تجاربكم الشخصية مع اي دورة خذيتيها ؟

[عاشقه القيصر]

ودي ادخل دوات انمي نفسي فيها .
مشكوره يا صاحبه الموضوع .

 

[dady's girl]

اي والله نبي رقم استاذه نبيله النغيمشي جزاكم الله خير

 

['Basma']

للرفع

 

[om reem 86]

اب اب اب وبليز بنات بلغوني اذا في دورات قريبه ودي ادش دورات

 

[رغودة]

بنات واللي يعافيكم
ابي رقم نبيلة النغيمشي

 

[أم العوش]

رد : تجاربكم الشخصية مع اي دورة خذيتيها ؟

أنا توني حضرت محاضرة حيل حلوة وودي أكتب لكم اللي استفدته

اسم المحاضرة : نوال المهيني >> غنية عن التعريف

دورة إعداد ملكة

رقم الاستاذة نوال : 99017179

ضيفوها بالواتس اب تدز لكم دوراتها

 

[عاشقة الياسمين]

أنا حضرت دورة الحرية النفسية واااااااااااايد تهبل مع د. ليلى الربعي بصراحة أنا ما اتعامل غير وياها
أحس براحة بصراحة الدكتووووورة رووووووووعه بابتسامتها وجمال روحها التغييرات واااضحة و ملمووووسة جدا كنت أتوقع ان النتيجة بتكون محصورة لا لااااا ... النتيجة كانت في كل جوانب شخصيتي بعد الله سبحانه ثم اهيه وبالانسجام التام مع المحاضره استفدت منها ومو بس انا اللي ماخذتها انا ورفيجاتي وكلنا شفنا تغيرات فينا ماراح تندمين
شلون تحرري نفسك من فوبيا معينة أو قلق أو ضغوضااااااااااااااات أو أفكار سلبية أو ذكريات سلبية ووااااايد أشياء
نصيحة بنات اخذوها :eh_s(15)::eh_s(15)::eh_s(15): وهذا رقمهم 94459250
وهذا جدولهم
http://www.mbandsoul.com/show_services.aspx?id=4
​

 

[عسل مرت قيمر]

بنات جم اسعار محاظرات الدكتوره ليلى الربعي


لان دخلت الموقع مو حاطين الاسعار

ياليت وحده تفيدني

لاني ودي اخذ شي من دوراتها هلاسبوع




بليز الي تعرف شي تقولي او تدزلي علخاص

 

[بنفسجيه كول]

السلام عليكم



حبيت اعرف منو يعطي eft غير ليلى الربعي

بنات اب بليزززززززز

 

[جلكسيه اس 3]

ياسمينه الدورات هذي على طول موجوده ولا بس اوقات محدده و ابي اعرف بجموالدوره

 

[اشلون يعني &]

رفع اااااا

 

[ام يارا القمره]

انا اعشق الدورات

اكتب لج من تجاربي الشخصية


بالنسبة للدكتور علي الجناعي وايد يطلع بره الموضوع يعني تروحين الدورة عشان موضوع معين تطلعين سامعه عن اشياء ثانية


معجل العبجل: دوراته حلوة و مفيدة و فيها تدريبات عملية يعطي عن البرمجة العصبية اللغوية و تقدير الذات

صالح البارود: يعطي عن تقديم البرامج الاذاعية و التلفزيونية و عن تقدير الذات
للأسف بخيل بالمعلومات يعطي اقل قدر ممكن و اذا سألتيه يحاول يتهرب من الاجابة
و للاسف معلوماته مو وايد قوية


د.حمود القشعان: غني عن التعريف محاضراته و دوراته عن العلاقات الزوجية بالنسبة لي شخصيا واااايد يعجبني هالانسان


د.ابراهيم الخليفي: بتاع كووولوووو يعني يعطي دورات بوايد مجالات
اسلوبه حلو بس من النوع اللي يطلع عن الموضوع حيييييل و لازم تقتنعين بوجهة نظره مايرضى تكون لج وجهة نظر خاصة مختلفة عنه
في شغلات ما يقنعني فيها لأن الزمن تغير ، وقت الصحابة انتهى احنا عيال القرن 21 نحتاج نوع مختلف من المعلومات



