخلين حرب هي من صوب وانتم بصوب وبتكسرون شوكتها
هدو الوضع والأمور خلي امج اتكلمه وتفهمه​

 

[كويتية أصيله]

لوووووووول شنو تكسرون شوكتها ....لاااااا مو صج .......... حبيبتي هدي هدي وحقروها نهااااااائي ترى الحقران يقطع المصران.........راح ولا رجع أمه الأساس والأصل الزوجه بدالها 100 والأم وحده جنته وناره .......
أخذوها باللين والحب تراها مرت أخوكم وأم عيالكم ......بس ما أدري تكسرين شوكتها حسستيني البلا منج مو منها (آسفه صريحه).....الله يهدي النفوس ياااااااارب

 

[يازمان العجايب]

الله يعين اخوج انتو من صوب ومرته من صوب
هدوا الامور خلو الريال يعيش واهو يدبر حياته وانتو سوا اللي عليكم بس بدون كسرة شوكه والتحدي
​

 

[•Brown•Sugar•]

طبيعي اي واحد بيتزوج بينشغل مع بيته ومرته
ودام اخوكم مرتاح لاتنكدون عيشته
خلوه مستانس اذا ما اشتكى منها
مادري يعني ما احسها مشكله (تبي تاخذه من حضن امي)
اكيد تاخذه دام دخل القفص !!
انتو لاتكبرون الموضوع وهالشي والله عادي بكل بيت يصير
واذا اهي عليها حركات تبط الجبد سوو نفس حركاتها
العين بالعين والسن بالسن

 

[سلة فراولة]

السلام عليكم
تسلمون حياتي على الردود وتفاعلكم مع الموضوع بس عندي توضيح بسيط....
العضوات اللي علقو على كلمتي (نكسر شوكتها )
انا ما دري شلون وصلكم المعنى لان انا ماقصدت العدوانيه بهالشي
كل اللي اقصده من هالكلمه ان نقدر نطيح اللي براسها قبل لا تقلب اخوي على امي
وارد واعيد هو اخوي الوحيد يعني احنا مردنا بنتزوج وهو ومرته اللي بيكونون عند امي بالبيت
وهي اصلا توها ما كملت سنه من زواجه وتمشي وتقول باجر بتزوجون وغرفتكم بخليها لعيالي لان وقتها شقتي بتكون ضيقه
وللعلم اهي مو كويتيه سعوديهوربي يا بنات ان معيشينها ملكه حتى كاس الماي يوصلها وانا ماخذه ولد خالتها والله اني مطيره خالتها فوق وانا ادري انها مو متقبلتني لانها تبيه ياخذ من بنات خواتها بس هو قال بنت عمي اول ومن يومها مو متقبلتني بس الشكوى لله
ابسط شي الحين مرت اخوي لها اسبوع مطنقره علينا والسبب ان اخوي بيروح عمره وبياخذ امي ترى صج ترفع الضغط
العضوه اللي قالت كلمو اخوكم وفهمو لو نقدر ترى ما راح نقصر امي فوق كل شي بس مرات تلتزمين الصمت عشان المركب تمشي وسعادة شخص غالي عليج اطالعين الله ثم هو......

 

[بنات حواء2]

لمن قريت العنوان عبالي ياهل و الله
حبيبتي الريال لازم يكبر و يتزوج دامكم ماتبون الريال يعيش حياته ليش زوجتو
ثانيا حبيبتي لا تسوئون الظن على اي اساس حكمتي عليها ترى بعض المرات اهل الريل يشوفون شي بسيط و يفسرونه على كيفهم ديرو بالكم من هنقطه و اهم شي ان الامور ماتفسر على كيفكم الا اذا في دليل واضح و صريح
و بعدين مافي ولد يهد امه مهمن كانت مرته موزينه مرده لامه فلاتحاتين
ولا تظنين ان اخوج ياهل و صغير و مايفهم هو ريال و لو شاف شي مو منطقي بيتصرف