تجربتي مع د عماد النجادة في صور ( جلسة الليزر ام500)

[ام جراح 2]

تسلمموووون يا حبايب قلبي ما قصرتو بس اهم شي البرااااطم اي الشفايف بيييض من المحتاه والخوف لووول

 

[bintq8]

واي الله يكون بعونج وكملي شصار معاج والله عورتي قلبي وويهج يضيق الخلق صار

 

[رورو الحلوه]

سلامات حبوبة و كملينلنا بعدين شصار على ويهج ؟؟؟

 

[نيلفار]

ام جراح لا تعلقينااااااااااااااا كملي خخخخخخخ

 

[ام جراح 2]

اليوم العاشر اوكيي بدا يقشر اكثر وصرت اقدر اكل وابطل حلجي وكل شي اوكي

[/url][/IMG]

بس ما سلمت من شماتت ابله ظاظا الي اهو بعلي كل مامر قال ولي جان ما راح وتميتي جذي جنج حيه قاطه يلدها شسوي فيج انا :0bee2e8d89: قلت هين بس خل يصير كل شي اوكي وانا اوريك وبلشت اعد اسلحتي واتك تك للانتقام _03BA:

 

[bintq8]

ام جراح كملي احنا وياج

 

[ام جراح 2]

:ggdw:اليوم الحدعش

لاه لاه لاه قعدت من النوم والا لا شيييييييييي عجيييييييييب وقمت اناقز بالدار والريل الحمد لله والشكر شفيج وانا اوهووووووووو وناسه وناسه شرايكم بالمفاجاه

[/url][/IMG]

[/url][/IMG]

[/url][/IMG]

 

[ام جراح 2]

باجي شوي ويصير كل شي ميه ميه

 

[يابختي]

ماشاءالله... فرقت بشرتج لا اله الا الله...

الله صبرج..انا اشوف الصور..واقول اشسوت بروحها...

متابعتج..

 

[أنفاسي دخون]

بسرررررررررررعه :RoadRunner:

لا تأخرين ناطرتش على احر من الجمر

 

[ام جراح 2]

اليوووم الخمس تعش

الحمد لله الحمد للله الويه يبرق وكل شي ميه ميه ورحت براجع عند الدكتور وتوقعت نفس اول مره معامله شبشل اي سبشل :tomato2: بس للاسف انزرعت وقعدت انطر واخرتها دخلوني علي الدكتور المصري لان الدكتور مو فاضي حاشني احباط والدكتور المصري ما قصر وغير لي العلاج وعطاني مرهم اسود ب 18 دينار نسيت اقول لكم ان المراجعات مجانيه قالي حطي منه بالليل وسالته عن الحكه الي بويهي قالي عادي لان البشره حساسه الحين وقالي اقدر اداوم بس احط كريم حمايه وكثر ما اقدر ابتعد عن الشمس لان اذا تعرضت لها بشرتي راح تحترق وعطاني رقمه وقالي اذا اي شي تبين دقي علي وزف البنتين المدحدحات الي عالرسبشن وقالهم ان اول ما ايي ادش علي طول ما انطر

وهذي صورتي باليوم 15

[/url][/IMG]

 

[موناليزا]

سلامتك يا أم جراح وانشاء ترد بشرتك أحسن من الأول بس أرجوك كملي وقولي لنا عن تجربتك وشلون أنت الحين راضية عن النتيجة أعتقد هذا الليزر هو اسمه Active FX Laser هو جديد ويقولون أنه يشيل البقع ويشد البشرة أنا ودي أسويه بس ناطره آخذ اجازة من شغلي بس أرجوك كملي وقولي لنا عن النتيجة النهائية عشان كلنا نستفيد

 

[نوى الكويت]

ياويل قلبي عليج

عسى الله يثمن تعبك بالفلوس

واي شلعتي قلبي وانا شوفج

بس الحمدالله

كملي بعد ام جراح

 

[ام جراح 2]

