تتوظفين بقسم كله رياييل !!

[موت وميلاد]

انا دوامي كله رياييل وانا البنت الوحيدة على الاقل انتي معاج وحده بس بقولج شي
مهما كانوا محترمين احس بداخلي مو مرتاحه ساعات يقطون حجي قوي بالغلط ومن غير قصد واحس بالاحراج
حتى هم ينحرجون بعد , وبعدين سوالفهم غير عن الدوانية والمباريات واذا تحجوا عن الموضة يا عن الدشاديش
ولاعزكم الله عن الجواتي وانا بس اكون مستمعه يعني اذا ماكو عملاء امل تلقين احوس بالنت او اقرق بالتلفون
بس ملييييييييييييييييييييييييت ابي بنيه اسولف معاها عن الموضة عن المكياج يكفي انهم ساعات يقولون لي راحت عليج خلاص اانتي
صرتي واحد من الربع:lkmnkl:

looooooooooooooooooooooooooooooooooooooool


والله بنات مرات يقعدون يناجرون بعض ويقطون حجي على بعض انا حده اتييني الضحكه
عاد اقوم اطلع من المكتب او اتكلم بالتلفون عشان ما ابطها ضحكه جدامهم
مو وقته اصير خفه

 

[أحبه موت]

حبيبتي انا مو بس قسمي كله رياييل انا الدوام الي أشتغل فيه بكبره مافي بنات وانا تقريبا 3 بنت بالدوام كله والبنات مطشرين كل وحده في مبنى لا اعرفهم ولا يعرفوني ولا كنت ادري ان في بنات معاي الحمدالله ربي لك الحمد مرتاحة بدوامي حيل حيل ومسئولي حيل مراعيني والشباب الي معاي علاقتي معاهم بحدود الشغل بس وبينا احترام صج ان اللبس علي بالحسرة ومااقدر احط مكياج بس الحمدالله مرتاحه وهذا الأهم لأن انا جربت اني اشتغل مع حريم ومابغيت الا عمري حش ونميمة وهذي سوت وهذي حطت واشمعنى هذي واشمعنى ذيج وطلعت هناك بسبتهم الشغل مع الحريم حيل متعب ماادري انا هذا رايي

 

[حنطاااويه]

انا قسمي كله حرييييييم حنه ورنه واهوااااااااش ولاعت جبدي منهم
وقسم رفيجتي كله شباب ومااعندها إلي عندي
واااااااي جان زيين اناا قسمي كله شباب واله افتك من الحنه والغييييييييره

 

[خضيرة]

عن نفسي ارفض العمل بين رجال وافضل ان كون بين نساء

ولست من مؤيدي الاختلاط

 

[جان دارك]

احنا عندنا بنات وشباب
بس الغالبية شباب
أحس الدوامات المختلطة أكثر هدوء ووقار
من الدوامات النسائية البحته
سمعت كثير عن هوشات ولعانه بين الموظفات
لله الحمد ماعندنا هالسوالف

 

[غايتي رضى ربي91]

أنا عن نفسي ما أحب أشتغل مع الريايل ,,,,,,,,لأني حياويه وماراح أخذ راحتي.....

 

[vogue grl]

انا اشوفه عادي ومثل ماقالوا البنات اجابل رياييل ولا بنات"

 

[أم حمد =)]

رياييل احسن من حريم .. مغثة وعوار راس..

 

[^ليلاس^]

وانا شاللي مكرهني بالتدريس غير الحريم لوووول

لو اييبون معانا مدرسين ويصير اختلاط عشان يخف الحش والدس لووول

 

[بنت المنصور]

والله احسن لج شتبين بحجي الحريم انا قسمي اغلبه شباب والله من احسن مايكون يخدموني بعيونهم ومتفهمين

ونتساعد وعلى قلب واحد وبالاخير ترى الي يحترم روحه الناس تحترمه غصبن عنهم دامج مرتاحه من الشغل

واهم شي مديرج طيب تررى تسوى الدنيا ومافيها خلج بشغلج والله يوفقج

 

[كاتمة الجروح]

لا انا ماطيق المكان اللي فيه رجال لكن اذا انتي مرتاحه الله يوفقك

 

[ضحكتي هيبة بكاي]

هذا شغل ومستقبل

دام هالمكان فيه راحة لج وراح تنجحين فيه .. توكلي على الله بعد ماتستخيرين

وعالكلام والقيل والقال .. حطي ببالج هالجملة (( واثق الخطوة يمشي ملكاً )) دامج راضية ربج اولا واهلج ثانيا خلي اللي يتكلم يقول اللي يبيه لانه بينقص من قدرهم مو قدرج ..

