تجربتي في اول اسبوع من رجيم اسامة حمدي ونزول الوزن

[جدايل]

وهل ينفع للكل يسويه
وانا سمعت انه يظعف حييييل وبنفس الوقت يحت الشعر
والله احترنا

 

[english muffin]

كل الرجيمات يحتون الشعر
وانا مالاحظت الفرق يمكن لان اوردي شعري يحت لوول
وهو مكتوب ينفع للي مافيهم امراض
نفس كولسترول و ضغط وسكر

 

[جدايل]

ممكن اعرف وين عنوانه ورقم تلفونه

 

[english muffin]

ما اعرف
انا من النت طلعت كتابه والرجيم

 

[Heaven Light]

واي انقلش مافن حسافة عليج .. حتى بعد العملية متنتي ؟


الله يضعفج ويضعفني بصحة وعافية يارب ..

 

[english muffin]

ايييي حملت ومتنت حتى بنت عمتي بالضبط نفس حالتي

 

[almulla_11]

السلام عليكم فعلا ريجيم عجيب وينزل الوزن
انا شارية كتابة من مكتبة العجيري .

 

[LoOoLY-]

الف مبروك على نزولج وان شاء الله تنزلين للوزن الي تبينه ..

انا ببكره ببدا فيه شرايكم بنات نسوي قروب على الواتس اب او هنـآ ونحمس بعض

وان شاء الله الكل يضعف ..

 

[Lena]

خوورافي الريجيم هاذا انا عملته قبل سنتين لمده اسبوعين و نحفت 10 كيلو
بس كل اللي كانو يشوفوني يحلفو اني نازله بالميت 20 كيلو .. اكثر شي ينزل المقاسات
و يبين بسرعه لأنو يحرق الدهون مو العضل زي باقي الريجيمات .. و لمن تنزلي كيلو من الدهون
شكلا بتكوني كأنك نازله 3 كيلو .. بس نصيحه اشربي موياا بكثره .. أنا كنت اشرب لترين لـ لترين و نص
و اخذ مكملات غذائيه و لا يطيح الشعر و لايخرب البشره و الرياضه كنت امشي ساعه الصباح
و قبل انام اعمل تمارين لمده عشرين دقيقه .. و الحمد و الشكر لك يالله

 

[english muffin]

^^^
عاد ما اشرب ماي وايد بعكس عادتي مادري ليش اتكيسل

و صح يبين بالشكل بس انا حوضي وايد متين وفخوذي ولحين ماخفو
بس من فوق انمسحت رديت نفس قبل ضعيفة

 

[Lena]

اهم خطوتين لنجاح الريجيم .. تشربي مويا كثيييير و لا كيف بتنزل الدهون اللي احرقتيها؟
و برضو رياضه لو نص ساعه بس توصلي لدرجه التعب .. سوي تمارين للأفخاذ و المنطقه
السفليه دامو هيا المشكله عندك

 

[شيخه***البنات]

انتي نفسي بالضبط .. انا بأول حمله كنت 60 وصرت اخر الحمال 94 ..

بعد الولاده 88 بعدين نزلت برجيمات ليمن 70 ..

والحين حامل والوزن بالعلاااالي الله يستر ..

 

[ريم مزيونة 1996]

انا ابي ابدي معج عادي ؟

 

[english muffin]

شيخة
وااااااي وحووووش مب بنات لووول
الله يقومج بالسلامة


ريم
اكيد عادي حبيبتي بس انا الحين باخر اسبوع

 

[[ N O R A H ]]

انا دايم اخفف بس اذا ثبت وزني اسويه بس يومين ويتحرك وزني خخخ

الحلو فيه انه مايجوع ومنوع بس بصراحه حامت جبدي من البيض اخر شي بصيرلكم دجاجه هاههاااي

 

[لك الحمد ربي]

جزاك الله كل خير ببدا فيه ان شاء الله

 

[english muffin]

اي عاد تخيلو اني للحين مازهقت من البيض هههههههههههههههه لحين احبه
زوجي من اول اسبوع وقف البيض وصار ماياكله

 

[Madrideya ~]

انا يجربه من يوم السبت لأني حاليا ماشيه برجيم السواءل
كلامكم شجعني حيل بس اللي خايفه منه انه كيميائي ووايد ناس حذروا منه لانه تردينه دبل !
بس اللي مسويه من جم شهر رجيم مثلي يعني ومستمره الحمدالله والحين بتبدي فيه ينزل معاها نزله قويه !!! لان اللي اول مره تسوي دايت تنزل نزله قويه بحكم أن الجسم مصدوم لووول بس اللي من فتره تسوي دايت مع الأيام يصير النزول بطيء مهما كان الرجيم قاسي وفعلا هالكلام صحيح لأني ملاحظه هالشي بنزولي اول الأسابيع كان سريع والحين كل ماله يبطيء

بس تعتقدون أني لو بديت بهذا الدايت انزل نزله قويه !! وشسمونه انا كسوله أسوي رياضة ٢-٣ مرات بالأسبوع ينفع ولا لازم كل يوم مع هالرجيم !!


سوري حيل كثرت أساله

 

[english muffin]

جوفي انا ما اسوي رياضة بس بداية الرجيم كنت مشتطة وامشي و وقفت ههههههههههه بس وايد اتحرك

وبقول لج
بنت عمتي سوته شهر نزلت 25 كيلو و تمت سنة كاملة ماردت الوزن تقول لي كنت اتغدا واتعشى عيش بعد الرجيم ومارجع وزني

 

[دلال كووول]

جزاج الله خير​