تجربتي مع كريم تريتسبوت .. زاد السواد عندي :(

[Mrs_Orchidia]

السلام عليكم

خواتي انا عندي مشكلة عويصة .. الاندر ارم عندي وايد غامج :eh_s(16):
استعملت كريم تريتسبوت من مصر وقشر المنطقة و صارت حمممممرا و قمت احس بحرارة مو طبيعية و اذا حطيت الديودرنت يحرقني و لازم احط بهالحر و الدوام ما نستغني
فقررت اوقفه بعد اسبوعين تقريبا لاني خفت و بالصالون ماقدرت تشيل المنطقة واهي ملتهبة و متقشرة و يعني لي متى ما اشيل؟

المهم الحين السواد زاد و صار خط فاااصل بين جسمي و السواد
رحت اعالج بالجلدية و خذيت جل من الصيدلية ان شاءالله ينفعون

لكن للامانة الكريم نفعني حق البقع اللي بريولي من الجوتي تكرمون و بس يعني مناطق سهلة

مادري ليش صار جذي معاي مع ان اختي وايد استفادت منه

هذه تجربتي و ياليت الي عندها شي تضيفه و دربالكم حبايبي

:eh_s(7):​

 

[ام فهود وشهود]

الله يعييينج حبيبتي
خررررعتيني عااااد انا تووو مشتريته
وبجرربه
حق بين فخووذي

 

[توفي متلف روحي]

الله يعينك غاليتي



طبيعي صبغة الجلد تختلف


في أشياء تناسب مع شخص وشخص لا

 

[Bank Perry]

اناجربته حبووبه يبقى شوي ويروح بعد مايتقشر

 

[Mrs_Orchidia]

بانك بيري حبيبتي
يعني انتي صار لج جذي و كملتي و راح السواد؟

 

[حبيبه ببي]

اناجربته والله حليو حبوبه بس عطيه مده يتقشرر ويصير لونه وردي على ابيض

 

[Mrs_Orchidia]

بنات تقصدون ان عادي احطه و البشرة ملتهبه؟ مايصير شي؟

 

[حبيبه ببي]

حبوبه التهاب لونه احمر

 

[همسة الاحساس]

شوفي حبيبتي هالمنطقه حساسه مايصلح لها تقشيرر


بعد ماتروح فترة التقشير والأحمرار

وترجع الامور لطبيعتهااا


تستخدمين الي اقوله يفتحها



الا هو تسوين خلطة شسالفه كم صغيره وتحطينها بعلبة الديودرنت

وقبل الشور بساعه ونص تحطينه

جربيه سبوع وتعالي لي اذا ماصار فررررق

 

[مولاي الفرج]

الاندر ارم حسااااااس اتوقع قوي عليه

رطبي المكان بكريم سودوو لين يروح الاحمر ان شاءالله

 

[shabh]

انتي كانو صار تسلخ عندك وفي الكريم استخدمي الكوم او سود وافضل الكوم لحد مايخف الاحمرار وماعليك شر يااارب

 

[Mrs_Orchidia]

انزين بنات شنو هذه خلطة شالسالفة ؟

و ثااانكس عالردوود ماتقصرون

 

[غرور الريم]

حبيبتي استخدمي سيروم ايكلين يهبل ل اندر ارم يخليها بيضه وعن تجربه بس انطري شوي لين يخف التهاب

 

[kokiokokolovely]

استخدمي اليكا ام يهدي الاحمرررررررررررررار وبعد كده معنتيش تقشري المنطقة دي واانا عندي تركيبة ممكن تعمليها عند الصيدلي عنددددددددددددددددددددك لو ينفع لان انا مصرية وعملاها في مصر للتفتيح وناس كتير جربتها وانا جربتها حلوة

 

[Mrs_Orchidia]

تسلمووون بنات

انا الحين مبطلة الكريم من زمان وماشية على علاج الجلدية و ان شاءالله ينفع الصراحة خايفة احط كريمات عشوائية تعقدت !! كريم سودو يبيض و لا بس يهدي الجلد الملتهب؟

 

[آلعناآأ]

،





اكييييييييييييييييييد ماكنت ترطبين المنطقه ولا استخدمتي الطريقه الصح


اللحين وقفيه ولا تردين تحطينه

استخدمي ديودرنت طبي مثل فيشي يهبل


اهم شي الترطيب راح يفتح لج حتى الركب و الاكواع

 

[Lala]

هلااا حبيبتي سلامتش ما تشوفي شر
أنا جربته تريتسبوت حق منطقة بين أفخاذ ما كان فيني سواد بس حابة أقشرها زيادة البياض والنعومة هههه بس النتيجة كانت عكسية وأنا بخبرك السبب أني سويته في فترة لما بديته ع اليوم الثاني جاتني الدورة الشهرية ومع الفوط صارلي التهاااااب يعني الغلط مني
وأنتي نفس حالتي غلطتك حطيتي مزيلات عرق وعملية التقشير لازم ما تحطي ولا شيء في المنطقة أبدا أبدا

لما تبدي تقشري منطقة لااازم ما تحطي ولا شيء كيماوي ولا ترطبي كثييير لان بيمنع التقشير إلا في الأماكن اللي تصير فيها جفاف مؤلم ممكن تحطي ترطيب
لاااازم يابنات ما يجيكم حر أبدا أبدا
الحرارة مضررررة كثييييير

وعلى فكرة أنا الحمدلله لما وقفته المنطقة صارت زينة والنتيجة من السواد قشرتها بمقشر كيميائي الحمدلله واتبعت التعليمات صح :d

 

[Mrs_Orchidia]

هااي

انا وقفته الحين و الدكتورة اليوم قالت لي ما يناسبج جلدتج ما تتحمل

قالت لي جربي اي شي عقب عرسج لا تتوهقين لوووول فاهمتني !!

 

[Anfal dy]

من وين اخذتي الكريم حبيبتي

 

[طموح دائم]

انا بعد ما ناسبني