تجاربكم مع تعلم قيادة السيارة

[Search]

بنات شلونكم
شخباركم
ابي منكم تشجيع بخصوص ..قيادة السيارة ..طبعا انا أخذت الليسن وتدربت 14حصه بس اموت من الخوف لما اركب السيارة
زوجي هم ما يساعد طايح فيني .....اللي صاير معاي اني بس اشوف السيارت افقد السيطره بنات ابي نصايحكم وشنو تنصحوني انزل بروحي ولا مع احد ...وانا ناطره ردودكم
وشكرا
.:0bee2e8d89:

 

[Search]

بنات ابي اعرف متى تمكنتم من القيادة وشنهي التجارب اللي اهلتكم

 

[ام_بدر]

انا تقريبا صارلي شهر مع المدربه اكيد في خوف بالبدايه كونها مرحله يديده بس من بعد المره الرابعه الحمدلله الخوف بدا ينزال واذا انتي تخافين حيل جذي ماراح تسوقين بس انتبهي وحاولي وان شاء الله بتسوقين عدل واذا انتي تخافين لهدرجة لاتنزلين بروحج بدري على انج تكونين برووحج حتى لو انج ماتخافين ليما تتمكنين عدل ذيج الساعه روحي بروحج وتوكلي على الله والله يحفظج

 

[الله يخليني]

يقولون من خاف سلم ..
وانا أقول خليج جريئة القيادة سهلة وسلسة تحتاج تركيز وشجاعة في مواجهة الملاقيف اللي بالشارع ...

 

[ريح الخزامى]

هذي اشياء سويتها اول ماسقت علشان كنت اخااااف وعمري 18 والحين عقب سنتين صرت جريئه لا واخانق بعد << اخانق الهنود مو كويتيين علشان لايلحقوني لين باب بيتنا لوووول



لبسي نظارة شمسيه بس مو غامجه وايد بس علشان ماتبين عيونج
وراح تحسين بثقه بنفسج لان محد راح يعرف اذا انتي مبققه عيونج من الخوف او لا , فجذي راح تعرفين تتحركين عدل لانج ماراح تهتمين بملامح ويهج وحركاتج راح تهتمين بالسواقه اكثر << صدقيني هالخطوة من تجربتي الشخصيه

وسوقي وانتي رابطه حزام الامان علشان تحسين بالامان شويه , واهممممم شي صمي اذنج عن كلام الناس وسوقي بروحج
لان اذا احد وياج راح يضحك عليج او يمصخرج وراح تقل ثقتج بنفسج , قبل كنت اصدق كلامهم اني مااعرف اسوق وبعدين عقبها قلت بالطقاااااق انا الي قاعده اسوق مو هم , اذا احد بصير له شي لاسمح الله فهو انا مو هم فلازم ازيد ثقتي بنفسي علشان لا يصير فيني شي


وذا حسيتي انج خلااااص حدج خاااااااايفه بقولج سري بأول ايام سقت سيارة _03BA:_03BA:











كل ماخفت اني راح ادعم او دخلت الزحمه او لفيت على احد من دون قصد اتخل نفسي جني سواقه احترافيه بالفورميلا واحد
صدقيني رووووووووووووووعه النتيجه لان قمت اتشجع واقول انا الي اسوق سيارات سريعه اخاف من طريج صغير لووووول
وبعدين تعلمت على السواقه عدل وكاني الحمد لله صارلي سنيتن وانا اسوق :ggdw::ggdw:

 

[Search]

مشكورين على الردود واسال ام بدر ان تطرشلي رقم مدربتها لان بصراحة انا مو حاسة اني استفدت من المدربات اللي نزلت معاهم
وشكرا مرة ثانيه