تجربتي مع مقولة خذي اللي يحبك و لا ................

[رماد وظل]

يضل ارحم بوايد من اللى مادرى عن هوى دارك....
شوفى مشاكل البنات اقريها عدل وبتمعن وتعرفين
شكثر انتى محظوظه فكرى بالشغلات الحلوة اللى فيه
بتحبينه وبتتمسكين فيه ...........وديرى بالج ترى النعمه
زواله باجر ان ابتعدتى عنه لا سمح الله بتلاقين انسان مثله!!
ماضنتى بهالزمن كلن يحب نفسه وبس.....
وانتى بعد نفسيتج تعبانه على البيبى اللى توفى عساه يكون شفيع
لكم يوم لا ينفع مال ولا بنون........
الله يرزقج درزن عيال وبتحبين ابوهم غصبن عنج......
لانه ابوهم انسان يحبج وحطى تحتها الف خط
وفكرى فيها عدل.......واخذيلج فرة بالقسم .....
عشان تقولين يالله الستر.

كلامك عين العقل

ضميري بدى يشتغل و أنا أبي أرتاح تعبت من التفكير

مشكووره عالرد الحلوو الله يوفقك

 

[nora al]

ماادري حبيبتي بس احسه موضوع غريب


شنو المشكله اللي ماتخليج تحبينه ؟؟


يمكن اهوو زين بس انتي مو مقتنعه فيه ؟؟

شووفي اهوو لازم لازم فيه مشكله حتى لو كانت بسيطه !! بس فيه سبب يخليج ماتحبينه !


انتي اقري سورة البقرة وصلي قيام ليل وطفي الليتات ( برووووحج ) بس على ليت ابجووره وانسدحي بالفرااش وفكري بينج وبين نفسج شنو مميزات هالريال وانا شنو ابي ؟؟!!!

يمكن تحبينه بس انتي مو عارفه شعور هالحب !!

يعني اذا طاح مريض او صارله شي لاسمح الله تبجين تخافين عليه ؟؟ تحسين نفسج تغارين عليه ولا عادي يتزوج غيرج ويخربط لاسمح الله ؟؟


فكري عدل فيه شي يمنعج تحبينه لان طبيعة البنت تميل لاي انسان يحن عليها ويحبها ويحسسها بهالحب بدون لاتحس تحبه بس مبين فيه ( حاااجز ) يمنع هالحب

ممكن اهوو ماكان فارس احلامج وانتي للحين مو مقتنعه ؟؟


مادري بصرااحه اناا برايي ذكري الله واقري سوورة البقره تلييييييييييين القلب حيييييييييل وادعي انه الله سبحانه يزرع محبته بقلبج ويرزقج الذريه الصالحه

صدقيني الحب من الله انا ابدااا مالوومج لووو كان ملااك وكامل والكامل الله بس هم ممكن ماتحبينه عااادي مو لان انتي فيج شي او اهوو بس هذي مشاعر موو بيدناا !! ادعي ربج وتعووذي من ابليس ابدا لاتفكرين تصارحينه لاا خلي نيتج انج تتغيرين وتعرفين شنو المشكله وادعي ربج وحاولي تتغصبين وقولي دايماا انا احبه اهو مدلعني مدللني اهو ابوو اعيالي مستقبلا باذن الله داايما خلي افكارج ايجاابياا


والله يزرع محبته بقلبج :*

 

[• JoJo •]

تعوذي من ابليس واجلسي مع نفسك جلسة مصارحه يعني اعرفي الاسباب وعالجيها

في اسم رواية وفعلا كان اسم مؤثر وهو عين العقل اللي لازم الكل يسويه ,, فكري فيها قبل تسوين اي شي


لاتهدي قلبك لمن تحب بل اهديه لمن يحبك

 

[حلاوة الحلوة]

ياحياتي انتي لاتحطين فبالج الكره لانج راح تكرهينه صج انسي شئ اسمه ( أنــــا أكرهـــه )؟؟ وشوفي شنو مميزاته وحطي دايما في بالج انه حنون طيب محترم والاهم يحبني خلاص مع الوقت بتحبينه والله يسخركم لبعض ويحببج فيييه

 

[sKntyny]

هذا مو اسمه كره .. هذا اسمه " عدم قبول "
والقبول شي اساسي في كل زواج .. لو بدون القبول ماراح تنجح الحياه ..
عيل ليش ربي اباح الرؤيه الشرعيه عشان هـ المساله .. فــ حبيبتي حاولي تبعدين هالفكره من راسج .. لان ماراح تحصلين احد يدللج
ويحبج مثل ريلج عودي روحج ع هـ الفكره

 

[* فطامي *]

