تجربتي (بالصور) لمنتجات استفدت منها (للوجه + الكوع ).. تفضلــــوا ..

[عاشقة الدوحة]

السلام عليكم و رحمة الله وبركاته​

شخباركم بنات .. ان شالله بصحة وعافية يا رب​

مثل ما انا استفدت من مواضيعكم وتجاربكم في هالمنتدى ،، حابة إني افيدكم بإذن الله باللي اعرفه .. والله الشاهد مب قصدي اسوي دعاية ..​

بداية أحب أقولكم اني انا مثل وايد بنات يعانون من حب الشباب والبشرة الدهنية والبقع و الحفر ..​

جربت أمور كثيرة ما راح اعور راسكم واقولكم مسيرتي في علاج حب الشباب ..​

المهم .. في هالموضوع بحط بعض العلاجات اللي نفعتني ..​

** ملاحظة مهمة .. كل كورس كنت اتعالج فيه كنت استخدم عدة اشياء مع بعض عشان تعطيني في النهاية النتيجة .. يعني مثلا : كنت ابلع حبوب + مرهم للنهار + مرهم لليل + خلطة قبل النوم + صابون ... فهمتوا ؟؟ وكل كورس شكل ..​

لكن انا بقولكم الاشيا اللي فعلا حسيت بنتيجة حلوة منها ،، و باختصار عشان ما تملون وان شالله تستفيدون ...​

** ملاحظة ثانية : بالنسبة للحفر والمسام ما لقيت لها حل بالكريمات ،، بس ان شالله اذا الله يسر لي بعالج المسام بالليزر في وقتٍ ما .. الله أعلم متى ....​

********************************************​

بالنسبة للوجه : (( الصابون )) :​

أنا بصراحة احب الصابون وايد ^^ لاني احب ان تكون بشرتي نظيفة ، ودوم ابي شي ينظف بعمق لان بشرتي دهنية فجربت انواع كثيرة ، النوع اللي حبيته وفادني وينظف بعمق​

Avene ( بقولكم سعره للي حابه تعرف تقريبا 80 ريال ) J​

​

واذا بغيت تنظيف بسيط استخدم صابون جونسون للاطفال العادي​

​

+​

جربت صابون من ماركة كنيبو STEP 2 بعد عجبني وتنظيفه حلو ..​

***********​

(( بالنسبة لحب الشباب )) :-​

1- جربت لوشن اذكر قالت لي الدكتورة استخدمه في النهار​

على الحبة بس ،، و استفدت وكنت استخدمه مع صابون Avene وفادني الصراحة وايد​

​

بعد فتــــــــــرة ،، جربت بعد مراهم كثيرة غير بس بقولكم عن اللي اشوف ان صج يستحق اتكلم عنه في موضوعي :D هع​

طيب ..​

2- مرهم احطه على الحبة بس، و ليلا ،، وقالي الدكتور انه مثل دوا الريكوتان بس على شكل مرهم ،، طبعا أداءه مش بالضبط مثله ،، شوي اقل .. اسمه ISOTREX سعره تقريبا 38 ريال ..​

​

الصراحة وايد زين حق الحبوب ..​

( للعلم ) تعالجت بدوا الريكوتان واستفدت وايد الحمدلله لكن رجعت لي الحبوب شوي بعد فترة طويلة نوعا ما ..قالي الدكتور يمكن كان المفروض اخذ حبتين باليوم.. وما ودي ارجع اخذ ..​

3- خلطة كتبها لي الدكتور احطها على وجهي كله قبل ما انام ،، ويمكن هالخلطة معروفة وايد لان وايد دكاترة يستخدمونه ويمكن كثير منكم يعرفها ...​

​

رتنA+ الفاكورت علبتين + فيديكوين ( وهو كريم تفتيح بشرة )​

طبعا الخلطة حلوة .. تقشر وتعالج الحبوب وتفتح لون البشرة شوي ...​

4- خواتي وحبيباتي ^_^ ذوات البشرة ( الجافة ) .. مرت علي فترة بشرتي صارت فجأة جااافة وايد وخشنة يمكن لاني استخدمت مكياج وما كنت منظفة الاسفنجة عدل مدل وحطيت كريم تقشير وماذكر بعد شنو ،، او يمكن غلسلت ويهي بصابون عادي وما كان نظيف .. المهم مادري ليش صارت فجأة جافة على حساسة .. استخدمت كريم مرطب حق اختي .. وهذي صورته من النت .. شرته اختي بتقريبا 40 ريال .. Vitaminized Ointment​

​

حطيته لمدة 3 ايام وتحسنت بشرتي الحمدلله .. ورجعت عادية .. مكتوب انه يحتوي على فيتامين A + E + D​

اذا تبون بعد بصور لكم الكريم اللي عندي ...​

5- بالنسبة للمنتجات التجميلية .... استفدت من شغلتين من ماركة كنيبــو .. مثل ما قلت لكم في بداية الموضوع الصابون step 2 ، والشي الثاني مزيل الميك اب جل بالحبيبات .. وهذي صورته​

​

وسعره شوي غالي 225 ريال ..​

والصراحة اللي ما عندها وايد مشاكل ببشرتها وتحب تستمع ببشرة نظيفة مثلي .. ممكن تستخدم هالمنتجين بس مزيل الميك اب ثم الصابون .. وايد حلو ، ​

بتحسين بشرتج نظيفة وشوي شوي ممكن يخف الحرار بعد .. انا بصراحة احب اهتم بنظافة البشرة اكثر من المكياج ,,, مع ان فيني احيانا آثار وبقع ،، بس ما استخدم المكياج وايد احب بشرتي تكون نظيفة ...​

