نفعني
بس طلع لازم التزام مدة 3 شهور وهو ما علمني من اول ما جيته انه لازم 3 شهور واستغربت لما قال اخر مره جيته 3 شهور
يقول الحفر علاجها يبي وقت وصبر وعلاجها بطئ
الدكتور ماكان واضح معاي كل مره كان يقول اول مره
سوي 3 او 4 جلسات مع السستر كل اسبوع بعدين تعالي اشوف النتيجه عليج
واقولج تكملين والا توقفين وارجع له يشوفني ويقول سوي 4 جلسات ثانيه لحد ما
سويت يمكن 8 او 9 جلسات
وقال بعد جنه سوي 3 او 4 جلسات اخرى
يعني باقي شهر عشان تخلص مدة العلاج
وانا خلصت شهرين تقريبا كل اسبوع جلسة تقشير قيمة الجلسه الوحده20دك
فماقدرت اكمل الشهر الاخير لاسباب ماديه ماكنت حاسبه حسابي هالمدة الطويله
الحفر اثناء مدة العلاج مختفيه وبشرتي كانت روعه وتلمع لمعه حلوه حيل صرت جميله والكل يقولي صايره حلوه
بس الحين صارلي يمكن شهرين قاطعه او اكثر
رد وجهي شوي نفس ماكان بس الحفر والمسامات اخف ومو واضحه نفس قبل
شريت حاليا جل من شركة تلي سين صناعته اسبانيه اسمه ديرمونو ابي اجربه شفت دعايته بالتلفزيون وبحثت عنه بقوقل وان شاء الله خير
