تجاربنا ويا <<كـــريـــم الأســـاس >> الكل يشاااارك بالصور

[*درر*]

اب اب

 

[WHO CARES!]

انا اللي ما ضبط معاي مال ميكب اب فورفر ثقيل واذا حطيته اللون يطلع مغبر ليلحين عندي اياه ومتحسفه اقطه
وبعد مال نيفيا كلش مو شي دبق مادري شلووون وفي كريم اساس من الهنود بعد امدحوووه حده ظيييم
اللي عجبوني ماكس الفاكتور اللي حطيتي صورته 2 مره اشتري منه يهببببل خفيف وعجيب حق الصبح

الكومباكت مال ماكس فاكتور الذهبي يهبببببببل ثاني مره اشتري منه وبيخلص ناويه عالثالث
دريم موس من مايبيلين ناسبني بعد وانشالله بشتري منه لانه اللي عندي شوي ويخلص
وبعد كريم اساس لانكوم حلو بس ثقيل مخليته للمناسبات

 

[عطر البوادي]

مشكورة أختي على هالموضوع المفيد

بشرتي دهنيه على طول فله شمعه مدهنه
لون بشرتي بيضه اميل للون الحنطي

جربت وايد كريمات اللي والمني واللي ما والمني

1- شيسيدو

رووعة هالكريم وللحين من يخلص اشتري منه


2- كانيبو

حلو حق المناسبات وللامانة انا يوم خذيته وبالبيت حطيته بويهي طالع فاتح علي وما يصير أرده بس قدرت أضبط اللون من الكومباكت

3- ديور

من المآآآآآسي

4- كريولان

مو ذاك الزود يدبق

5-ريفلون

عجيييب حلو وخاصة اللي مكتوب عليه أويلي سكن طبعا حق البشرة الدهنية

6- ريفلون

حلووو وغريب لونه مثل الكوريكتر بس لمن توزعينه على بشرتج بصير ناتشورال يبيله بشره صافيه

ولي تكملة

 

[reem55]

جربت اغلب الماركات ..

وبشرتي حيل دهنيه وناسبها ماكس فاكتور العصار وكلينيك وماك

اما كريولان كاني مهرج ثقيل على البشره وتعبها

شانيل باهت وخفيف

 

[Mrs_Orchidia]

هااااااي


تصدقين عاد .. مالي تجارب وايد مع الاساس .. لووول

لان الاساس الوحيد اللي من اول مرة شريت اساس لي يومنا هذا و ما فكرت اغيره الا مؤخرا اهو اللي انتي حبيتيه من ماكس فاكتور لاستنغ بيرفورمانس
تغطيته روووعة و ثاااااابت ماشاءالله و شريت منه يمكن 4 مرات و درجتي 105 سوفت بيج و يطلع أغمج مني بدرجة .. بس الحين أحس بشرتي تشبعت منه

اليوم حق الكلية كان ودي بـ/نيو بلوك استعملت فاونديشن ايربان ديكاي .. اول مرة استعمله حلو و ثاابت بس عيبه ان ويهي دهن بعد 3 ساعات تقريبا ... بس حلو حيل و يصلح حق كل وقت أحس

لووول هالفاونديشن قصته قصة شريته من غير ما اجربه و لا ادري شنو درجته .. صار نفس لوني بالصدفة :dddds:




بس بنــــــــــــــات .. بليز يا حياتي .. انا عندي سؤال

من جربت B.B foundation cream ؟

عليه مدح مو طبيعي لدرجة اني ماني قادرة أصدق ان صج ماشاءالله .!!! و ودي أطلبه من التاجرة اللي عندنا بالمنتدى بس المشكلة ان مورخيص بما أتسرع


ياليت اللي عندها تجربة تفيدني عالخاص



أمبيه شكثر قرقت!!

 

[~خليها على الله~]

يعطيج العافيه ع الموضوع

أنا بصراحه عجبنى كريم (( حنان الدشتى ))

 

[بـحـور الـشـوق]

مالي وايد تجارب..
عندي كريم شيسيدوو السائل حلووو و كفره متوسط و دريم مات موس ناسبني و كفره طبيعي ..
اللي ما حبيتهم ماكس فاكتر لا بودرة و لا أساس و خصوصاً البودرة الذهبية تطلع قشور بويهي و لونها املح ما حبيتها كلش..
كريم بوبا مجربته من زمان اول ما بديت بالميك آب و اظن ان الدرجة اللي كنت ماخذتها ما ناسبتني لان اللون ياي على وردي..
بودرة فور ايفر الديو مات + كانيبو حيل روووعة و أحبهم ..
اللي حاطتهم في بالي و آبي اجربهم ارماني + شانيل + فواريفر HD
أول ما أخلص الأساسات اللي عندي باشتري واحد منهم .. و الحين بعد أشوف صايرة ضجة على كريم أساس ميشا اممم مادري و الله شكلي باشتريهم كلهم و افك عمري لوووول :eh_s(10):​

