تجربتي مع تركيا

[meme_alq8]

نصيحه تركياااا لحد يروح لهااااا
صج طبيعه وجو وبس!!
شرينا شغلااات بلهبل مواعين وشغلات للبيت ولما ردينا الكويت كل شي بلاسواق الشعبيه!!! وارخص من تركيا بعد
والله ماكو امااان وديره رااايحه فيهااا
والشعب وصخ ولا يحترم المسلمين ومن يشوفون عرب يضحكون عليهم واستهزاء وغير رفع الاسعااار وحتى تكااسي بووق روحتج لسوق بس التكسي يوديج بــ5 او ان كثر 10 حق اماكن غريبه واذا اماكن ام نص ساعه 50 دينااار!!!! وانا مااباالغ صج بوورصه ارحم من اسطنبول بس جد ماااااااايسوى وكله عراقين ومصرين وسورين ماسكين مكاتب السياحه هناك<<< ذكرتوني بموااااقف مع العراقين

اللهم اني بلغت اللهم اشهد

 

[¤§ زيتونة §¤]

احنا نروح بورصة الصراحة تهبل وامان وما شفنا شي من اللي قلتو عنه .... غريبة

والمكتب اللي نتعامل وياه ما فيه ولا عراقي ولا سوري ولا اي جنسية عربية اساسا كلهم اتراك من صاحب المكتب الى السواقين


يمكن انتو فعلا مريتو بمواقف خلتكم تاخذون موقف سلبي منهم بس صج استغرب لما اقرا اللي صاير وياكم .......

احنا ما حبينا اسطنبول الا بشهر 3 يوم رحنا 4 ايام بالشتا عشان الجو روووووعة وبرد مطر ولا بالصيف مستحيل نقعد فيها لو شنوووو

عموما اللي جرب جرب واللي مو مرتاح يغير الديرة والتغيير حلو بالسفر وكل واحد له وجهة نظره ولولا اختلاف الاراء لبارت السلع



ويسلموووووووووووووووو للجميع

 

[سجى]

وأنا مع رفيقة السفر لبورصه زيتونه الغالية
ما شفنا ولا شى من سنة 96 وانا اروح لها والمكاتب كلهم من المدير للسواقين كلهم اتراك وصاروا حييل مع زوجى ويدقون علينا ويعايدونا بالاعياد ورمضان وبالعكس اللى تبى ترتاح وتحس انها سافرت تروح بورصه واحلى شارع هو شارع التى بارمك اللى كل شى فيه اللونا بارك السوق محلات اللحم والجمعيه والبقالات ووووو حتى عيالى بروحهم يروحون ويرجعون للمحمعات خصوصا زفر بلازا يقعدون فيه لليل ههههههههه
يا حليلج يا زيتونه عاشقه بورصه مثلي ههههههههههههههههههههههه

 

[Om_Ksha]

انا ابوي من السبعينات يرووح لى يومكم نروح .. وصراحه صح كلام البنات ..

احنا جيرانا جيرانا من سنين ودنيين آخر سنه طلبو علينا الشرطه !! تخيلوو

 

[amzy79]

معروفين الأتراك و معاملتهم من زمان و خصوصا مع الخليجيين للأسف مع الديره تاخذ القلب
بس مره ثانيه لما اروح و يسئلوني من وين أقولهم من باكستان لوووول

 

[دانة الروابي]

الكل يقول خساره الفلس في تركيا الحمدلله مارحت لها ولا افكر اااااااااااااااااااااابد ​

:dddds:

 

[درب السنع وينه؟]

لا انا رايحه مليون مره وودوم امدحهاا :dddds:

ووايد كويتين هناك ولك سنه يروحون لها ..

بس اضاهر اللي ماتعجبهم اضاهر اول مره يروحون لها ومايعروفون ششي

اشدعوا تمنيتك ...!!! عمرنا ما سافرنا الا تركيا ...!!! حبيبتي سافرنا لدول كثيييره وعمرنا ما تعرضنا للمواقف اللي تعرضنا لها بتركيا ...

 

[درب السنع وينه؟]

وبعين من الواضح ان راعيه الموضوع واللي حبوا تركيا واللي ماحبوها

انهم يتفقون على نفس النقطه إن بوووورصه وأهلها وايد أحسن من اسطنبووول واهلها ...

 

[خشف الشمال]

حرااااااااااااااااااااااااام عليكم ظلمتوا تركيا ...

تهبل ومطاعمها قمة بالنظافة مثل مطعم أحمدي بسطنبول على البحر ومطعم هاوس كباب بالمجمع إلي فية ساعات رولاكس

ومجمع استينيا بارك وقهوة أرماني ..

كافي مكاتب السفريات اللحين كل تذاكر تركيا فل..

