تجاربكم مع الطلق الصناعي

[shoshowoo]

السلام عليكم حبوبات انا من دشيت شهري وانا معاي طلق وعوار. بس الرحم موراضي يفتح يادوب اليوم وصل 1 سم فا دكتوري قالي دخول يوم السبت ولاده لان البيبي راح يتعب من الطلق لان يزيد وما يتوسع الرحم
سؤالي اشكثر ممكن اطول على ما اولد اقصد الي جربت الطلق الصناعي او التحاميل اشصار معاها ومتى ولدت يريت تكتبون تجاربكم

وادعولي اولد هاليومين وما احتاج تحاميل او طلق

 

[انا استاهل]

حبيبتي انا جربت الطلق الصناعي عادي لاتحاتين بالكثير يوم وامشي وايد وشربي نص بطل خروع مع قلاص عصير منجا الله يسهل عليج يارب وتولدين بالسلامه يااارب

 

[meme23_80]

انانفس حالتج عقب يومين دخولي وطلق صناعي قالتلي الدكتوره كل ٦ ساعات تحميله ويشوفون جم صرتي وبعدها تحميله ثانيه وتولدين فيها اكثر البنات من اول تحميله يولدون او الثاني ولو ماولدتي الثالثه اقوه وتولدج علطون باذن الله يعني حسبي كل تحميله ينطرون ٦ ساعات
والله يسهل عليج وعلي انا مجربته تري هذي ٣ ولاده بس هم خايفه بس الله كريم

 

[لذة الطاعة.]

الله يعينج يارب


انا اول واحد بجري دخلت طلق صناعي لانه كان ماي الجاهل

ناااقص

ماكنت ادري شسالفه

بس صج صج تعذبت حيييل لين انفتح وياي الرحم و عطوني اول تحميلة طلق الساعه ١١ و نص الظهر و ما ولدت الا الساعه اربع العصر من ثاني يووووم


يعني طولت وااايد واايد

و تعبت حيل و الحين انل حامل و الله يستر ادعي ربي انه يكون طلق طبيعي من الله و يكون بوقته ياارب

لاني شهر واحد بولاتي الاولة ولدت باخر الثامن

 

[shoshowoo]

الله يعين ومشكورين خواتي
انا استاهل زين طمنتيني
ميمي الله يسهل علينا صج احاتي واي مستشفى بتولدين ؟

لذة طاعه وااااايد طولتي وان شالله كله باجره بس ممكن اعرف اي مستشفى واي دكتور

وااااي قمت احاتي مابي اطول

 

[شلة بنات وبس]

مادري ماانصح بالطلق الصناعي

 

[فتون777]

انا كنت نفس حكايتك باظبط
وعطوني طلق صناعي الساعه سبعه الصباح ولدت الساعه ثلاثه العصر
مرررررره يعور
نصيحه خذي ابره الظهر
انا حسيت طلقه وحده ما اتحمملتها وطلبت الابره وماحسيت شي

 

[meme23_80]

هلا حبيتي تبين تعرغين وين حددت ولادتي دشي علي موضوعي واقري
http://www.q8yat.com/t954658.html

 

[shoshowoo]

فنون انا قلت حق الدكتور ابي ابرة ظهر لان اخاف اطول واتعب وان شالله ما اطول يارب

ميمي قريت موضوعج وعلقت لا تحاتين ان شالله سهالات

بس ان شالله عقب ماتولدين بالسلامه كتبي قصة ولادتج من ا لي ي احب قصص الولاده الله يسهل عالجميع

 

[shoshowoo]

بنات الي تعرف اكثر ياريت تفيدني بتجربتها

والي ما تعرف ياريت ترفع الموضوع بدعوه حقي وحق خواتي الحوامل

 

[butterfly-m]

بوالدتي على ولدي ماكان فيني طلق بس ولدت لاته حالة ولدي كانت تعبانه خذيت تحميلتين وطلق صناعي الساعه 11 الظهر وولدت الساعه 9 ونص بليل
صحيح اني تعذبت لان الطلق الصناعي غير عن الطبيعي مايعطيج فجه كلش ألم متواصل بس الحمدلله ولدت طبيعي
نصيحتي لج اذا تقدرين اخذي ابرة الظهر والله يسهل عليج​

 

[بيتي بوب بس كويتيه]

انا جربت ببجري طلق صناعي وطبعا يوم كامل وما فتح الرحم وحطولي شغله توسع الرحم هذا طبعا بالصباح
وبالثاني حاشني طلق طبيعي بس الصراحه نفس الشي بالثاني الله يخلي الكمام ريحني والا روحي شوي وتطلع من العوار
والي عذبني بالطلق الصناعي ابره الظهر ما أثرت فيني والكمام كانو مخففينه او قاصين علي ما يندرا
يعني بالعربي الطلق الصناعي والطبيعي نفس الشي الفرق انه الطبيعي يقولون لج روحي امشي روحي بيتج لما تفتحين ٤
مو نفس الصناعي تنحكرين والنفسيه تأثر فيج

 

[shoshowoo]

بتر فلاي طولتي ؟؟ بس الحمدلله على سلامتج انا قاعده احاتي هالموضوع اخاف ادش ١٠ اطلق لي ثاني يوم ولا ١٢ ساعه احس تعب انا فبنتي طولت بس مو وايد دشيت ١١ الصبح وولدت ٥ المغرب بس هم تعب

بتي اشكثر طولتي ؟ عاد انا حاطه حسابي على ابرة ظهر ان شالله تفيدني شلون ماسوت لج شي ؟؟

انا بولد ان شالله بدار الشفا عند مصطفى تومسو وين ولدتي*

 

[Mednight Rain]

الطلق الصناعي عواره حااار حااامي انا اخذته س9 ص ومانفتح الرحم الا واحد س
وولدت ثاني يوم الفجر طولت حيل وتعب البيبي
وسهالات ان شاء

 

[Mednight Rain]

بس اخذي الكمام يساعد
واكلي عدل عشان طاقتج
وحطوبي بالون بعد تلعوزت

 

[MiSS B.K]

الله يسهل عليج وان شاالله ماتحتاجين طلق صناعي

 

[shoshowoo]

Miss bk تسلمين عالدعوه الحلوه

بنات معقوله الطلق الصناعي جذي يطول قمت احاتي انا احسب ٦ ساعات واولد بالكثير الله يستر

 

[هذا مزاجي]

الله يسهل عليج وعلى الجميييع
بس صج صج كل مالكم تخرعوووني
حتى الكمام خليتوني احلم فيه
هالمره شكلي بحلم بالطلق الصناعي :eh_s(16)::eh_s(16):

 

[::مسك::]

حبيبتي لاتحاتين موووو شرط تطولين انا جربته مرتين اول مره قعدت يومين اطلق اكيد تخرعتي ههههههههه وثاني مره ماشالله ٤ ساعات بس وانا والده ادعي والله يسهل عليييييييييينا وعليج

 

[shoshowoo]

مسك خرعتيني وطمنتيني ههههههه
ان شالله ما اطول انا الحين عقب ماشفت ان الاغلب يطولون كلمت دكتوري قلت له ابي ابرة ظهر اخاف اطول عالاقل يخف العوار
فبنتي عطوني كمام بس ماحسيت ان سوالي شي

الله كريم


يااارب سهل على كل حامل وهون الطلق