تجربتي مع د عماد النجادة في صور ( جلسة الليزر ام500)

[white_chocolate]

حبيبتي ام جراح الله يشفيج انشالله من اللي سوااه فيج عماد وانا كنت عنده وقطيت 700 دينار على جهاز الديرمو والاي بي ايل بدون استفادة تذكر ، شكله ماعنده غير هالجهازين بيطلع قيمتهم من معاشاتنا ،، لكن مااقول الا حسبنا الله ونعم الوكيل ،، وقل لن يصيبنا الا ماكتب الله لنا ..
عزيزتي ام جراح ،، انا طلعت لي حبة كبيرة تخرع بويهي قبل تقريبا 3 شهور وبفضل من الله سبحانه وبمركز الحداد للرقية والارشاد تشافيت الحمدلله ،، والله نصيحة اخذيها من اخت لان العلاج بالقران فيه راحة نفسية عجييييبة ،، والشيخ عبدالله الحداد يزاه الله خير وانشالله يكون بميزان اعماله يسوي جلسات عامة فيها كل ادعية وايات الشفاء وبمجرد ماتسمعين هالدعاء رددي معاه امين امين ،، صدقيني نفسيتج بترتااااااح منه وايد ،، مكانه بالفردوس طبعا انا حسبالي بعيد لاني بحياتي مارحت للفردوس بس صدقيني واااضح على الدائري الخامس كملي سيييدة بعد الافينيوز بخمس دقايق وهذا رقمهم 24894209 ،، انتي جربتي كل شي الا العلاج بالقران جربيه وانشالله تستفيدين ،، والله يفرج وينصرج وينصر كل مظلوم انشالله ..
وتقبلو مروري

 

[Pearl Qatar]

لاحول ولاقوة الا بالله


هاي الدكاتره همهم بس الفلوس ..!!!

يعني بلع 5000 الاف ريال ودمر بشرتج زياده .. انا اقول فديتج لو انج ترفعين عليه قضية وايد احسن واكيد بتكسبينها احسن من يخرب بشرات خلق الله ويكره حياتهم ..

فديت قلبج والله رحتي له بنيه صافيه علشان تتغير بشرتج وهو علشان الفلوس فالبداية عاملج معامله زينه ومحترمه

ياخي خاف رب انت دكتور والمهنه فيها قسم قبل لايبتدي الشغل.. اللهم لاشماته صج مايخافون الله

حبيبتي ماعليج من بعض تعليقات البنات خليهم يولون .. فيه بنات بشراتهم دمرت دمار لكن بالصبر وبالتوكل علي رب العالمين رجعت بشارتهم مثل اول واحسن .. وانا ماتوقع ان بشرتج خربت وايد ودمرت مجرد تراجع بسيط عن بشرتج الاصلية

راجعي دكتور مضمون ولاتحطين خلطات طبيعية الحين .. يمكن تكون لها اضرار او شي .. شوفي دكتور يخاف الله وشوفي شيقولج علشان يرجع بشرتج مثل اول واحسن .. وعليج بالصبر ياقلبي .. وان شاء الله ترجعين وتقولين لنا بشرتي رجعت مثل اول واحسن

وبخصوص الحراق الي في بشرتج ترا الفراكسل يسوي نفسه بالضبط مادري ليش البنات يعلقون ويستغربون .. اختي مسويه فراكسل وصار نفسج بالضبط .. بس الغلط الي غلطه الدكتور عاد علي بشرتج مرتين يعني احس حرقها زياده

عسي ربي يحفظج يالغلا ..

 

[ام جراح 2]

تدروووووووووووون شنو اكبر مشكله بالدنيا ؟؟؟؟؟؟


الناس الي ما يفرقون بين الصرااااااااحه والوقاااااااااااااحه


مشكوووووووووووووووره اختي على نقل تجربتج والله يجعلها بميزان حسناتج يارب لأنج وضحتي للبنات تجربتج من كل النواحي وعلمتيهم بمميزاتها واضرارها

هذا من طيب قلبج وطيب اصلج ياقلبي ،،، الله يكثر من امثالج وان شااااااااء الله يصك عمرج الـــ 100 وبشرتج بأحسسسسسسن احوالها ومن حسن لأحسن :hjy5jewf:​

وتدرين شنو الي ينسيج وقاحة هالناس بنات الحمايل الذوق الي مثلج وجزاج الله خير

 

[ام جراح 2]