تركيا غالية متلا إحنا ست أشخاص ومع السايق سبعة طلع غدانا بهاوس كباب ب 70 دينار..

نقدر نطلب من مطاعم الشاورماعلى الشارع ونوفر ونشوف خليجيين يطلبون من هالمطاعم المضروبة صراحة ما أدري شلون ما يخافون من

التسمم بس حلات السفر وناسه وعدم تفكير كم صرفت والفنادق خمس نجوم مو ابو نجمة، استطبول حلوة بقصورها ومتاحفها بس مافيها طبيعة ،الطبيعه بس بقرية اوزنجول سبحان الله رهييبة بالضبط مثل زلامسي بس الفرق المسجد إلي فيها وصوت الأذان ..

صرااااااااااااااااااحة إلي ما راح اوزنجول ماراح تركيا ....
ياحلو تركيا وهالسنه رايحيلها بحيل الله..

 

[جوري وبنفسج]

السلام عليكم

أنا تجربتي مع تركيا غير

كانت لمدة 6 أيام بس ومن سنتين

فعلاً الأسعار غالية . وفي بعض الدكاكين ينصبون بس أحنا دايم نحاسب وراهم وندقق بالحساب

مطاعمهم يعني ما عجبني أكلهم

الطبيعة حلوة بس مو مثل حلاة أوربا

بس الحمدلله تعاملهم معاي كان راقي لأنهم أستانسوا على لبسي عباءة الرأس والنقاب حسيتهم أحترموني وايد وناس كثيرة كانوا يسألوني وهم مبتسمين من أين أنتي

ترى شعب تركيا يحب الستر والدين بس حكومتهم اللي علمانية ​

 

[WHO CARES!]

احنا ما قعدنا باسطنبولقعدنا بورصه بالعكس وايد حليوين وجو بورصه حلو انا حبيتها الصراحه وباجر طيارتنا على اسطنبول بس ماراح نقعد فيها للاسباب اللي قلتوها انا شخصيا عجبتني وحرام في وايد حليووييين ما شفنا منهم شي

 

[Miss Invisible]

والله انا باجر بروح تركيا ومتشوقه اروحلها

 

[makeup story]

انا من زمان اروح تركياا وروعه ولكن بوورصه هي الاروع ويلواا اما اسطنبووول زحمممه

اما اللي يقولوون عن تعاملهم بالعكس ماشفته فييهم هالتعامل السيء اما ارتفاع الاسعاار لما يشوفونا كويتييين ممكن بالمطاعم والحدائق لان المحلاات اللي فالمجمعات مكتووبه الاسعار مافيهااا غش والمكاتب اللي نتعامل معاهم كلكهم اتراااك ولغه المستخدمه معاهم لغه الاشاره لوووووول بس تراا تونس هاللغه معاهم وقت الازمااات بتشرحيين بحييره تقعدييين تمطيين بييدج واااتر وااااتر لووووووول

بعدييين ترا تركياا مو حلوووة <<< عشان محد يروح لهااا صارة زحمه خليجييين اول نرووح لها ونااااسه نقعد بالحديقه نسولف ونسب محد داري شنقوول الحين مايمدي نتحجى الا الكل فهمناا كلهم خليجييين


وسلامتكم بس تركياا حلوووة لكن صارت غااليه الله يهدااهااا والسبه مهند ونووور

 

[بنت بابا جابر]

رفــــــــــــــــع

 

[زقرتيه_92]

حلووووه تركيا يعطيج العافيه

 

[ريمـاس]

ادري الموضوع قديم
بس حابه اعرف لانا احنا عانينا من سوء معاملتهم بالمطار بالرجعه وباسواقهم وعصبيتهم ونفسيتهم الخايسه مع ان احنا دايم مبتسمين ومحترمين نفسنا نحاول مانقول ان احنا خليجيين
بس هم اعوذ بالله كله مكشرين ومعصبين ولا ابتسامه ولا ادب حتى بالمترو والقطارات مايقمون علشان الكبير والمرأه تجلس عكس اوروبا
السؤال موظفين المطار نقدر نشتكي عليهم ؟! اذا تكلم بعنصريه عرب ماعرب ؟!هالاشكال نقدر نرد عليهم ؟ واللي تفتش ماحصلت شي تضرب بالعصا الهمجيه من ورى هذي شنسوي معها ؟!
لا ويبون ينضمون بالاتحاد الاوربي ؟! مالوم اوروبا ماتبيكم لاشكل شكل اوروبي ولا الاخلاق ولا العادات ولا الهمجيه والعصبيه والوقاحه
المشكله بلدهم حلوه:rgewrg:
اما القرويين بكل البلاد ناس طيبه حبوبين :eh_s(17):