تتزوجين من مطلق ؟؟

[shai5at al3arab]

هذا يعتمد على عمر البنت اللي متقدم لها وفرص زواجها

يعني راي البنت ام 20 - 23 مو نفس ام 29 - 30

مادري اذا حدتها ظروفها ممكن توافق

 

[موجة ~ بحر]

لا مااوافق

 

[انسانة غير]

رد : تتزوجين من مطلق ؟؟

مرحبا اذا مطلق وما عنده عيال اكيد بوافق لكن اذا عنده عيال ما ابي
:lololoe:

 

[Tom ♥ Jerry]

رد : تتزوجين من مطلق ؟؟

.


اذا مآ عنده عيال و زين و خوش وآحد
و العيب من المره يعني مو منه آكيد رآح آرضى
آمآ اذا عنده عيال أو فيه عيب صعبه شوي ،

 

[زوجة عزيز]

انا متزوجه مطلق ولو ترجع الايام ما اتزوج مطلق لو يفرش لي الارض ذهب

 

[الحسن الرقيق]

رد : تتزوجين من مطلق ؟؟

شوفي على حسب عمـري اذا كنت كبيره ممكن اوافق بعيال وبدون
بس اذا صغيره اوافق على مطلق بدون عيال ..

 

[فديت نفسي..~]

رد : تتزوجين من مطلق ؟؟

لا.......

 

[chakletaA]

رد : تتزوجين من مطلق ؟؟

صرااحة اواافق اذا يقدر الحياة الزوجيه اوافق
والله ولي التوفيق

 

[قطوووة]

رد : تتزوجين من مطلق ؟؟

تقدم لي مطلق وكانت صفاته جدا حلوة

وكنت بستخير وافكر اوافق عليه



.

بس يوم دريت ان عنده ولد رفضته ع طووووووووووووووووووووووووووووووول

 

[Miss McDonald]

رد : تتزوجين من مطلق ؟؟

.



لآ

 

[انسام الكويت]

رفيجتي مأخذه مطلق ماجاب منها عيالها

بس مرات أتييله عرات زوجها مثلا يصير بينهم تج

على سالفه معينه يقولها ترإ أنا طلقت مرتي عشان كيت وكيت

طيب الحين اهو طلقها شكو مقارنه مسكينه تنقهر من يبتدي مقارنه

مع أنها أهي طيبه ومزيونه أما طليقته عوبه وجيكره وأكبر منه

هذا شلون لو عنده عيال والله بتبهدل

 

[داريني]

اي بعد ما نسال عنه عدل مدل و يفضل بدون عيال

 

[الجادل الطرقا]

السلام عليكم
بنات عندي سؤال وابيكم تجاوبون لو انتي ما سبق لج الزواج وتقدملج واحد زين والكل يشهد بأخلاقه لكن ! مطلق بأبناء او بدون ابناء توافقين؟

بالنسبة لي مستحيل أرضى بواحد مطلق لأني أحب أكون الأولى بحياة الشخص اللي بياخذني مثل ما اهو راح يكون الأول بحياتي

وبالنهاية الزواج قسمة ونصيب وكل بنت على حسب ظروفها

 

[classicyah]

رد : تتزوجين من مطلق ؟؟

لآ ،

الي مطلق ، معنآتـه يبيع بسهوله ،

و حتى لو هي طلبت الطلآق منه ،

بالنسبه لي انسآن ضعيف ، و مآ يعرف يحل مشآكله ،

و دور أسهل مخرج و أسهل حل و هو الطلآق ،

آسفه هذي وجهة نظري . . .

مع احترآمي للي متزوجين مطلق . . .

 

[صمــت_ALsHfaaH]

اذا بنت وصغيره اكيد لا ماراح اقبل

بس اذا محد تقدم لي وكبرت بالعمرر شي طبيعي باقبل اذا رجال والنعم فيه

 

[دمثة]

حبيبتي مو شرط اهو العيب منا ان مطلق ساعات الحريم يطلعون الواحد من طورة


وبعدين مافيها شي وبالعكس الله يوفقه


واحنا نستخير ربنا واهو يسرناا

 

[MOUNII]

رد : تتزوجين من مطلق ؟؟

عادي واذا مطلق

 

[dantella]

انا مطلقه مرتين واخذت واحد مطلق وحياتنا ماشاء الله الله يتمم علينا ولا احلى
بالعكس احس الي يمر بتجربه ويفشل مايبي يرد يفشل مره ثانيه ويتعلم من اغلاطه
الطلاق مو نهايه الكون وموجريمه ليش نعمم ؟
ربي مثل ماحلل الزواج حلل الطلاق وساعات يكون نعمه

 

[حزني عم المكان]

رد : تتزوجين من مطلق ؟؟

اكيد بوافق دام اخلاقه زين
الطلاق له اسبابه

 

[بولندية]

حسب الحالة اذا عنده عيال لا ماعتقد بس اذا ماكان عنده اول شي اسأل ليش مطلق و نشوف الاسباب انا واهلي و اصلي الاستخارة و بعدين اقرر