تجاربكم مع البعووووووووووض

[ghalaty]

خواتي اشلونكم ذبحنا البعوض هالايام موقادره انام من التقرص كل الطرق استخدمتها ما كو فايده قولوا لي شنوووووو أسوييييييييي؟؟؟؟؟؟؟؟؟؟؟؟؟؟؟

 

[مستقبلي احلى]

اشتري لج مكينه اللي تكون مثل الليت الازرق وتتعلق في الغرفة وبعيد عن الاطفال
تقضي على كل الحشرات

 

[قلب امي]

انا يا الغاليه اكره البعوض ومسويه حمله مكافحه في غرفة النوم احط الجهاز الكهربائي اسمه ريد اشبكه قبل النوم بساعه وسكر الغرفه وحط استاره تل على كل البواب اللي تطلع على بره وركبي سله على الباب صغيره وحطي فيها ورق نعناع وحطي جنب سريرك شوي نعناع في نصف كاس ماء او افتحي علبة الفيكس جنب سريرك جربيها ومارح تندمين لين البعوض يكره النعناع والحبق والفيكس والريحان وسلامتك ونشاء الله ماتشوفينه

 

[BsKoOoOoTa]

حبيبتي انا الي اعرفه انه احسن شئ لطرد البعوض حطي نعنان حولين راسج يعني عند المخده او اي مكان في الغرفة منها ريحة حلوه ومنها البعوض ينحاش منه

 

[أغلى حبيبه]

احسن شي آآآآآله الحشرات

تغضي على كل الحشرات

 

[bnt_kwt]

اي والله ذبحنا القارص
قطعنا من التقرص

يعطيكم العافيه على افكاركم المفيده

 

[ghalaty]

شكراا خواتي على مروركم وردودكم والاخص بنت الملك فهد راح اجرب اليوم الفكس لان صج صج ملت النعناع كلا حطيته ماكو ايده

 

[ghalaty]

يلا من التقرص قمي اقط بدليات قصدي اقول مليت النعناع كله حطيته بس ماكو فايده

 

[عروبه]

حبيتى روحى الصيدليه وطلبى بخاخ البعوض
وحده بوحده ما يمر صووبج كلللللللش

 

[وسن 11]

صجه عروبه سمعت فيه

 

[bnt q8 in usa]

اذا عندكم احد بامريكا في بخاخ مخصوص للباعوض ترشينه مكان القرصه واقل من ثانيه يروووووووووووووووح عجيب وفي منه انواع

 

[كويتية أصيلة]

صاجه بنت الكويت بامريكا
في كريم وفي جل بس تحطينه على القرصه تروح

بس انتي اللي تبينه تبين توخرين الحشرات من المكان

عليج باللافندر اذا عندج مبخر شمع او حتى لو تشترينه رش وترشين لان الحشرات ما تواطن ريحته
والقارص اللي تتكلمين عنه بالفراش هذا صغير ما ينشاف على الالوان الفاتحة عشان تذبحينه مانولي فرشي لافندر منها تعطرين الفراش ومنها تنحشينهم

 

[Pink GirL]

اي والله بنات ذبحنا البق

انا جسمي كله مقرص واليوم بالدوام نسولف عن هالسالفة كلنا مقرصين وقاعدين بقع بقع

ماكو الا اجرب طرقكم وان شاء الله يروحون هالبق اللي ذبحونا

يعطيكم العافية