************************​

(( الكووووووع ))>> أدري عقدة وايد بنات ..​

انا بصراحة استخدمت مرهم ( كتبه لي دكتور الجلد ) فهمتوا .. يعني ما شريته بروحي ..​

بس افهموا سالفتي عدل عشان أبري ذمتي .. المرهم قوي شوي ودهني وايد ،، قوامه مثل الفازلين وشوي أخس :S ... بس انا استخدمته الحمدلله ما ضرني ...​

رحت للدكتور وكان الكوع عندي فيه جفاف شديييد وكان مسود :S .. وسألني الدكتور عندج حد بالعيلة فيه صدفية وقلت له عمي كان فيه .. ​

المهم قالي ممكن يكون بداية صدفية .. المهم كان مسود وايد مب طبيعي .. فهمتوا ؟ يعني يمكن مب السواد العادي اللي فيكم ( احس انكم تخيلتوه فحم ههههههههههههههههههه )​

المهم .. كتب لي مرهم استخدمته شهر يوميا قبل ما انام احطه وانام ،، ​

مع ان كأن الدكتور قالي نص ساعة كفاية قبل الشور .. المهم .. والله يا بنات ما شاء الله رجع مثل قبل ( واحسن ) البنات رفيجاتي انتبهوا قبلي .. ​

كوعي ابيض وصار مثل لون بشرتي العادية ما شاء الله لا قوة الا بالله ..​

وانتبهوااااا .. بليز لحد يقولي ممكن استخدمه للمنطقة الحساسة ولا الابط ولا الويه .. انا مب دكتورة وماعتقد يصير ..​

اانا جربت للكوع وجربت بعد للركب لاني صار عندي بعد مثل الصدفية بالركب .. وكتبه لي الدكتور ..​

هذي صورته ..​

​

ديبروساليك ...​

######################################​

في النهاية .. هذي تجاربي باختصار .. ان شالله تستفيدون منها ..​

فما كان من صواب فمن الله .. وما كان من خطأ فمن نفسي والشيطان ..​

مابي منكم غير دعوات حلوة J .. بالتوفيق والزوج الصالح ^^ آمين ..​

واذا عندكم أي استفسار .. حياكم الله ...​

 

[انثى عاشقة]

الله يوفقك ويرزقك بالزوج الصاااااااااالح عاجل غير آجل
حلوة اغراضج وعنايتج
تتهنين فيهم ياقمرررر​

 

[بـربـوشـآ]

اممممممممممم

حلوه عنآيتج |||

الله يتمم عليج بكل خير .. . . ..

 

[عاشقة الدوحة]

الله يوفقك ويرزقك بالزوج الصاااااااااالح عاجل غير آجل

حلوة اغراضج وعنايتج

تتهنين فيهم ياقمرررر​

آآميين
مشكورة الغالية على المرور
جزاج الله خير ..

اممممممممممم << اذا في خاطرج شي قوليه عادي
حلوه عنآيتج |||

الله يتمم عليج بكل خير .. . . ..

آمين .. مشكورة الغالية على المرور الطيب ..

 

[a7вĸ мσσστ]

الله يعطيك العافية
ويوفقك ويرزقك بالزوج الصالح

 

[ام الغالين]

مشكوووره حبيبتي

 

[فدوووو]

مشكورة حياتي

وربي يوفقك ويرزقك الزوج الصالح ويرزقك اللي تتمنينه عاجلا غير اجل

 

[al39laa]

مشكوووووره حبيبتي :**

تهقيين استخدمه حق ركبي يفتحه ولا بس حق الصدفيه هذا

 

[velvet rose]

يعطــيج العافيه حبيبتي على هالموضوع المفيد
وبروح اشتري مرهم الاكواع والركب لانهم من فتره طويله جافيين ومسوديين
وحاولت استعملت كل شئ بس مانفع

 

[كيفي كيوت]

يعطيج العافيه ياقمر

 

[strawberryia]

مشكوووره وصج حبوب الروكتان انا استخدمتهم 6 اشهر وفادتني حق الحبوب حييييييييييييييييييييييييل والدكتور قالي تبين ما يردلج الحبوب استخدمي كريم او جل ديفرين والحمدللله لي يومج ما فيني حبوب تطلعلي
اما بالنسبه للحفر والمسام الدكتور قالي مافي كرييييييييييييم يوخرهم الا ..... اللييييييييييييزر
وللاثار لحد الان ما لقيت لهم علاج وان شاء الله القى ومشكووووووووووووووره

 

[miss angel]

بالعافية حبيبتي والله يوفقج ويرزقج بالزوج الصالح

 

[..~Goolz]

جزاج الله خير وموفقه قلبي

 

[reem alflla]

كل شي يبيله خلق واستمرار وانا ام هبه
يعطيج العافيه على مجهودج خيتوو ​

 

[noo77noo]

يعطيــــــج العافيــــــه​

 

[&موناليزا&]

مشكورة حبيبتي

 

[عاشقة الاسلام]

ممممممشكوره حبيبتي

 

[رقـة الاحسـآس]

مشكوووره

بالنسبه لمرهم الكوع انا عندي حساسيه فكوع واحد و رحت لدكتوره جلديه ووصفتلي اياه + كريم مرطب + شاور جل
بس انا قالتلي استخدمه مرتين فاليوم لمده اسبوعين بس شددت ع سالفه الاسبوعين خخخ
وتوني باديه من كم يوم
استانست انه نفعج
لان هالحساسيه مازمتني من زمااااان وما نفعني شي وغير جذي عندي كوع اوك وكوع لا متبرين من بعض هههههههه


يزاج الله خير

 

[آنهار]

جزاج الله خير وربي يرزقج بالزوج الصالح يارب

 

[مزيونــــة مطير]

يعطيك الف عافية ماقصرتي