تجربتي مع المقابله الشخصيه

[الريان]

هذي تجربتي مع المقابله الشخصيه لرئاسه القسم




نقاط المقابله الشخصيه مهمه جدا. اللي ذكرتها المهندسه الطموحه في موضوعها.........اتمنى ان تقرأ....

انا اتبعتها بمجملها...........وهذي تجربتي........
اول مره اتقدم لمقابله شخصيه....
تقدمت لطلب لوظيفه رئيس قسم في قطاع غير قطاعنا........الوظيفه فنيه واداريه في نفس الوقت......
شروط الوظيفه تنطبق علي قانونا...سنوات الخبرة والشهادات والدورات ...........
جمعت المعلومات اللازمه عن مجال العمل واهم الاعمال الاداريه اللي تتم في القسم......
ودونتها في نقاط للسهوله الحفظ...وحتى تكون الامور تلقائيه.....
نادوني للمقابله بعد شهرين من التسجيل.....ولكن نادوني قبل موعد المقابله ب 10 دقايق فقط
لاحظوا ان دوامي الاساسي في الشويخ والمقابله في الخالديه....
وهذا دليل واضح انهم ما يبوني...مختارين احد ثاني بس عشان ما احاججهم قانونا_الشروط منطبقه علي تماما_
وانا عندي خبر انهم عطوا تبليغ للي يبونهم قبلها بيوم....حتى لما بلغوني ما قالوا لي وين مكان المقابله بالضبط...اي ادارة بالضبط يعني مكتب المدير العام ولا المدير العادي ولا مكتب المراقب.....وكل واحد في جهه بروحه ... عشان ما احضر للمقابله...
المهم ....استأذنت من دوامي...والمدير عاتبني وقال لي انتي المفروض مبلغتني من امس والمفروض عندج خبر ,وشسوي اذا قبلوج ,ومكانج راح يفضى,
ورديت عليه وقلت له ماراح يقبلوني هذي حركات لجان معروفه ,مبلغين قبلها بعشر دقايق بس .دقوا علي 9,20 والمقابله 9,30 صباحا.......
تصدقون بنات حتى ما قالي بالتوفيق .....اهم شي عنده الشغل...
وطلعت للمقابله.......وانا داخل نفسي اقول انها تجربه استفيد منها للجايات.
حتى لو اتاخرت...........تجربه ازيد فيها خبرتي........
حست شويه في المنطقه والله نزل علي هدوء-يمكن عشان ادري اني خارج المنافسه-
لقيت مكان المقابله.....
دخلوني اول وحدة..مع انه في قبلي ناس...دخلت طبيعي وسلمت عليهم ....ما اعرف الا واحد فيهم.....
سألوني كل واحد سؤال .... (4 )اشخاص والسؤال التقليدي عرفيني بنفسج (الاسم ,المؤهل, الخبره ,مجال العمل,الشهادات الدورات)
السؤال الاول كان شغله اداريه بمجال العمل ......عادي جاوبت
السؤال الثاني عن تقويم الكفاءه عادي ناقشت فيه بمنظوري للتقويم والموظف لازم اعطيه تنبيه دوري مو بس وقت التقويم من واجبي متابعته وتنبيه بطريقه مباشره وغير مباشره.وتشجيعه وزياده كفاءته..ومن هالحجي....
السؤال الثالث كيف يكون يومج كرئيسه قسم ...................هذى سؤال توهقت فيه على قولتهم السهل الممتنع...........
بس جاوبت بضحك وقلت اهم شي ابصم (احنا نظام بصمه لمتابعه الدوام) تفاجأو بردي وشفت النظرة المحتارة بوجوهم وقلت عادي ابدأ يومي بالبصمه اثبت حضوري واشوف جدول اعمالي واكمل الاعمال الغير منتهيه واذا في مجال اكملها......صراحه بيني وبين نفسي توهقت بالسؤال...
السؤال الرابع .عندج مشروع كيف تنفذينه ...جاوبت حسب خبرتي...ماشي حال السؤال...
كنت جايبه معاي شهادات تقدير وشهادات دورات اخذتها....
قالوا لي قواج الله انتهت المقابله.....
سألتهم بضحك انا جايبه معاي سيرتي الذاتيه تبون تقرونها .....وسألنوني شنو اهيا ....قلتهم شهادات تقدير من مديري الحالي....قالوا لي لا ما يحتاج...(انا كنت متعمده هالحركه عشان اعلمهم اني مهمه وقديره بمكان عملي ...) وبعدين عرفت ان هالحركه زادت رصيدي بالدرجات ......
المهم طلعت من المقابله ........ورديت لمكان عملي واكملت اليوم عادي........
عرفت بعدها بوقت اني انا الثانيه وللحين اهم محتارين منوا يختارون....
المتقدمين كانوا كلهم اكثر مني سنوات خبره و وجوه معروفه عندهم في الادارة وعارفين شغلهم الا انا.وبعضهم عندة وااااسطه...
ثقتي بنفسي وهدوئي بوقت المقابله وردودي للاسئله , و نتيجه بحثي عن اهم نقاط التي تخدم المقابله
هي اللي نفعتني.....
حتى كتابتي للموضوع ماعرفت النتيجه بس مو مهم اهم شي اني كسبت خبرة عشان للمقابلا ت القادمه
وعسى الله يوفقني وانتم وياي ..........آمين:yaaaaaarb:
ودمتم سالمين

 

[أعرف قدر نفسي]

والله برافو عليك
الله يوفقج

 

[طويلة البال]

يارب ان كان فيه خير ..يقبلووونج...

موفقه يارب..


وعاد ننطر العشا..

 

[قهوة برية]

عسى ربي يسهل امورج وتقبلين بالوظيفة ان جان فيها خير لج وللمراجعين ...

لأنها امانه هالمسئولية وتسألين عنها عند رب العباد

وعسى فالج التوفيق

وها ع قولة العووووووبه لاتنسنينا من العشا

وقبلها بلغينا لاتمت الموافقه حتى نقدم لج التهاني يالغالية

بالتوفيق

 

[موتي ولادمعه امي]

الله يوفقج حبيبتي ويسهل امورج كلها ((آآآآآآمين)))

 

[ريماا]

الله يوفقج ويقبلونج ان شالله

 

[يابختي]

ان شاء المنصب من نصيبج...
عاد صار لي فترة افكر..شلون تكون المقابلة..متشوقة اعرف..ودي بمنصب

 

[عسله*]

عسى الله يوفقج ويهنيج



وهالامور عاديه لازم يسونها في المقابلات


ويحاولون يستفزون بعد



بس الحمد الله



اذا الله كاتبلج رئاسه القسم بتخاذينها بتاخذينها




موفقه ان شاء الله

 

[حناينq8]

الله يكتب لج اللي فيه الخير

 

[NoWay2know]

الله يسهل أمورج كلها انشالله
ويوفقج وينولج اللي في بالج

موفقه

 

[ودي***أفرح]

بالتوفيق أختى وإن شاءالله تحصلين على المنصب المرمووووووووق .

 

[حور العيون]

الله يسهل عليج
وبتوفيق

 

[الريان]

مشكورين بنات على المرور ............وابشروا بالعشا الانترنتي اذا اقبلوني..........
بس ليما هذي اللحظه ما اعلنوا النتيجه