تجاربي وتجاربج مع الـــ Self Tan والــ Sun Tan ((منــو معــاي تبي أحلــى لـــــون))

[Bamya]

DalOoOoOla
خلال اسبوع يبدي يروح .. وأول ما تشوفينه بقّع سوي حمام مغربي يرجع لونج الأصلي

Om ToOoTa
مشكووووووووووووورة وايد حبيبتي على نقل تجربتج
مادري ليش كلارنس ما طاح علي لونه صرت افندية منه


@الــزيــن@
مشكووورة حبيبتي
سيلف تان البودي شوب شلووونه؟ فيه ريحة؟ ويعطي لمعة والا مطفي؟
ما جربته


Japanese
حياتي انتي
التان راح يخش لج الstrech marks ويوحد لونج
بس هذا مو علاج هذا شي لون مؤقت ولما يروح بترجعين تلاحظين الخطوط مره ثانية
عشان جذي قلت لج اذا انتي قاعدة تستخدمين كريمات طبية للماركس .. لا تسوين تان على هالمنطقة أو انج توقفين الكريمات وتسوين تان
اختر الحل الصعب يا تسافر يا تحب لووووول


أرابيل
وااااااو شوقتيني على تان loreal شكله واااايد حلو ولمعته عجبتني
ترقبوا تجربتي له _03BA:


فارسه الخيل
ليش؟ لا يطوووفج ترى صج التان يخليج تحبين شكلج


Chocolate Milk
ملا عندي الا رقم صالون يورز!!
صالون gossip ما جربته بس شفته على رفيجتي ولونها كان عجيييييب وفيه لمعه
اسعارهم تبدي من 20 24 28 32 36 حسب الردجه اللي تبينه
دزي مسج حق 1808080 باسم الصالون يدزون لج الرقم
لما تدشين تلبسين مايوه وتكشفين المناطق اللي تبين تسوين لها تان


احـــ فراشةـــلى
ليش خايفة ؟ لونج يرجع لج لا تحاتين

ملفتة للنظر
صاجه

Japanese
ناطرين النتيجة


Om ToOoTa
اي عدل هذا
في له طريقتين بالرش :

1- ترشين شوية على ريلج وتوزعين اللون بايدج عادي << مثل ما تتدهنين بكريم
النتيجة : لون طبيعي متوزع كأنج مو حاطه شي

2- ترشين على الريل كامله بس بدون ما توزعينه بايدج!!! << التوزيع يكون بالرش بس.. وتخلينه مثل ما اهو دقيقتين ينشف
النتيجة : لون وااااااضح وفيه لمعة واذا عندج أي آثار أو بقع بتتغطى عددددل


داريني
جيرلان أو شيسيدو


القطة البريئة
ماكو شي طبيعي يعطيج على gold !!
لازم منتج sun tan لانهم يحطون مع التان شوبة كريم لمعة
احسن سن تان لانكستر


أرابيل
مشكووووورة حبيبتي مجهود متعوب عليه تسلم الايادي

 

[um noora]

يابنات انا من جم يوم رحت البرجة واحس ان لوني تغير من الشمس تضايقت حدي خبركم ريلي يحب البياض بس ابي اقولكم لا تلعبون في بشرتكم عقب تتحسفون لان اللة ما عطي كل واحد الي يناسبى وهو مب مكياج بتحطينى وبيطير

 

[Miss.KSA]

هااااااااااااااااي بنات رجعت لكم بعد الشمس

بنات رحت تشمست واول خطوه سويتها اني في البيت تفركت بالليفه زين لحد ماجسمي نظف بعدين نشفت جسمي وماحطيت اي لوشن

بس حطيت على ابطي وكيعاني وركبي وجهي كريم حمايه رقم 60

ورحت للمسبح وبعدها تغطست شوي بالمسبح علشان ارطب جسمي ومسكت كريم الكاروت اللي حطيت لكم صورته بالجزر

وتدهنت فيه زين حطيته على كل جسمي وجهي وانسدحت في الشمس

بعدها سبحت شوي ورجعت حطيت طبقه ثانيه من الكوكنت اللي بجوز الهند ورجعت انسدحت بالشمس

بنات سويت حركه واكتشف شي خطير صبيت على شعري بربيكان بالشعير ودلكت فروة راسي

بنات شعري صار فاتح يجنن اللون

وبالنسبه لجسمي اللون حلوووووووووووو بس مو مره بين فيني مادري شفيني هالمره ماصبغ لأني بيضت بعد الخلطه الصابونيه بزياده

خخخخخخخخخخخخ بس صار اللون ناعم وحلو تحسون سمار برونزي خفيف ولما البس فواتح يبين علي

وابرجع اسوي تان مره ثانيه تحت الشمس علشان ازيد الدرجه شوي بس روعه هالكاروت

بس الحين ابستخدم من شركة ثانيه وحده اجنبيه امدحته لي وقالت جربيه

اسمه Coppertone Troical Blend Oil Coconut

هو سبريه وفيه انواع بس ريحته تلوع الجبد كانه زيت شعر ههههههههه

.. نوع بالجوز الهند اللي شريته ونوع بالجزر ونوع بالصبار

طبعا جوز الهند يقولون احسن شي مادري ليه ابجربه واقولكم مين احسن الكاروت اللي قبله او هو خخخخخخخخخخخخخخ <<< بايعتها هالمره