حبيبتي ام جراح الله يشفيج انشالله من اللي سوااه فيج عماد وانا كنت عنده وقطيت 700 دينار على جهاز الديرمو والاي بي ايل بدون استفادة تذكر ، شكله ماعنده غير هالجهازين بيطلع قيمتهم من معاشاتنا ،، لكن مااقول الا حسبنا الله ونعم الوكيل ،، وقل لن يصيبنا الا ماكتب الله لنا ..
عزيزتي ام جراح ،، انا طلعت لي حبة كبيرة تخرع بويهي قبل تقريبا 3 شهور وبفضل من الله سبحانه وبمركز الحداد للرقية والارشاد تشافيت الحمدلله ،، والله نصيحة اخذيها من اخت لان العلاج بالقران فيه راحة نفسية عجييييبة ،، والشيخ عبدالله الحداد يزاه الله خير وانشالله يكون بميزان اعماله يسوي جلسات عامة فيها كل ادعية وايات الشفاء وبمجرد ماتسمعين هالدعاء رددي معاه امين امين ،، صدقيني نفسيتج بترتااااااح منه وايد ،، مكانه بالفردوس طبعا انا حسبالي بعيد لاني بحياتي مارحت للفردوس بس صدقيني واااضح على الدائري الخامس كملي سيييدة بعد الافينيوز بخمس دقايق وهذا رقمهم 24894209 ،، انتي جربتي كل شي الا العلاج بالقران جربيه وانشالله تستفيدين ،، والله يفرج وينصرج وينصر كل مظلوم انشالله ..
وتقبلو مروري

تسلمين يا قلبي انا الحمد لله بخير ومستمرة علي زيت الزيتون المقري وعلي الادعية والحمدلله علي كل حال قضاء اهون من قضاء ومشكورة جزاج الله الف خير

 

[كويتيه عبسيه]

الله يشافيج يارب والحين قاعد يأذن الفجر وادعيلج من كل قلبي والله

 

[عنايد]

رد : تجربتي مع د عماد النجادة في صور ( جلسة الليزر ام500)

الله يشفيج يارب

وتصير بشرتج مرمر

 

[بيـــشو17]

الحمدالله على سلامتج ام جراح وماتشوفين شر يارب

 

[تيوليب]

عسى ربي يشافيج .. اميييييييين

 

[ليمونه حلوه]

ماتشووفين شر حبيبتى ... انا قريت الموضوع من اول للصفحة للاخر ..

بالاول استانست لما شفت بشرتج تلق وتلمع بعد التقشير .. والله عورررنى قلبى عليج

ومن الفجر وانا قاعدهـ اقرى قصتج مع هالدكتور الخايس لا ذمة ولاضمير ..

 

[مـزيـااان]

حسبى الله عليهم هالعيادات بس يبون الفلوس

انا تونى جاية من عيادة الاسنان ومتهاوشة معاهم عشان اسنانى

سويت قشرة اللومنيرز وكل اسبوع متغير لونهم والله عذاب ولزفيتيهم يحطون لج الف حساب

وانا تخسرت 2700الله لا يخسر

والعيادة بيرفكت دنتل كير ومسوين الحين خصم بعد الله يسترر

 

[نعم كويتية]

الحمد لله وأخيرا وصلت للصفحة الأخيرة اللي بديت في موضوعك من البارح

اختي ام جراح اولا حمد لله على سلامتك
والله يعوضك بالفلوس اللي راحت والخسارة بالعمر وعسى ربي يخليك لعيالك ويحليك بعين زوجك

اختي هذي تجربةومرت وان شاء الله استفدت منها والحياة دروس وعبر وانا اختك

انا اقولك هالكلام لأنني مريت نفس معاناتك مع التقشير عند الدكتور لاري الله يسامحه ،4 سنين لعب ببشرتي وهاتك يا تقشير لين صارت البقعة بقعتين
حتى د مشعل الغريب راجعت عنده في مجمع نسيت اسمه اللي بميدان حولي على الشارع وماسوالي شيء يعني قط فلوس على الفاضي

انا استغرب احناشفينا يالكويتيات مو عاجبنا حالنا ليش ما نسلم بالواقع ونترك هالخرابيط لأن جو الكويت ما يساعد لازم نفهم هالشيء عدل .