 

[عطر البوادي]

عدناااااا

7- ريميل

يهبببل وايد خفيف على البشرة

8- بورجوا

واايد حلو وتغطيته حلوه

9- لوريال

زوين التغطيه مو قويه وايد واتوقع ما يوالم البشره الدهنيه يعني لو يخلص اللي عندي ماراح آخذه مره ثانية

10 - عروس البحر وهذا موقعهم
http://www.aroos-albahar.com/aroos-albahar.com/index.aspx

ومن منتجاتهم نوبا - ديرماكول - sea ray
وكريم اساس من sea ray
حلو وخفيف عالبشرة واهم شي ريحته حلوه

 

[توفيه لاموره]

و الله الدوام انا كله اروح مستعجلة فما صلح على بشتي الا كريم الهنود السمر كيك ابو اسفنجة ثابت و الوانه حلوة

اهو الوحيد الي يناسب بشرتي لان بشرتي دهنيه جربت كلشي بس ناسبني سمر كيك
بنات منوبشرتها دهنيه وكريم ناسب ويها لان بشرتي دهنيه وفيها مسامات منو بشرتها مثلي وكريم ناسبها :eh_s(11): جربت وايد مانفعني شي غير سمر كيك

 

[اليسا بنت صنهات]

انا تونى شريت ماكس فاكتور الفاونديشن المكس
وجربته عجبني وطبيعي حيل
بس بنات ماكس فاكتور الاصلي وش صناعته ؟
لانى خايفه اللي عندي تقليد أبي أتأكد الله يعافيكم

 

[اليسا بنت صنهات]

بالنسبه للتجاربي
جربت مره من بودي شوب روعه بس اوفر شوي حق سهرات
دريم كلش ماعجبني وماناسبني
والحين ماكس فاكتور روعه قليله بحقها

 

[مهندسة مكياج]

بشرتي مختلطة وشووووي تدهن عند التي زون

للدوام والصبح والطلعة الخفيفة ------ نقاط من ديرماكول على البقع ---- ماك فكتور الي حطيتي صورته -- العصار

النتيجه تيننننننن

جربت ماكس فكتور الدائري حلو بس العصار احلى وتشربه البشره ويصير طبيعييييييي

للطلعات والسهرات ---- كريولان سوبرا كلر بدون اي شي وااااااااااااااااااااو

جربت كريولان الصبع -- الستيك حلوووووو ككونسيلر ممتاز

 

[kwait doll]

انا كريولان سوبرا كلور بس ما اكثر بشرتي ما تحتاج وايد كريم

 

[يارب احفظ عيالي]

جزاكم الله خير يابنات انا مشكلتي ازليه مع الفونديشن اشكثر جربت انواع ومايعجبني اي شي وااااااااااايد اسمع عن ديرما كول فديتكم حطوا صورته يمكن يعجبني انا حنطيه فااااااااااااتح وبشرتي جافه شوي ابي فونديشن يعطي ويهي حيويه ونظاره

 

[ام حمودي85]

انا استخدم فاونديشن اسمه laval حلووو وقل منه يكفي

 

[احلام وردة]

بنااااات
ابي تقولون لي
هذا بودرة كريمية من ميبلين
حلو ولا لافي احد جرباه
؟؟؟

وهذا بعد كونسيلر لوريال للخطوط الي تحت العين في احد جرباه ولا لا

 

[Sparkle]

لي عوده ويا كل الفاونديشنات الي عندي

 

[Q8-7saweya]

هذا وايد حلوو وناعم عالبشره

 

[q8ia7]

استي لودر دبل وير

و بوبي براون يهبل وااااااااااي "حبيبتي ام علاو الله يوفقها ويسهل عليها اهي قالتلي عنه"

 

[نظر عينـَه ..]

يعطيج العافيه والله ’ جد هالسالفه ميننه الكل
انا ماعرف اختار الي يناسبني !
وماعندي ذيج الخبره ,,
وما استخدم كريم اساس لان البودره بس كفايه ..

اولآ بشرتي بيضه مختلطه " خشمي و جبهتي دهنيين ويلمعون "
وباقي ويهي جاف مرات الى عادي ,

استخدمت بدآيه

قدييييييييم كان أوكي ’ بس يغمجني وايد
مع اني اخذ افتح شي ..

بعدها جربت هذا

كان وايد أوكي ومناسبني ’ وكانت افتح درجه جدا ممتازه علي
لكن بعد ماحفيت ويهي
صرت بيضه بشكل يخرع هههه
ولما احطه اصير ابيض .. ف استبعدته ..

الحين استخدم هذا
تغطيته حلوه ’ لكن يجفف ويهي بشكل مو طبيعيييييييي


وهالمره مفكره اجرب هذا ,,

مع البودر بعد ..
شرايكم تنصحوني ؟!