 

[q8 nono]

واااااي شوقتوني على هالصبح اسوي لي تان لوووووول

 

[rebel_fairy]

صج شوقتوني ودي الحين اروح اصبغ:eh_s(6):

 

[القطة البريئة]

بنات بسالكم شنو احسن تان جربتوه حق الويه والجسم
الي يكون لونه ذهبي فاتح يعني مو غامج واايد يكون

لاني اليوم بروح صيديله بوتس وبشتري
فماادري شنو احسن شي ولونه حلوو يكون
الي تعرف تقولي

 

[القطة البريئة]

بس يكون مولازم على الشمس !

 

[القطة البريئة]

آنا جربت كريم تان الي على شمس لونه برتغالي
بس مو من الكويت من تركيا
بس صار لوني على برتغالي مو حلوو
وريحته حنه :\

 

[القطة البريئة]

آنا جربت كريم تان الي على شمس لونه برتغالي
بس مو من الكويت من تركيا
بس صار لوني على برتغالي مو حلوو
وريحته حنه :\ مو حللو
ويصير جه مبقع مو لون واحد
فأبي كريم حلوو تان يخليج برونزي على قولد
مو لازم على الشمس اقعد
على البشره البيضه بشنو تنصحوني ؟!
لاني بروح صيديله بوتس اليوم

 

[القطة البريئة]

Guerlain selftan
وين القاها ؟!
القاها بصيديله بوتس؟!

 

[ام بنتها]

خوووش موضوع يعطييج العافيه حبووبه

انا ما جربت السيلف تان
بس سويت بصالونات وكل تجاربي فاشله


سويت بليلى هارموني حننننننننننننننننننننننننننننننننه و و كنت مسويه الغامج جفوف ايدي و اصابعي و اظافري لوووووووووعه حطيت تجربتي كامله هني
و قبل 6 أيام رحت جوسيب و دعفت 36 ديناار حق اغمج شي و يا انا مقروده مع التان يا اهم نصابين ههههههه

اول ما دشيت و بدلت و قعدت انطرها اتيلي دشيت الغرفه وشغل التلفزيون و كانوا حاطين شلون الطريقه و شسوي بتطبيق ريال و كان يوقف و يسوي الحركات عشان يصبغ الجسم كله و بعين ينزل شوي من شورته و يورينا الفرق يعني الفرق المفروض على طول يبين
اول ما دشت الفلبينيه الي بتسويلي التان جان تقول احنا الحين يغير طريقه و يسوي طريقه جديد و تقنيه جديد لون ما يبين الا بعد 6 ساعات و يغمج تدريجي كل ساعه لين 12 ساعه يالله أسبح و هذي التقنيه اليديده على قولتها ما بدوا فيها الا أمس يعني الحلوه بتجرب فيني ! ؟؟

قلت اوكي توكلي على الله بس ما تنسين مكان اكيد قالت لأ ما ننسى قلت انشالله
دخلت الغرفه و الجهاز الرشاش يصعد و ينزل و انا ادور مره وره مره جدام مره على جنب ولازم على الخط و ما اطلع يعني حد الدووخه عقب ما طلعت قالت اوقي جدام المروحه عشان ينشف 10 دقايق و طلعت و انا بقلبي اقول عسا مو ناسين مكان و ماادري الا بعد ست ساعات قمت التوهق اي ذكرت و قبل لا ابدي سألتها انتوا كنتوا بالشكر الحين التقنيه اليديده هم شكر قالت اي قلت لها اكيد قالت اكيد ماادري ليش قلب كان ناقزني لان الحنه ما تبين الا من ثاني يوم و اهي قالت ما يبين الا بعد 6 ساعات و طول ما يرشرش بجسمي وانا خايفه دفعت الفلوس و قتلها ابي الفاتوره لأنها ما كانت بتعطيني اياها و سألتها مدام بيبي موجوده قالت مسافره و ما تبي ترجع الا قبل رمضان قلت خووووش حتى اذا طلع اللون فاشل ماكو الي اروحله و اشمم ايدي بالسياره ريحتها حنه و نفس الريحه الي بصالون ليلى و اتحلطم و اقول لو مسويه بليلى ب 18 وايد اشرف على الأقل اجري اذا ناسين يعيدونه مو الحين ماادري شمهببين
انا بعد قتلها ما أبي بويهي ولا بكف ايدي و ريلي لأن تعقدت من شكلهم ب تان ليلى هارموني
و حطتلي كريم عشان المفروض ما يصبغون اول ما رديت البيت اول ما بين عليه ويهي حتى امي قالت ويهج محتقن و هذا المفروض ما يصبغ رحت الافنيوز بعد 3 ساعات و جسمي ليلحين مو مبين شي بس بالطريج لاحظت انه جفوف ايدي وحده منهم صابغه كلها و الثانيه مبقعه جنها برص و انا حدي متحطمه و امي تقول قلعتج محد يعبد رووحه خخخخخ

