تجآربكم مع أفضل منتج للشعر بعد غسلهـ ...}

[ذات الهمة العالية]

ورا ما أغسل الحمام زيت (أنا شعري كرلي فما أغسله كل يوم كل ثلاث أيام واذا كلش كنت مشغوله أربعه بالكثير لان دوم أسويه ستريت)

أستخدم هل مشط ويفرق عن المشط العادي اسمه tangle teezer

اسمه tangle teezer

الفرق عنه عن المشط العادي أنه أسهل بالأستخدام وما يطيح الشعر وبسرعه يفككه لما يكون مبلول عرفتوا الشعور لما تمشطين شعرج والمشط يشد من صوب وأنتي صوب أنسي وودعي هل مشكله ويا هل مشط

خذيته من صالون toni & guy (الي بنادي الكونيش حق الي ما يدل لما تروحين شارع الخليج ويكون حديقة الشعب على اليمين وماكدونالدز على يسارج بتيلج أشاره أخذي الأشاره فوق تحت وأول دخله على اليمين بيكون بويهج نادي الكورنيش ويمه مطعم p.f chang's الصالون داخل النادي تدشين من البوابه وتروحين على اليسار)

وينباع اب صالون eden (مكانه اب شرق ورا مطعم مرغل مخل الي يم الحمرا مول)


tangle teezer the inventor - youtube

ومني الفرق بين المشط العادي والمشط ال tangle teezer
tangle teezer review - youtube







كريم بلسم ولكن تتركينه اب شعرج ما تغسلينه من ماركة pantene اسم المنتج بديل الزيت أنا أستخدم الأخضر وأكو أنواع ثانيه للشعر أخذه من مركز سلطان سوق شرق

حماية الشعر من التلف من أستخدام الحراره مثل الأستشوار\الفير\الستريتنر أستخدم بخاخ tresemme

ينباع اب أغلب الجمعيات

ماله داعي أشرح طريقته واضح تحطينه قبل لا تستشورين أو أستخدام لأي أداة شعر حااااار

ومن ماركة lee stafford ((تلقونه ينباع اب صيدلية بوتس)) بخاخ حمايه خااااص للستريتنر

اخر شىء السيروم --السيروم حلو كإخر خطوه بالشعر وركزوا على أطراف الشعر وكثر ما تقدرون لا تحطونه صوب الجذور واذا كلش نتفه فقط!!


ماركة لوريال -تلقون السيروم ينباع اب أغلب الجمعيات + مركز سلطان

أحب البرتقالي أكثر شىء

من ماركة kerastase ينباع اب معظم الصالونات

من ماركة lee stafford (ينباع اب صيدلية بوتس) من مجموعة منتجاته أحب السيروم بعد

مشكووورة ردك روعة


ان شاء الله ادل اشترى المشط