" تتجـــرأيـن تحطـــــين دهــن او حنا او خلطــه او ماسك جــدام زوجج ؟ "

[! بــدويه وآآيــد !]

،


صبــــآآح / مسســـــآآء .. الخيــــــر


فيه سؤال طرى على بـــآآآلي وياريت كل متزوجه تدش تجاوب عليه

تحطين جـــدام زوجج خلطات وحنا وماسك وهالسوالف والا لا ؟ واذا اي او لا جم صار لج متزوجه ؟


انا من ناحيتي ذاك اليوم ابيت اهلي جهزت لي حنا ولبست بجامة الحنا والا يدق زوجي العزيز قال لبسي ربع ساعه اكون عندج :/ وراااحـــت الحنا وامي تقول عادي عادي اخذيها حطيها بشقتج لوووول ما اتخيل عاد قلت له توني بحط حنا قال عادي تعالي نرد ناخذه وحطيه بس لاتقربين صوبي خخخخخ
اي وبعد زوجي ممنوع عنده اسوي حمام بالصالون فقال لي بشتري لج خيمة سونا وسوي الي تبين بالبيت وافركج لما اطلع جلدج لوووول بس احس فشله جدامه خلطه وحالتي حاله وادش السونااا



انا صارلي 7 شهور متزوجه وودي اتجرأ لان بشرتي انعــــــدمت صرت كوووويحه من بعد ما اهتميت بنفسي قبل عرسي وصرت قطعه وحده كل شي راح وابي احس اني انوثه ونعومه بس مو حلوه يشوفني بشكل اكس

فـ بنات وعزوبيات حيااكم افا عليكم ادري انكم اول من يفتتح الموضوع اذا تزوجتوا راح تحطون هالسوالف عند رياييلكم ؟


موضوع للنقاش الغير هام وللفرفشه بنفس الوقت !



​

 

[sweet-kamelia]

يسعدني اكون اول وحده ترد على مووضووع
من ناحية الخلطات والزيوت
لمن يداوم حبيبتي حطي شي ينفع للجسم والشعر والوجه مثل زيت الزيتوون وااو مووصج

والفازلين ..
بس اهوا يداوم حطي وساعتين رتبي شقتج وخلصي شغلج وروحي اخذي لج احلى شوور

وعالحنه خلي الخدامه تحطلج اربع ساعات وغسليهاا حبوبه .. وموووفقه يقلبي .. وتتهنوون ببعض ياارب

 

[++The DuchesS++]

عاااادي

 

[sweet-kamelia]

رد: شوفوا شلون جسم رفيجتي تحول من السمار واللون الغير موحد إلى لون ابيض وموحد ماشاء ا
عباره عن(صابون غار تبشرينه وتنقعينه يوم كامل ببطل ماي ورد
جلسويد الاحمر وسط،جلسرين سايل علبه كامله
فنجان زيت زيتون،فنجان زيت الخروع للجسم،فنجان زيت اللوز المر
ملعقة فكس كبيره،ملعقة كركم كبيره..وبس..تخلطينهم وتحطيهم قبل السبوح بساعتين وبعدها بالحمام تفركين بليمون وملح وتغسلين بصابون مغربي
ملاحظه: الخلطه بيطلع شكلها لزج اخضر
ولاتنسون البسمله بأي شي تستعملونه وادعولي إذا حبيتوا برضا الله عز وجل ودمتم لي حبايبي...


هذا موضوع لوحده من العضوات خلطه طبيعية وتفتح ..

http://www.q8yat.com/t853220.html

 

[LuLiTa]

احس جنه عادي !
لانج بـ تظلين مجابلته طول العمر يعني معقولة ما تهتمين بـ عمرج ؟ اذا كلش كلش روحي الصالون يحطون لج الخلطات على شعرج و يقعدونج عـ البخار بو ساعة و اتخلصين ,,,

 

[الفرفوشهـ]

لا والله للحين ماأتجرأ فشششششششششششله احس يبين الصماخ عدل بالحنه والدهن لووووووووووول

اممم انا دوام زوجي شفتات12ساعه وهالوقت اخذ راحتي واسوي اللي ابيييييييييييييييه

 

[shoosh_uae]

عادي ههه تعودت عليييه...

 

[zaina alotibi]

اهو عادي بس افظل هالأشياء اسويها بوقت طلعته من البيت :eh_s(22):

 

[Sa7aBa]

اي عادي، خو اهو كل العمر ان شاء الله بيكون معاج
فعادي الوضع
الله يوفقكم حبيبتي

 

[مي الحلوة]

عادي انا اسويهااااا..بس اكثر شيء اسويهاااا لما يكون مداوم..بس مرات بالويك اند
احط لبنتى خلطات علي شعرهاااا او حنة..والزايد احطه علي شعري..خلاص تعودت عليه
وهو تعود يشوفنى بكل حالاتي..ماشاء الله عشرة عمر 10 سنوات..الله يخليه لي ولا يحرمنى منه..

 

[ريتااجي]

بحكم شغل ريلي وبعده عنا اسبوع فأنا في هالاسبوع

أحورف بعمري مااخلي خلطة الا واسويها ​

 

[روان_الكويت]

صح روحي صالونات
مو معقوله طول الوقت عندج اكيد بيطلع
في خلطات تستخدم وقت السبوح بو 10 دقايق وشذي
عادتا احط مرات ماسك طيني علا ويهي ويشكني ههه لا ويقول حطيلي بعد بشوف شيسوي

 

[علايه]

لا انا ما راح اتجرا لانه اكيد راح اعلق من الريحه

 

[** محبوبه**]

لالااااااااااااااااااااااااااااااااااااااااااا
من صجكم تحطون عندهم ففشللللللللللللللللللللله
الله أكبر كل قاعد عندج مايطلع دوانيه دوام يتمشى كلش كلش لما تروحين بيت أهلج حطي أول ماتوصلين موتطقين سوالف قبل لاتروحين تذكرين ماحطيت ولما يدق عليج غسلية
مستحييييييييييييييل يشوفني جذي لأني ما احب

 

[بالقرآن اسمو]

والله مدري
شي فيني يقول عادي
وشي يقول مو عادي
>>>> لغز
لوووووول

 

[أتراب]

اكيد ما احط وهو موجود
الا اذا شغالات بسيطه
لان ما احب يعلق عليي
​

 

[أم حمادين]

انا عندي عادي بعد عشره 5 سنين ماشاء الله الله يخلينا لبعض بس حنه اسويها بالصالون يقث غسالها
اما دهن مو دايما يمكن كل جم شهر احط مره مرتين
لازم بعد نعتني بنفسنا ياوخيتي
اانتي عشان توج عروس فصعبه هالسوالف الحين بعدين يتعود نصيحه الحنه بالصالون تفتكين من غسالها والله دهن مو مشكله حزه طلعته خو ساعتين مدته مو اكثر

 

[^noonaa^]

وييي عااادي ذااك اليوم امدهنه راسي انا وعيالي وجنه العييد لووول

 

[فاقده ابوهاااا]

انا الحنه والدهن ما احبهم بس الخلطات عادي وريحتهم حلوه ومافيهم شي وحتى الماسك بالويه احطلي واحطله يبه هذا ريلي ما ادري ليش هالحساسيه الزايده من بعض الشغلات

 

[المكسيكيه]

طبعا لا