وحنا رادين البيت بعد خمس ساعات تقريبا بلش اللون يغمج و يصير على بني المهم انه لون سخيف و مو حلو كلش و الريييييييحه هم حنه و شممت اخوي قال حنه و امس حنه و بنات خالتي هم قالو حنه

يعني الخلاصه انهم سوو دعايه اول شي و شهروا رووحهم بأنهم يستخدمون الشكر و على حظي باليوم الي رحت فيه الظاهر انه غيروا التقنيه و سووها بدال الشكر حنه و الله اعلم
بس فااااااااشل و مستوا مال ليلى و بعد عندي ليلى وايد احلى اللون و ظل اكثر
اللون رااح والحين ايدي مبقعه و جنها فيها نمش
بالظبط نفس الي صاري بصالون ليلى

هذي تجاربي مع التان الفاشل

 

[القطة البريئة]

اهم شي ان محد رد علي
كككككككككككككككككككك !

يلا خوو

 

[(رينا)]

ودي اسوي تان

 

[(رينا)]

بس ابي اسبوعين ويروح واهم شي لمعه الجسم بلييييز
بنات انا شفت لبنانيه مسويه تان ولما سالتها قالتلي مسويته على البحر وحطت بيبي اويل الوردي وكريم نسيت شسمه باالجزر بمركز السلطان
شوقني لونها اسويه بس انا فاتحه وفيني الوان يعني رقبتي لون وايديني لون وركبي لووون واانا جاااف جسمي يلحلي والا لا وابيي حده اسبوعين وارد للوني الطبيعي يصير والا لا بليز ابي رد موتنطشون لاني بتهور وخلااااااااص بسويه

 

[بنونة مكة]

نفسي اسوي تان للعيد

 

[~Unreachable]

عاد اليوم انا وبنت خالتي نسولف عن التان

بقولها تقرى هالموضوع :d

يششششششوق !

 

[شـهد]

كريمات اولاي تتش اوف سن .. اضغطي هنا

 

[شـهد]

اللي لونهم حنطي تقريبا تقريبا مثل : لمياء طارق ,شجون الهاجري , سلمى حايك , فانيسا اللي بدعاية نيتروجينا وفلم هاي سكول ...


ويبون لمعة ذهبية , يصلح يسوون تان , ولا وش يستخدمون ؟

 

[Miss.KSA]

افضل سلف تان دايم نستخدمه انا واختي من Clarins 6SPF

هذا بدون حمايه



وهذا بحمايه 6SPF



ماخذ جائزه افضل مبيعاً في العالم وفعلا حلوووووووووووووو

بس خذي اللوشن اللي لونه ابيض من داخل افضل من اللي لونه بني

تتدهنين فيه فوق البكيني وجلسي نص ساعه بغرفتك وبتشوفين اللون يقلب يجنننننننننننن والحلو فيه اذا راح مايبقع في الجسم مثل البهق

لأنه جربنا ديور وجربنا اشياء ثانيه اذا حطيتها على الجسم تقعد يومين ومع السبوح يبتدي يبقع يفشل يصير مثل البهق

لكن كلرنس هذا روعه تحطينه على جسمك مثل اللوشن العادي ويمسك على الجسم ويجلس اسبوع ونص واذا جاء يروح يروح كله مايبقع

على فكره بنات هذا الحلو فيه بعد انه ممكن تحطينه وتتعرضين للشمس لو تبين يصير اغمق يعني تضربين عصفورين بحجر

 

[Miss.KSA]

بس ابي اسبوعين ويروح واهم شي لمعه الجسم بلييييز
بنات انا شفت لبنانيه مسويه تان ولما سالتها قالتلي مسويته على البحر وحطت بيبي اويل الوردي وكريم نسيت شسمه باالجزر بمركز السلطان
شوقني لونها اسويه بس انا فاتحه وفيني الوان يعني رقبتي لون وايديني لون وركبي لووون واانا جاااف جسمي يلحلي والا لا وابيي حده اسبوعين وارد للوني الطبيعي يصير والا لا بليز ابي رد موتنطشون لاني بتهور وخلااااااااص بسويه

بتتهورين تهوري بس الا البيبي اويل انتبهي منه اصلا البيبي اويل لو تستخدمينه لحاله يوميا وانتي في البيت تسودين

شلون لو تتعرضين للشمس والله تنصلخين

استخدمي منتجات التان اويل لحالها لاتحطين بيبي اويل معاها انتبهي نصيحه لوجه الله

واذا تبين شي فيه لمعه ويعطي لون حلو ويروح لو توهقتي فيه عندك كلارنس روعه اللي حطيت صورته

هذا حلو تقدرين تحطينه ويقعد اسبوع ونص ويروح ولو تتفركين اليوم الثاني بالصابون يخف ويروح

جربيه اذا ودك بس انتبهي من بيبي اويل انتبهي