عقب 20 يوم تقريبا لا البقع بدت تطلع مره ثانيه والويه جنه خفق شوي ويبدا الاحباااااط:0bee2e8d89: واروح له بموعد مراجعتي مبجر ومعزمه هالمره الا ادش علي الدكتور عماد واقعد انطر وانطر وانطر من الساعه خمس ليييي الثمان واهو ما وصل :eh_s(1): جان اقول حق البنيه الي فالرسبشن مو ام نفس الثانيه المتحجبه انا : ليمتا بقعد انطر ما صارت ردت : راح يتاخر لان عنده عمليات انا : انتي من صجج صارلي ثلاث ساعات انطر بعدين تقولين لي عنده عمليات ليش ما قلتي لي من اول ردت : ما بعرف فكرتك عارفة انا : اي شي بالله شلون بعرف انجم ردت : معلش معلش تعالي بكرا انا : والله صج وليش ما قلتي من اول طلعت وانا مطنقره جان امر كيك ان بيك يمهم واشتري كيك واحط كل حرتي في

 

[يابختي]

امممممم..وبعدين

 

[حصوص الكويتية]

عورتى قلبى كملي

 

[موناليزا]

أم جراح الدكتور قال جلستين يعني يبي يسويلك جلسة ثانية قولي لنا بين الجلسة والجلسة كام المدة وكم نسبة التحسن في بشرتك للحين أنت حاطه صورة لوجك قبل الجلسة بس حاطه فيها الكريم ومو واضح شلون بشرتك كانت قبل و ماشاء الله الحين في الصورة الأخيرة تبين بشرتك حلوة وعليك بالعافية وسلامتك

 

[حصوص الكويتية]

ناطرينج لانى ودي اسوي تقشير بس عقب اللى شفته وييييييييييه جني بهون مادرى

 

[ورديـــه]

ماشالله فرقت بشرتج حيل عن اول مرة ..

بس ضحكني تعليق زوجج جنج حيه قاطه جلدها خخخخخخخخخخخخخخخخخخخخخخخخخخخ

بس شكل العيادة كلش معاملتهم كلش مو شي ..

 

[ام جراح 2]

من باجر رحت العياده من الساعه اربع ونص والا اشوا اهو موجود وقعدت انطر التختوختين ييون لانه كان مجتمع فيهم بعد ما وصلو قالت لي دقيقة واخلج عليه شوي والا دش ريال ومعاه زوجته ومعاه ياهل بوشهرين جذي وقعدو ينطرون دشت التختوخه وردت لي جان تقول معلش ممكن ادخلهم ابلك لان البيبي شفة ارنبيه ولازم يدخل كسر خاطري الياهل وخليته يدش عور قلبي وقلت الحمدلله الذي خلقنا في احسن تقويم ونطرت ونطرت ساعه تقريبا ليما اطلعو توني بقوم والا دشو شباب اثنينه جان اقولها ادش ردت : ستني شوي بس عندو غيار اففف جان اتحلطم ولي ونطرت نطرت طلعو والا خناخن اي جنس ثالث احتقرت الدكتور وقمت بدش جان تقولي دقيقة بس يوقع الشاب تقريره ولي اهني انتفخت وقعدت وانا ساكته لان اذا تكلمت بزنطها بعد ما طلع دشيييت اخيييييييرا والا النفس شينه ويتكلم بسرعه وماله خلق ولما سالته شنو يعني ردو طلعو فيني البقع مره ثانيه قالي لا تستعيلين النتيجه ما تبين الا عقب شهر ونص وغير العلاج وعطاني جل بيسمنت احطه وبعد نص ساعه احط فوقه كريم وغير لي كريم الحمايه وعطاني خووووش مرطب قبل الحمايه كلفني 45 دينا ر وانا طالعه سالته دكتور متي الجلسه الثانيه علي اساس انه قالي جلستين ب 500 الصدمه رد اي جلسه جان اقوله شنو جان يقول لا صبري خل نشوف النتيجه الحين وطلعت وانا حاسه اانه راح ينجلني:eh_s(14):