تجربتي مع الرجيم ونزول 20 كيلو من وزني

[ام سلمان 2007]

مرحبا خواتي الصراحه هذي اول مره اشترك فيها بمنتدي بس حبيت افيدكم بتجربتي مع الرجيم وإلي خسرت فيها 20 كيلو من وزني من 91 الى 71 وانا مستمره انشالله لمن اوصل للوزن إلي يناسب طولي بجيت وفرحت وزهقت بس إلي وقف معاي وساعدني وساندي الاراده الاراده القويه وبس لأن مافي دكتور ولا اي نظام غذائي أو حبوب أو اي نوع ادويه ممكن تنزل من وزنج إذا ماكان عندج إراده وصبر ودايما قولي حق نفسج إن الاكل ومغرياته موجوده على طول بس الصحه مو موجوده على طول الصراحه الرشاقه ثقه كافي الحين لمن اروح السوق وادخل اي محل ألاقي هدوم كبري قبل كنت ادور محلات يكون عندهم مقاسات عمالقه لا وحتى لمن البسه مو حلو علي كافي لمن أروح قعدت حريم اشوفهم منصدمين من التغيير إلي صارلي كافي لمن تيني وحده وتقولي والله ماعرفتج المتن كان مكبرج ألحين بين عمرج الحقيقي ياجماعه والله الرشاقه صحه وثقه بالنفس مو طبيعيه ،،، بس عندي سؤال في الاخير حق الخوات إلي يتبعون رجيم مع يوم مفتوح بالاسبوع انا اخليها وجبه وحده بالاسبوع يعني مو طول اليوم بس الصراحه اليوم هذا من هالاسبوع زدت في الاكل شوي وضميري مأنبني وخايفه يخترب رجيمي وخاصتا ان نزولي صاير بطيئ في الفتره الاخيره مع إني شربت شاي اعشاب رويال في نفس اليوم فيريت تفيدوني بردودكم الطيبه وإلي أكيد تهمني،،،،، وشكرا

 

[speed]

أعرف هل شعور مبروك حبيبتي استمري والله يتمم عليج ان شاءالله

 

[*سويسرول*]

الف الف مبرووووووووك النزول والله يثبتج يااااارب
وادعيلي انزل انا بعد واصير رشيقه

 

[الفخر كله]

الف الف الف الف الف مبروك النزول
وعسى ربي يقوي ارادتج
ويوصلج للهدف المطلوب

 

[الفدنه]

الف مبروك
والله يتمم لج حبيبتي

 

[عنيّد]

اول شي الف الف مبروك وربي يتمم عليج انشالله

بالنسبه للوجبه الفري ، حطي ببالج انج ماتوزنين الا عقبها بأربع أيام
أنا عند د.عبدالله المطوع ، وكان محرّص علي ان وجبتي الفري تكون قبل أربع أيام من مراجعتي عشان لا يبين أثرها بالميزان
واختي تراجع عند د.بدر نصرالله ومعطيها وجبه فري ولكن بنفس يوم المراجعه بعد الميزان عشان لا يأثر على الوزن

فلا تحاتين ، لو بتشربين قلاصين ماي وبتوزنين عقبهم بتلقين وزنج زايد :>
هالشي طبيعي ، كملي ولا تخلين الوسواس بدمج ....... ربي يوفقج

 

[عجايب00]

مبروك عليج وعقبال الوزن المثالي بس شنو ريجيمج

 

[ضناني الشوووق]

مبروك وانشاء الله تضلين طول عمرك رشيقه
وبصحه وعافيه

 

[@ Om Ali @]

مبروك


وان شاءالله توصلين للوزن المثالي وانتي بصحة وعافية

 

[عسووولة]

شنو رجيمج؟؟

 

[ام سلمان 2007]

مشكورين حبايبي على تشجيعكم والله يبارك فيكم وبانسبه حق نظامي في اول شهر كان النظام كله لحوم بدون نشويات وعادي المقلي يعني مو شرط يكون مشوي والعشا خفيف سلطه أو حبتين فاكهه ولاتنسون زبادي اكتيفيا طبعا هذا يومي بعد وجبة الغدا ومع بدايه الشهر الثاني بدات ادخل نص خبزه في النظام لأني الصراحه زهقت والخبز بالنسبالي ضروري وطبعا المشي كل يوم ساعه ماعدى ايام الخميس والجمعه واهي ايام الزوارات ومايكون عندي وقت واتمنالكم التوفيق ‘‘‘‘

 

[ام عيالها الغاليين]

ميروك حبيبتي

وان شاء الله تضعفين زياده بالصحة والعافية

 

[هنااااااااااااا]

مبروك النزول حبيبتي وانشاالله تنزلين بصحه وعافيه حبوبه والله يثبت إرادتج وتوصلين للوزن اللي تبينه
والوجبه الفري آنا دايمآ أخليها أول الاسبوع أوقبل 4أيام من الميزان

 

[عمار يا كويت]

مبروك والله شجعتينا ع الاستمرار
ولتمنى انج تستمربين و تحافظين على وزنج

 

[Q8stylle]

الف الف مبرووووووووك حبيبتي
النزول والله يثبتج يااااارب
وانشاالله تنزلين بصحه وعافيه
وتوصلين للوزن المطلوب

 

[نهاية دربنا]

الف الف الف مبرررروك النزووول عقبال الوصل للوزن الطبيعي

 

[شيخه***البنات]

الف مبروك على هالنزوول ماشاءالله تبارك الرحمن ..

الله يتمم عليج بصحه و عافيه يارب ..

استمررررري ماكو احلى من الرشاقه ..

 

[ام سلمان 2007]

تسلمون حبايبي على الردود الطيبه والفال حق كل وحده تبي تضعف

 

[نورا الحلوة]

الف الف الف الف الف مبروك النزول

 

[Lonly Girl]

كلامج صح ومبروووك واهم شي الإستمرارية