تجاربكم مع تخفيف الكرشه بعد الولاده

[رفيعة الشآآن]

يعطيج العافية غنوجة خوش موضوع

نبي بعد تجارب ومتى بضبط نلبسه

 

[om 7amoodi]

أنا ما ربطت كان يضايق حتى بالرضاعة مو مريح كنت ملتزمة بالأعشاب و أتحرك و أرضع و رد بطني نفس ماكان

 

[# غنوجة بيبي #]

مشكورين بنات

شكلي باخذ حزام طبي افضل و اشتري كريم الزنجبيل على مدحكم

فوفو العيش لا بد منه هههههه عيش ادويات بعد و معاه لحم

اذا ما اكلته تشرشحني امي على قولتها ما يصك اللحم غير اللحم

 

[درب الخير دربي]

الله يعطيك العافية غنووجة موضوع مهم مرة
ويارب نستفيد من التجارب الموجودة فيه
عن نفسي بكرية واصلا عندي كريشة من قبل واخاف تزيد الله يستر

 

[بدون بس مغتربه]

موضوع شيق ... تسجيل دخول لي يوم الولاده ونستفيد ممن التجارب

 

[حكآية قلب]

انا بالبجر ماسويت شي


نطرت 6 شهور و سويت رجيم بدون عيش وخبز

و كله اشد بطني لداخل فعلاااا رد


ان ولدت طبيعي هالمرة باخذ حزام من الصيدلية

 

[Aloe Vera]

اللي اعرفه ان رضاعة و رياضة و رجيم اهما اهم شي غير جذي مادري بس الحزام او المشد الدكتورة تقول لي ماينفع و كلام فاضي مادري عاد و هم طبيعة الجسم لها دور انتي شنو نوع جسمج يكرش بسرعه ولا لأ؟

 

[شيخه كويتية]

انا اخذت حزام من الصيدليه ومارتحت عليه لا قعدت تطلع زوايد فوق


قطيته واستخدمت مال المباركيه عجيب لبسته وقطعت العيش شهرين ونص ضعفت وتعدل بطني


عرفت ان الالتزام بالادويه واعشاب تخفف الغازات
وطبعا العيش والعجين قطعتهم شهرين ثلاث
والمشروبات الغازيه
قطعتهم 8 شهور والحين احس ماحب المشروبات الغازيه

وبالاربعين نامي ع بطنج




الحين في حزام مال كارديشيان يمدحونه بستخدمه ان شاءالله

 

[أميرة طفولتي]

يعطيج العافية غنووجه على الموضوع


بنات
ياليت كل وحده اذا حصلها صورة المشد تحطها لنا
او على الاقل تقولنا شنو صناعته اللي بالصيدليه
اسمه... ماركته... جم سعره... اي معلومات نستفيد منها
عشان لي رحنا ناخذ نقدر نفرق بالانواع

ويعطيكم العافية

 

[سور المدينه]

موضوع حلو انا بجريه وبي استفيد
بس انا مفكره من قبل بربط بطني وبسوي رجيم ورياضه

 

[glby7sas]

موضوع حلوو انا بجريه وحبيت ارفع الموضوع

 

[رفيعة الشآآن]

وي شنو كيم كرداشيان

علمونا بالتفصيل

 

[كوكيز بالكريمة]

الرضاعه الطبيعيه تشد بشكل حلو ويضعف الجسم مثل ماقالت اﻻخت تحسين بعوار حزه الرضاعه تقلصات بالرحم معناته قاع يرد

و موضوع مشد كيم كارداشيان انا منزلته حصري هني ((شغل ايديا وحياه عينيا))

 

[مذهــلــه]

حطيلنا رابط الموضوع كوكيز

 

[كوكيز بالكريمة]

ابشري مذهله هذا رابط موضوعي عن مشد كارداشيان .. بعد اذنج غنوووج

http://www.q8yat.com/t1155153.html

 

[مذهــلــه]

مشكوره حبيبتي يعطيج العافيه

 

[لذه السكر]

