تجربتي بالبرياني الربيان للعضو : فراوله

[أمـ مبارك]

السلام عليكم ورحمه الله وبركاته
اليوم غداي برياني ربيان واخذته من قسم الاطباق الرئيسيه للفراوله



1- نقعت العيش لمده نص ساعه وبعدها شخلته وحطيت معاه شوي اشبنت

2- غسلت الربيان ونظفته وشلت ذيله وبعدها نقعته بكوب ماي وملح وبهارات السمج وفلفل اسود وكمون وبصل وثوم والتنقيعه لي مده نص ساعه وبعدها فوحته ولمن غلي حطيت معاه بقدونس وخليته يطبخ شويه وصكرته

3 - سيحت زبده و نقعت زعفران بماي دافي وماي ورد قليل وحمست بصل وبطاط للتزين

4- سويت دقوس عادي وحطيت داخلها من مروق الربيان ...


5- اخذت العيش وسويته طبقات عيش وفوقه ربيان شوي ومرقه الربيان شوي وفوقه منقوع الزعفران شوي وبعدها عيش ونفس الطريقه وبالاخر صبيت الزبده وحطيت الجدر على النار يطبخ شوي
وطبعا حطيت قصدير علئ الجدر


وبالاخير هذا طبقي ترئ نسيت اصوره من الجوع ومن الريحه الشهيه
وماشاء الله الطبخه كانت من اجمل ماتذوقت والله يعطيج العافيه يافراوله

وهذا العنوان للموضوع
http://www.q8yat.com/t837135.html

 

[أمـ مبارك]

وه وه وه حجم الصوووور يفشل بس من ايباااد ترئ

 

[شروق &]

تسلم ايدينك

 

[ABEER FLOWER]

تسلم الأيـااااااااااادي

: )

 

[Joo00ry]

يعطيج العافيه وتسلم ايدج

 

[فـراوله]

حبيبتي عليكم بألف عافيه


​