تجربتي مع عمليتة شد البطن وتكبير الصدر

[sheraZia_Q8]

عليج بالعافيه حبوبه

 

[lady 33]

الحمد الله عالسلامه

اختي شد البطن هو نفسه نحت الخصر ولا شالفرق ترا مادري شالسالفه لووول لان ودي اسوي نحت خصر = (

وبالنسبه للصدر حط لج سيلكون ؟؟ كم سي سي ؟
سووري على اسئلتي بس والله ودي اعرف لاني ناويه انشاء الله

 

[انوار87]

الحمدلله على السلامه
بس عفوا اختي اذا مابتقولين اسم الدكتور ليش حاطه الموضوع؟
و ليش التشويق و كل شوي تقولين بطني صار شحلاته!!

 

[lady 33]

ووويـــنج =(

 

[بنت شرق]

اختى عند منو عمليتج ؟؟؟

 

[فراولة وردية]

سوري بكتب رد فموضوعج الثاني
ونست وحطيته إهني

 

[NooR ElDenya]

الله يجزاكم خير يا بنات على دعواتكم ،،

اول شي انا ماحطيت اسم الدكتور لان مابي اسوي دعاية

هذا اول شي وثاني شي اول وتالي اهوا اشتغل بفلوس

كيفة يروح يسوي دعاية على افى غيري ،،

الي سئلوني بالخاص جاوبت عليهم لما تطمنت وتاكدت من النتيجة تخيلو احد يدعي علي ؟؟؟

انا ناقصة ؟؟؟؟؟؟؟

الي بتقرر هالعملية عند اي دكتور تستخير مو سمعتة الدكتور اهيا الي تعطيها النتيجة هذا الله يرزقها بالنتيجة

بعد مايسخر الله لها الدكتور

يعني الاخت الي قاعدة اتذم ليش ماحطيت اسم الدكتور

لما تفهمين شنو قاعدة اقصد ،،،

راح تعرفين ليش ماحطيت اسمة ولا راح احط اسمة بالعام ماشتغل عندة عشان اسويلة دعاية واحتمال يسوي حق غيري عملية تذم فية انا مابي اخذ اثم
فماراح اقول الا ان الله يسرها علي وفتحها بويهي
عشان يسخرة لي واسوي العملية عندة
والحمدالله الي عطاني على قد نيتي

ليدي شد البطن في فرق عن نحت الخصر

في ناس اتشوفينهم ماعندهم خصر كلش
فيحتاجون هالعملية عشان يبين عندهم خصر عرفتي ؟؟ يشفط من هالمنطقة يشدها عشان يصير في خصر

اما شد البطن

في جلد زايد فقد ليونتة من السمنة او الحمل
ماتقدرين تشدينة بالرياضة كلش

لهذا الشي الدكتور يسوي عملية شد البطن بالجراحة
وعلى طلب المريض يقوم الدكتور وينحت الخصر وفي بعضهم في قلبهم رحمة من غير لا المريض يطلب يقوم الطبيب وينحت هالخصر
ويجمل هالمنطقة عرفتي ؟؟

البربيش كلش ماطول عندي ،، اتوقع لان مشيت من اول يوم ولان جسمي فقد كمية دم كبيرة وعطوني نقل دم
ولان وزني كلش مو الي اوفر اعتقدعشان جذي ما طول معاي البربيش
ويسلمو يا بنات على دعواتكم ولا تزعلون ليش ماحط اسم الدكتور قلتها ماسوي دعاية ولا ابي اقول فلان الفلاني سوالي عملية​

 

[sheraZia_Q8]

حبيبتي بس ابيج تذكرين لي طريقج بالسباحه
شلون تسبحتي ومتى ؟

 

[kwait doll]

اولا الحمدلله عالسلامه ومبروك النيولوك
ثانيا بسألج الصدر بس تكبير ولا معاه شد؟
ثالثا احترم وجهة نظرج تماما انج ما تبين تقولين اسم الدكتور ولا احد يقدر يغصبج
ولكن..
انتي لمن تقولين اسمه وتروح بنت وما تضبط عمليتها فهذا مو ذنبج وصدقيني ما راح تدعي عليج
ولمن تقولين اسمه ممكن تفيدين بنات وايد محتارين يروحون عند اي دكتور وبدال لا يرحون عند احد ومحد مادحه انشالله تدعيلج وتاخذين اجر
واخييييرا اذا الدكتور زين واشتغلج بضمير وعجبتج النتيجه ورحتي قلتي حق البنات ويوله زباين معناته الله سخرله هالزباين عن طريقج واهو يستاهل
وكله من فضل ربي قبل لايكون فضل منج
وكل البنات قاعدين يقولون غريبه مافكرو نفس تفكيرج انهم ما يبون يسوونله دعايه شدعوه لهدرجه؟؟!