استاذة نبيله النغيمشي: أكثر من رائعة ، أكثر دورة استفدت منها بحياتي هي دورتها اللي اسمها أحب نفسي
فعلا فعلا عجيبة و غيرت من شخصيتي و نظرتي لنفسي و للاشخاص و الأمور
اعتقد هذي الدورة كل وحدة لازم تاخذها
يعجبني بالاستاذة نبيلة انها على طبيعتها و ما تتصنع و حدها متواضعه و تحب تساعد
و وااااايد كريمة بالمعلومات يعني ودها تعلمنا كل اللي تعرفه انا احب جذي
و اذا سألتيها عن شي مو متأكدة منه 100% تقولج مادري سألي الشخص الفلاني أو اسأل و
بعدين اجاوبج ،
و دمها خفيف
تعطي معلومات مكثفة و الأهم انه معلوماتها حديثة و تطبيقات سهلة عملية قدرنا نكمل تطبيقها
حتى بعد الدورة بسنتين و لازلنا نطبق كأنه تونا ماخذين الدورة امس ما تنسينها




لحد الحين اهيه أحسن دورة أخذتها و فعلا استفدت منها
و لحد الحين اهيه احسن شخص اخذت عنده دورة


د.ناصر الفريح: معلوماته حلوة و حديثة في علم الطاقة لكن اسلوبه ينوم


استاذة بشاير الزواوي: حبوبة و تعطي دورات عن نظرية الاختيار ، اسلوبها حلو بس اكثر من مرة احضر لها تكون مرتبكة


د.منى غريب: معلومات جديدة و اسلوب حلو و فعلا تستفيدين منها و تنبهرين لكن بعد فترة تنسين اللي قالته


د.جاسم المطوع: في مجال الحياة الزوجية و التربية و الاعلام ،مع احترامي الشديد له و اعجابي بوجود كويتيين متميزين و يفيدون الناس لكن انا ما تعجبني معلوماته القديمة و اسلوبه شوي بارد


د.محمد الثويني: عجيييييب ، أسلوب رائع ، كريم بالمعلومات، يعطي معلومات مكثفة تخصصه المراهقين و العمل المؤسسي مع المراهقين


استاذة ليلى الربعي: علم الطاقة و الالوان و الاحجار، تهبل ، اسلوب حلو و كريمه بالمعلومات و دقيقة


استاذ محمد القلاف: نوعه أيضا بتاع كووولوووو يعني يعطي بأي موضوع تبينه ، يعطي عن تنظيم المؤتمرات و عن النجاح و الارادة و عن التدريب و اللإلقاء ، أسلوبه حلو و يشد بس المعلومات جدا قليلة يعني الدورة تستانسين فيها لكن ما تستفيدين وايد لأن المحتوى متواضع



طبعا انا آرائي شوي دقيقة لأن هوايتي الدورات و فلوسي رايحة عالدورات و الكتب
يمكن هذا الشي اللي يخلي اغلب المعلومات بالدورات تكون قديمة بالنسبة لي
يعني عشان تعجبني دورة لازم فعلا تكون معلوماتها يديدة و اسلوب جدا راقي و يشد لأني امل بسرعة


تعبت أكمل الباجي بعدين
انشالله تكون تجاربي مفيدة بالنسبة لكم

ههههههههههه انا مثلك قاطه فلوسي على الدورات ومره كتبت ورقه استبيان عن تقيمي للمدربه قالتها رديت وكتبت ان معلوماتها قديمه درست عن برمجه اللغويه العصبيه وعلم الطاقه وقاون الجذب وشاكرات السبع وتنفس وطريقتها لتنظي الحسم من اثارها السلبيه وغيرها
ابغى شي جديد

 

[Ms.PeRFeCT]

برفع الموضوع عل وعسى احد يقدر يفيدني شلون اخذ شهادة npl البرمجه اللغويه العصبيه

ويعطيكم العافيه ماقصرتوا

 

[saraEFT]

برفع الموضوع عل وعسى احد يقدر يفيدني شلون اخذ شهادة npl البرمجه اللغويه العصبيه

ويعطيكم العافيه ماقصرتوا

اتوقع وليد المرشد بعطي شهادة

 

[saraEFT]

سلام عليكم

دام مريت خل ارد

حضرت عند الدكتورة ليلى الربعي 4 دورات و مستمرة معاها لما اخذ كل الدورات اللي تقدمها لانها فعلا خياااااااااااااااااااااااال رائعه و معلوماتها متجددة تعطي من قلب .

الاستاذة حصة الحشاش حتى اهي عجيبة تعطي من قلب و متمكنه تسترسل بطريقة حلوة لما تتكلم .

الاستاذ طلال الرشيد عجيييب بس للامانه حضرت له ندوة مو دورة ..


^_^

 

[Ms.PeRFeCT]

اتوقع وليد المرشد بعطي شهادة

مشكووووره على الرد جزاج الله خير