تتوقعون صج ان ملابس ديور اللي في لحظة من فضلك اصليييييييييية؟

[legally blonde]

لا لا لا بليز لا تقولون انه تقليد
راح اتحطم
شاريه منهم

 

[شيخة الحلوة]

مشكورين بنات ما قصرتووووووووووو

 

[COOCOO-STYLE]

لو اصلي جان يدري عنهم الوكيل بالكويت ذاك اليوم رحت بربري وسألته عن كيس البيبي قالي ماكو قتله شوف لحظه من فضلك يمكن عندهم انصدمت يوم قال احنا مالنا شغل فيهم احنا وكيل بربري انصدمت حديييييي ولما رحت لحظه قلبت الملابس الا في منهم صناعه ماليزيا تخيلتواااا

 

[تاج الروس]

الله يرضى عليكم يابنات

لو نص المبلغ اللي بتحطينه بالبدله تتصدقين فيه دفعت بلا عنتس وعن البيبي اللي في بطنتس مواحسن .؟

" صنائع المعروف تقي مصارع السوء "

الله يقومتس بالسلامه ويحفظ لتس مولودتس ويبارك لتس فيه ويرزقتس بره ياااارب

 

[شيخة الحلوة]

مشكوووورين

 

[ANOoOo]

طيب كيف اسعاره

 

[shainy]

حبيبتي انا بقولج شغله
محل لحظه من فضلك بضاعته اصليه 100%
لانه ترخيصه من وزارة التجارة والصناعه
انه معتمد في ماركات معينه مو كل الماركات

وبعدين لو انه مو اصلي ما تلقينه في مجمعات كبيره
وبعدين لحظه من فضلك ماله شغل بالمحلات الي تعتمد الماركه
يعني لما بتروحين ديور وتسئلينه عنهم بيقولولج احنا مالنا شغل فيهم لانه هذا وكيل وهذا وكيل ثاني

 

[أمانيQ8]

والله بناتي من عمر الدنيا البسهم منه خصوصا حق العيد وحتى عندي الكرت الذهبي يسوون لي خصم
ومره بعد وحده شككتني قالت من صجج اصلي ؟؟اشلون تثقين؟؟
ومره اتذكر اشتريت منها نفنوف حق بنتي وركبت لي جوتي الله يعزكم معاه وجنطه ولما سافرت لقيت اخوووووووووووووه معروض بدون جنطه بس جوتي وقارنت الصناعه تفرق بنات جنه اللي اشتريته منها جنه خياط خياط عادي وهذاك خياطته من داخل ماتبين!ضاق خلقي ولا بعد فوق هذا السعر ارخص بوايد بس شنسوي نظطر نشتري منها اهي اللي بضاعتها مو مكرره بالمحلات

 

[~..MiMiNi..~]

مادري عنه اصلي او لاء .. بس شفت فنيله داخليه مالت بيبيات ماركة ديور بـ 52 دينار :/

مادري وايد خو كلها فنيله داخليه من بيطل داخل فنيلتها

بس الصراحه شفت بدلة بربري واااااااااااااااي اتينن اتينن مع كبوسها و تنوره وفنيله يااااااااي كتكوتتتته .. كامله اتوقع تطلع 100 وشي

حسافه ماعندي بيبي والا جان عادي اشتريهم

 

[شيخة الحلوة]

هلا خواتي
بصراحة
رحت شفت شغلهم
كل صناعاتهم
تونس
المغرب
تايلاند



بصراحة حدي استغربت



بس تبون الصج


يااااااااااااااااااااااااربي شحلات البدلات مو طبيعية
وخاصة
جيسه البيبي من بربري

فظظيييييييييييييييييييعه
تهبل

شي خيالي

 

[opera]

تقلييييييييييد

 

[opera]

انا اشتري منه بالتنزيلات لانه ريلي اصلا مايرضى اشتري ماركات الا من الوكيل نفسه .. ولا بلاها ماركات مو لازم البس الياهل بدله ب 100 دينار شعرفه بقيمتها ؟ الياهل لبسيه بيجاما على الشخصيه الي يحبها ب 5 دنانير بيستانس اكثر من لمن تلبسينه بدله ماركه .. هذي بس حقنا احنا كل وحده بتتفاخر وتقول ملبسه ولدي ماركات


انشالله خليها لهم لمن يكبرون ويفهمون باجر اهم بيقولون لج نبي ماركات

 

[Little Things]

شدعوه بنات ليش يصير تقليد !!


مو معقوله اصلا .. وديورالصالحيه مافيه هدوم بيبيات .. لحظه من فضلك معروف اصلي وله سمعته مو معقوله يبيع شي تقليد


وشوفي موقع بيبي ديور بالنت وقارني الهدوم

انا معاها ما اتوقع تقليد

 

[<miss botamba>]

اغلب المحلات الماركات بالكويت يشترون اسم الماركه بس ويعطونهم موديلات واهما ينتجونها بمصانع ثانيه يعني مثلن الحين الي تقولون صناعه جزائر والا تايلاند
اهما ديور والا بربري صج والليبل صجي والماركه صجيه بس مو صناعه المصنع الام لاا مصانع ثانيه
وصلتكم الفكره!!

الي يبي ماركات يفك عمره ويطلب من النت او ينطر يسافر ويشتري من بره
عمري كله ماشريت شي من الكويت الا مره وحده ولا امي شاريتها لي
اذا ابي شي اطلبه من النت ولا موديلات مونازله بالكويت اصلن !!

 

[شيخة الحلوة]

نورتوني

 

[Fiorenza]

اصلي طبعا واللي يستغربون من الصنع انه في دول مثل ماليزيا وغيرها

لانه الايدي العامله والمصانع ارخص ووايد ماركات الحين مصانهم بصين والهند وغيرهم لكن اصلي

 

[شيخة الحلوة]

نورتيني

 

[Wa7shni ShoF eLq8]

االسلام عليكم ورحمه الله وبركاته ...


اولا انا عايشه في امريكا وطول عمرنا نشتري الماركات من ساكس ونيمن ماركس ونوردستروم" محلات مشهوره بامريكا من طقه فيلا مودا " ويعطونا الهدوم بجياس المحل الي شريت منه مو الماركه ... ثانيا توني شاريه من فراري في امريكا بلوزه حق ولدي مكتوب عليها صنع في بنغلادش .. ومكتوبه بالعربي بعد .. فهذا مو معناته ان تقليد ابدا .. لكن المصانع ارخص في هذي الاماكن فالماركات عندها مصانع في كل مكان ... ثانيا بيربري يختلف مكان صنعه ليش !! لأن فيه بيربري لندن وفيه بيربري العادي حتى معروووف ان بيبري اصله بريطاني وبعدين صار عالمي ..

على العموم انا لحظه من فضلك ما اشك فيها ابدا ... لأن نفس الهدوم الي عنده اشوفها بالكويت وبدبي وبامريكا .. لكن فيلا مودا وال في وشنيل وديور الصالحيه و فندي هذول ما افكر فيهم لأن جم مره يطلع حجي عليهم واخر مره كل شي كان واضح بالصور التقليد قواطي ال في وبيربري و شنيل .... ما بي اطول عليكم بس حبيت اقولكم عن خبرتي بالموضوع .

 

[شيخة الحلوة]

مشكووووووووورة حياتي عالرد

عاد بدلاتهم حدها تشوق بس انا قلت انهم تقليد



بس شكلي باشتري منهم
لوووووووول

 

[MoonDiamond]

انا (نيو مام) وللحين ما اعرف بهالسوالف