وبالنهايه سوري طولت عليج وهذا شي راجعلج انا دكتوري هكسور كروز رويال حياة موجود بس كنت بسألج عن طريقة شد الصدر


وثاانكس

 

[NooR ElDenya]

هلا ولله
طريقتي بالسباحة كانت الله يسلمج
اول الايام كنت اغسل جسمي من فوق واغسلة تحت عشان مايحوشة ماي
بعدين لما رحت للدكتور المرة الاولى بعد 5 ايام
عطاني غيارات وشاش وقالي عن كريمات
وطريقة المساج علمني عليها
من باجر جذي تسبحت وقمت انا اسوي غياراتي بالبيت وقام يتابعني الدكتور اول باول ليما صار اسبوع ونص تقريبا جان يشيل نص الخيوط بعدها لما صار عشرين يوم شال خيوطي كلها
وكان جسمي متفخ
وشوي شوي قام يفش اللهم لك الحمد
​

 

[NooR ElDenya]

اولا الحمدلله عالسلامه ومبروك النيولوك
ثانيا بسألج الصدر بس تكبير ولا معاه شد؟
ثالثا احترم وجهة نظرج تماما انج ما تبين تقولين اسم الدكتور ولا احد يقدر يغصبج
ولكن..
انتي لمن تقولين اسمه وتروح بنت وما تضبط عمليتها فهذا مو ذنبج وصدقيني ما راح تدعي عليج
ولمن تقولين اسمه ممكن تفيدين بنات وايد محتارين يروحون عند اي دكتور وبدال لا يرحون عند احد ومحد مادحه انشالله تدعيلج وتاخذين اجر
واخييييرا اذا الدكتور زين واشتغلج بضمير وعجبتج النتيجه ورحتي قلتي حق البنات ويوله زباين معناته الله سخرله هالزباين عن طريقج واهو يستاهل
وكله من فضل ربي قبل لايكون فضل منج
وكل البنات قاعدين يقولون غريبه مافكرو نفس تفكيرج انهم ما يبون يسوونله دعايه شدعوه لهدرجه؟؟!

وبالنهايه سوري طولت عليج وهذا شي راجعلج انا دكتوري هكسور كروز رويال حياة موجود بس كنت بسألج عن طريقة شد الصدر


وثاانكس​

لا اختي بصراحة لي قناعة خاصة كل وحدة وقرارها
وين ماترتاح تستخير ولا راح اصعد باسم فلان ولا علان
حتى لو شنو اسفة ماقول اسم الدكتور بالعام
المهم عن سؤالج عن شد الصدر
دكتور كروز ممتاز وايد ممتاز وانا رحت وخذيت موعد عندة بس ترددت حيل اسوي عمليتي سبحان الله ماكان نصيبي اسوي العملية عندة
بس ترا ذكي حيل !!!
طلبي من الدكتور يسوي لج جرح الزراعة من حوالين الحلمة
لان الجرح بهالمنطقة راح يختفي سبحان الله عرفتي ؟؟؟
اول صدري من السمنة وضعفت كان صدري كانة خرجة
صج !!
يعني شكلة جلد بس بدون حشوة من داخل شكلة مقزز بصراحة
قلت للدكتور يترس لي هالمكان يشوفلي حل
الحمدلله لك يارب من بعد ماسويت زراعة السيلكون شكلة صار وايدد حلو
نفس الناس والبشر النتيجة خيال !! ​

 

[++The DuchesS++]

تتهنين باللوك اليديد
والله يحميج من العين

 

[NooR ElDenya]

الله يجزاج خير يارب

 

[sheraZia_Q8]

هلا ولله

طريقتي بالسباحة كانت الله يسلمج
اول الايام كنت اغسل جسمي من فوق واغسلة تحت عشان مايحوشة ماي
بعدين لما رحت للدكتور المرة الاولى بعد 5 ايام
عطاني غيارات وشاش وقالي عن كريمات
وطريقة المساج علمني عليها
من باجر جذي تسبحت وقمت انا اسوي غياراتي بالبيت وقام يتابعني الدكتور اول باول ليما صار اسبوع ونص تقريبا جان يشيل نص الخيوط بعدها لما صار عشرين يوم شال خيوطي كلها
وكان جسمي متفخ
وشوي شوي قام يفش اللهم لك الحمد ​

اييي لان انا دايما احاتي شلون السباحه وشلون على الجرح
ويالله الحمدلله وانشالله تطلع النتايج روعه وتتهنين فيهم :eh_s(17):