والله في صيدلانية مصرية تشتغل بصيدلية عندنا بالجهراء قالت صدقيني البقع ماتروح لو شنو تسوين استمري دايما على الكريمات طول العمر هذي هي الحقيقة لمن ابتلاها الله تعالى بالكلف ونحمده على هالحال .

طولت عليج ادري بس من حرتي وتجربتي ودي انصح كل اخت علشان لا تطيح باللي طحنا فيه انا وياك
والله المستعان


نصيحة

والله العظيم انا ما اعرف الدكتور هذا لكن يا أخوات ما يجوز السب وهو غائب خافوا على حسناتكم لاتروح له يوم القيامة وادعوا لأخيكم المسلم دائما بالهداية

 

[ذبحهـم غـروري]

رد : تجربتي مع د عماد النجادة في صور ( جلسة الليزر ام500)

عســــى ربــي يشـــآفيــــج ويهــــون عليــــج .. وأزمــه وتعــدي يـآ آم جـــرآح واللــه يـآخذ حقــج مـن هالدكتور .. وسئـــلــي الــدكتــور اللــي تـرآجعيــن عنــده الحيــن إذآ تقــدريـن تستخـدمـين كــريـم ميبــو هالــكريـم مفعــوله حــلو حـق الحــروق بـس لآ تستـخدميــن آي شـي حـق بشــرتــج إلآ بعــد إستشــآرة الــدكتــور.. وطمنينــآ عليــج

 

[ام جراح 2]

حبايبي تسلمون من كل شر والله يجزاكم الف خير وهذا مو شي غريب علي بنات الديرة طول عمرهم حنونين عالكل
مزيان يا حسرتي عاد انا اراجع في هالعيادة عند الدكتور اللبناني وركب لي ضرس عالعصب والحين العصب ملتهب وعطاني مظااد همي عوووووووووود مو مترقعة الحمدلله علي حال

 

[al_jood]

انا عن تجربة شخصية دكتور عماد النجادة شوه وجهي بعد ماكلن طبيعي ونهبني نهب اكبر نصااااااااااااااااااب سحب مني فلوووس ولا شفت فايده نصيحة اخت تكفوووووون لا تروحون له

 

[al_jood]

ما اقول الا حسبي الله ونعم الوكيل فيه شلون مخلينه يلعب في الناس ومخليهم حقل لتجاربه الفاشلة بس شاطر يسحب فلوس بالهبل وعن ابر التبييض تراه جذااااااااااااااااااااااااااب وماكو اي نتيجه ولا تنخدعون باسلوبه في الزيارة الاولى بس لي تمكن منج وسحب فلوسج يحذفج على الدكتور اللي معاه وما يرضى يستقبلج ضمن الفلوس في الجيبة الف مره اقولها حسبي الله عليك من دكتور.

 

[MoonDiamond]

لا حول ولا قوة الا بالله

يارب زين ام جراح في عيون زوجها واولادها واحبابها
يارب اجعل في وجهها نور وفي قلبها نور وفي بشرتها نور وفي عينها نور وفي لسانها نور

هي وانا وبنات المسلمين

اللهم امين

 

[لمعة الالماس]

عسى الله يشافيج يارب

ويجملج بعيون اعيالج وريلج

 

[ام جراح 2]

لا حول ولا قوة الا بالله

يارب زين ام جراح في عيون زوجها واولادها واحبابها
يارب اجعل في وجهها نور وفي قلبها نور وفي بشرتها نور وفي عينها نور وفي لسانها نور

هي وانا وبنات المسلمين

اللهم امين

حبيبتي تسلمين علي هالدعاء جزاج الله خير

 

[ام جراح 2]

عسى الله يشافيج يارب

ويجملج بعيون اعيالج وريلج

جزاج الله خير مشكورة يا قلبي

 

[أبريل]

رد : تجربتي مع د عماد النجادة في صور ( جلسة الليزر ام500)

ام جراح حبيبتي ادري من التاريخ التجربه صار لها فتره طمنينا ان شاء الله الحين احسن

حسبي الله ونعم الوكيل 999999999 طالعه من قلبي

قل لي تسويه يا دكتور نصاب كل الي تسويه بيرد عليك

الله لا يوفقك ولا يحلل افلوسك يعل ربي يحرق قلبه مثل ما حرق اقلوب الناس

يا حلالها على الي تمسكه وتبهدله وتشتكي عليه وينشطب من لائحه الدكاتره و يعطي تعويض لكل المتضررين

وين تروح من ربك وين