تتمنين ولدج يكون نفس ريلج

[miss_jamsheer]

هاي بنات
مادري هالموضوع طرا على بالي تتمنين ولدج يكون نفس ريلج حتى لو يتغير شي بسيط وشنو اهوه وشنو الميزه بريلج تتمنين تكون عند ولدج

انا عن نفسي اتمنى ولدي يعاملني نفس ماريلي يعامل امه حنون عليها اللي تبيه اييبلها يحن عليها اذا فيها شي يدري والله كله اقوله حتى مره قلت حق عمته ابي ولد نفس يعاملني نفس معاملته لامه


وفي ميزه ويع ويع مابيها اذا تناقشت معاه يقول بسج حنه اشكثر تحنين يشوف المناقشه حنه

ومابيه ياخذ عصبيته وكل شي لا


وابيه يصبر كريم نفسه خخخ مابقى شي



المايك لكم

 

[ابتسمامه]

ولدي البجر نفس طبع ابوه حتى الهوايات اللي يحبها ابوه يحبها وحتى لما اقوله سوي جذي البس جذي لازم قبلها يسالني بابا يسوي جذي؟؟؟
بس ناقص الشيشه يعمرها.... الله يستر عليه
وبالنهايه عاجبني طبعه اهوا وابوه فديتهم

 

[miss_jamsheer]

اي انا ولدي الحين كله يلبس ساعه ونظاره شمسيه وجل يبي يشوف ابوه وعطر بعد واذا كان ناسي ولا انا نسيت من يشوف ابوه يلبس ساعه اييني ياشرلي يعني يبي بعد مع انه توه سنتين بس سبحان الله يبي يقلد

 

[هنـــــد]

رد : تتمنين ولدج يكون نفس ريلج




ولدي البجر الحين عمره 5 شهور ربي يحفظه لي ويصلحه
ممممم اتمنى يصير مثل أبوه في : رحمته في أبوه وأمه .. وصالح ماتطوفه الصلاة وحنون وكريم ،
أما ( عصبيته ) لايحووووووووووووووووشك ^_^
ومزاجيته اللي ساعات ودي انتحر منها خخخخخخخ

 

[miss_jamsheer]

رد: رد : تتمنين ولدج يكون نفس ريلج

ولدي البجر الحين عمره 5 شهور ربي يحفظه لي ويصلحه
ممممم اتمنى يصير مثل أبوه في : رحمته في أبوه وأمه .. وصالح ماتطوفه الصلاة وحنون وكريم ،
أما ( عصبيته ) لايحووووووووووووووووشك ^_^
ومزاجيته اللي ساعات ودي انتحر منها خخخخخخخ

اوف لازم العصبيه قطيعه

واي نسيت مابيه يدخن نفس ابوه ريلي مايدخن وانشالله ولدي بعد

 

[noo7a]

ياااااااارب انشالله الله يرزقني بولد
و يكون نسخه من ريلي من الشكل و الطبع و كلش شي
ما عدا
الدراسه لوووول ريلي مخه نظيف بس ماكان يدرس ابي ولدي يطلع شاطر بالمدرسه

 

[ام طمبحله]

رد : تتمنين ولدج يكون نفس ريلج

الحمدلله عيالي كبروا وطلعوا نفس اخلاق ابوهم اللهم لا حسد
الدين المعتدل ساسهم
خايفين ربهم وهذا الاهم في حياتهم
الله يوفق عيالنا وعيال المسلمين ويهداهم ويصلحهم
والله يسعدنا بصحبتهم في الدنيا ويجمعنا وياهم بجنة النعيم

 

[a7la MUM]

رد : تتمنين ولدج يكون نفس ريلج

ولدي الله يحفظه عمره 6اشهر
بصراحه ايييييييييي اتمنى يصير نفس طبع ابوه وطيبته وعقليته لانه حيل حيل تفكيره كبير والله حتى اكبر مني
وابي يكون نفس ابوه بصلاته وتعامله مع امه واهله
اي بعد ابي يكون نفس ابوي لان شخصيته حيل حيل حلوة ربي يحفظه


والله يحفظ وليدج وريلج واهلج
موضوعج حلو

 

[امواج الكويت]

اي ان شاء الله يطلع بطيبة ابوه وحنيته وحبه لوالدينه ونباهته وذكاءه وان قلبه حار عالشي

ومابيه يطلع بنفسية ابوه وعصبيته ومزاجيته

 

[miss_jamsheer]

بعد عمري الله يخليلكم عيالكم ورياييلكم واللي الله مارزقها انشالله يرزقها بالذريه الصالحه
واستانست بمرورج احلى مام ومرورج الاحلى

 

[آهات الليل]

رد : تتمنين ولدج يكون نفس ريلج

الله يخليلكم عيالكم يارب
الله يرزقني بالولد الصالح ان شالله عندي بنوتات فديتهم بس اتمنى لو ياني ولد يكون نفس ابوه بار بامه وباهله وفيني

 

[قمر^خالد]

ابي ولدي يشابه أبوه... بالشكل وبالأخلاق

 

[DooLy88]

ابيه مثله بشكله
والكرم
وخفة الدم
والاسلوب والرجولة
يعني يعرف يتصرف بكل المواقف ويكون سند وظهر قوي لزوجته

مابيه يطلع يدخن - ولا انه يكون عصبي
مع ان زوجي موعصبي بس فيه شوية من العصبية << لزوم الرجولة لوول

 

[miss_jamsheer]

لووول الكل يبي ولده يشبه ابوه عيل ليش القسم كله تشكي من الازواج

 

[miss_jamsheer]

وووووووينكم

 

[tannooona]

انشالله اذا ربي رزقني بولد يطلع يشبه ابوه واخلاق ابوه بس اخف من عصبيته ومزاجه .

 

[!الجادل الصعب!]

رد : تتمنين ولدج يكون نفس ريلج

حييييييل .. وآلله كريم

 

[وعد2006]

ماعندي اولاد كله بنات شكو داشه عرض مادري
خخخخ

 

[miss_jamsheer]

ماعندي اولاد كله بنات شكو داشه عرض مادري
خخخخ

اي عادي شنو تتمنين بنتج تاخذ من ابوها