بقولكم تجربتي
بس نصيحه للبجريات النفاس مو فتره رجيييم فتره راحه وتغذيه وتعويض للجسم
هالنصيحه ما سمعتها للاسف وردت علي عايدي ومن الاشياء اللي عانيت منها الرضاعه وقلت الحليب
بتشدين حيل خلي طاقتج كلها لعقب الاربعين


انا ولدت قيصري وقالتلي بعد 10 ايام تقدرين تلعبين رياضه وتربطين بطنج

وبعد اسبوع شريتلي حزام طبي من الصيدليه طبعا لما ريلي قاله للقيصري ما رضى يبيعه بس قتله يبلي حزام لعمليات البطن ليّن كان ويتمغط ما يشد عالجرح بس تحسين يلم البطن

جربت الاندونيسي عورني وخفت على جرحي


اكمل
1- الحزام استمريت علىه لي بعد الاربعين
2- قشر القهوه فظيييعه والاعشاب
3- اول 10 ايام او 15 يوم تقريبا كلللللللللل شي كنت اكل بس بكميات قليله لان كان معاي اكتاب حاد من اشوف الاكل ابجي (الله لايعيده) وبعدها فقط ايدام وسلطه ماكل عيش وكيك وخرابيط
4- بعد كل وجبه بساعه امشي نص ساعه بالصاله يكون البيبي نايم اخذلي فره نص ساعه


والحمدلله طلعت من النفاس ما اقولج بطني لاصق بظهري بس خفت الكرشه حيييييييل وطبعا الاهم الرياضه والرجيم بعد النفاس

 

[البابانه توته]

صراااحه موضوعج يهبل وضروري
انا بجريه وحدي خاااايفه شلون راح يكون جسمي عقب الولاده
ياارب نرجع نفس قبل بصحه وعافيه طبعااا

 

[Wild Cat 007]

انا بنفاسسي من اول يوم ربطت بطني بحزام من الصيدلية الشامية اسمه care
حليو و شدلي بطني و كنت اشرب قشر قهوة يوميا و طبعا اول اسبوع خرتها بالاكل هات عصيدة هات حسو و مرقوق و التشريب بعدين سوويت سيرج بالمنتديات و تشجعت اخفف اكل و صرت اتريق بيض بدون صفار و حليب و الغداًتشريب مع ايدام و العشا شي خفيف و استمريت و قعدت اشوف بطني قاعد يدش يوم عن يوم و اشتركت مع ردادة هندية عجيييييبة تمصع جسمج تعورج بس انام و اقوم احس جسمي مرتااااااح و احس بفرق بالجسم و عقب ما طاب جرحي قمت اسوي رياضة خفيفة و زدت من جرعة الرياضة و بعدين غيرت المشد رحت خذيت مال الطاهر شنو عجييييييييب يغمت بس اليوم الثاني تطالعين بالمنظرة تلقين تغير بطنج و قمت استخدم اثقال حق زندي و اسوي تمارين سكوات و امشي بالممشى عشان ما يحوشني اكتئاب النفاس طبعا المشي باخر ١٠ ايام عشان ما يحوشني هوا و بعدين خلص قشر الغهوة من عندي جان اسوي كمون و زنحبيل و دارسين والله حلو و طعمه روعة اشرب ٦ استكانات وانا ماحس بروحي و الحمدالله والله بطني خفت وااااااااايد يعني ٧٠٪ ماراح ابالغ و اقول بطني لاصق بظهري لانه جسمي خذاله ٩ شهور و شال مخلوق حي فمو معقولة بيرد بشهر يعني لا للاحباط اتوقع لو اكمل شهر بعد بيرد جسمي نفس قبل الله يتمم علي بقالي السيلولايت و الماي اللي محتبس بجسمي انشالله اتخلص منه باسرع وقت صج بالنفاس الوحدة مالها خلق شي بس لازم تغصبين عمرج لانه الجسم لا اخترب صعبه يرد ..طبعا انا ما خليت شي ما سويته والله فيني هوس من هالناحية لاني كنت عوووود قبل الحمال وزدت واااااايد و تعليقات ريلي حفزتني اسوي كل هذا اهئ اهئ والله احنا مساكين لووول

 

[M.O.F]

خوش موضوع لنا عوده بعد الولاده ان شاءالله