اسأل الله انه يوفقج يارب

 

[sereen]

ووووى عز التعامل مع الريااايل . لا قيل لا قال لا لبسج هاليوم جذيه لا عبايتج ماادرى شفيها , لكن بالنسبه كلام الناس مايهمنى لان بالنهايه ينعرف منو الزين ومنو الشين , واللى بيتكلم ارفع الدرايش , والاهم تعاملى مع الرجال بحدود ومايطيحون الميانه لان ليه طاحت الميانه صار القيل والقال والاشعات , واللبس احاسب عليه مع المكيب , وغير جذيه الله يوفقج انشاء الله

 

[هاناا]

يا قلبي
أنا اشتغلت بثلاث اماكن
اول مكان كله حريم
عينج ما توف الا النور
كله هواش و حش و قيل و قال

حتى لو مالج علاقة بالموضوع يدخلونج فيه غصب
واذا رفيجتج تهاوشت مع وحدة
حلت عليها و عليج اللعنة من باجي البنات
حتى لو كنتي غايبة يومهاثاني مكان كان اختلاط شباب و بنات و العلاقة في حدود الشغل و الاحترام
وايد اريح بس هم كان في غيرة من بعض البنات و حشرية و لقافة البعض الاخر
و اخر مكان كله شباب و انا البنت الوحيدة بينهم و مكتبي بروحي
احترام و تقدير ولا احد له شغل فيج و لا احد يحش فيج و لا احد يغار منج و يقول هذي طويلة و الا قصيرة
ة الا الحريم اللهم يا كافي صج ناقصات عقل و دين
و بعدين دام طلعنا من بيوتنا و اشتغلنا لازم ما تهتمين شنو يقولون الناس دامج انسانة محترمة وواثة من نفسج و عارفة تربيتج

و لا تهتمين لنفسياتهم المريضة

 

[خطاي اني وفييت]

صراحه انا اتبع شرع رب العالمين شيقول عندي اتحمل الحريم ووحشهم بس اني ارضي ربي
شا الفايده شغلي حلو ومرتاحه بس ربي مو راضي علي
من ترك شي لله عوضه الله خير منه
ويلي تقولون الاختلاط ما فيه شي با لله قولولي شا استفادت اوروبا !!!!!!!!!!

 

[هاناا]

شنو الي يمنع ان المرأ تشتغل مع الرجل ف حدود الادب و الاحترام

حتى بعهد الرسول صلى لله عليه وسلمكانو الحريم يطلعون الحرب مع الرجال يداوونهم

 

[brownness]

عادي مو مشكلة هو مو المشكلة بالحريم او الرياييل المشكلة بشخصيتهم اذا محترمين او لا مرات يكون الرياييل وايد ابرك من الحريم ومرات العكس انتي وحظج واذا على حجي الناس مايخلص بكل شي يحجون ومايشوفون روحهم

 

[هاناا]

الزين يفرض نفسه

 

[yam_yam]

عن نفسي جربت الاثنين
حسييييييييييييييييييييييل اريح الرياييل صراحه و البنت المحترمه نفسهاو تصرفاتها ماعليها من احد
احسن من البنات و الحش و الهذرة الزايده

الحين الحمدالله مرتاحه

 

[كويتية و لكن]

الرياجيل طبعا احسن ليى ؟
لان انتي عندك ثقة بنفسك واكيد عندك اخلاقك العالية والادب واكيد بتفرضين احترامك علي الكل ومنهم الرياجيل الي معك
لكن الحريم لوووووووووووول لو شبتسوين ماراح تسلمين من انتقاداتهم وقرقتهم ونصبهم عليك ويمكن الغيرة من العمل او الجمال او الثقافة وخصوصا اذا رضي عنك مسؤولك

لا لا يوبا الرياجيل وايد ارحم علي الاقل ما في مواضيع بينك وبينهم تستفزهم لو مزحة ويساعدونك ويحترمونك من احترامك لنفسك

وبالتوفيق