ربي يزرع في قلبج حبه وبكل يوم يزيد


مو شرط انتي تحبينه في بداية زواجك لكن الايام أهيه اللي تزرع بقلبج حب يمكن بالبداية تصيرين تعزينه و ما تقدرين على فراقه لكن مع الايام الحب بيطلع

اممم ما ادري من ردج على البنات احس انج واقعيه وماتحبين سوالف الرومانسيه او ما تعرفين شلوون تبدين هذا تحليلي

حاولي تاخذون بريك بعيد عن الأهل و الشغل وانشغلي فيه وان شاء الله تحبينه

مادام ما عندك حب سابق فبسهل تحبينه كافي انه خوووش ريال وين بتلقين بهذا الوقت

بالتوفيق

 

[ماني من الناس]

المحبه من الله

وشعور يعني ما يبيله جهد ولاهو بفلوس

يعني بادلي اللي يحبج بالمثل

وبادلي العطاء بالعطاء


احنا نفكر الزواج فلم هندي ,,,,,,,,,

بس انا برأيي الزواج امساك بمعروف يعني تعاملون بعض بالمعروف وتساندون بعض


ومادري انتي شنو تبين بالضبط زعلتيني

 

[شنوووفه]

اي صح هالمثل وامي قبل لااتزوج قالتلي ياااه واعتقد كلامها صحيح
حبيبتي حته وانتي تردين عالبنات لاحظت انه ماعندج رد يعني مالقيتي فيه خلل وماعندج تجاارب من قبل تدرين الخلل وين منج انتي كل شي باايدج انتي روحي شوفي البنات تزوجو الي حبووهم شنو لقو غير المذله والاهانه واخرته الطلالاق يعني بالعربي محد مرتاح لا بزواج الحب ولا بزواج التقليدي يعني انتي تقولين انه مو مقصر معااج ويحبج ويحترمج شنو تبين اكثر من جذي في بنات مايشفون ريايلهم بالاسابيع ويتمنون تطلع من حلجه كلمه
صلي عله النبي وديري بالج علييه وكثر ماتقدرين فكري بايجابياته وحطيها بين عيوونج لا باجر ادور الدنيا وتلقفه وحده من بنات الحرام وتتحسفيين طوول عمرج

 

[كوكتيل عسل]

الله يعينك حبيبتي

 

[حلوه ولمآحه]

حبيبتي انتي محسسه نفسج هالشعور توذي من بليس وحاولي تتقربين منه
وتحبيه
والله يهديكم لبعض ويسخر مابينكم ،،ويحببكم في بعص اكثر واكثر

 

[كنوشة 2009]

اذا تبين تعرفين انج تحبينه او لأ
تخيلي بعد الشر لو مات مجرد تخيل
اذا بجيتي عليه معناته انت تحبينه بس انت موحاسة بالحب
او تخيلي اذا تزوج عليج وحدة ثانية والله لا يقوله شنو راح يصير فيج
اذا تاثرتي راح يكون هذا دليل على حبج له
والله يعوض عليج بالذرية ان شاء الله

 

[سوسن1980]

الله يسخرك له

 

[غلاي 89]

الله يحنن قلبج عليه وتحبينه
بس ليش ما حبيتيه ؟؟؟ شنو اللي مو حابته فيه
يمكن شكله ؟ او شي صفة معينة كنتي تحلمين فيها واهوه مافيه ؟

 

[ماني من الناس]

حددي لنا بالضبط شن و الشي اللي خلاج ما تحبينه

 

[قاهره عذالي]

قال رسول الله صلى الله عليه وسلم :
" ايما امراة طلبت الطلاق من زوجها من غير بأس حرام عليها رائحة الجنه"

دام الرجال ماينعاب ومو مقصر
ربي لك الحمد
وترا هذا الشيطان يوزج
احمدي ربج لاتفسقين
ترا ان تركتيه حوبته ماتخليج لانه ما سوالج شي

 

[ام ميميتو]

مستحيل داخله عالسنه الرابعه و الريال احبج و محترم ومو مقصر معاج كل هالشغلات ما في بقلبج ولا نتفة حب حق الريال حبيبتي لا تخربين حياتج لان الوحده مجرد ما تقول انا مو قادره احب زوجي تفتح على نفسها باب المشاكل و احيانا الانسان ما يحس بقيمة الشي الا بعد ما يخسره الله يهديج و يرزقج الذريه الصالحه

 

[سيماا]

يابعد عمري
الله يقذف حبه بقلبك
والله حاسه فيك >>> لاني عانيت من اللي تعانينه

 

[دلوعة أبوهآ]

الله يسخر قلبك لزوجك ..

 

[دلوعة صلوح]

امممممممممم الله يعين.

 

[يافديت الدلع]

اللي يبينا عيت النفس تبغيه واللي نبيه عيا البخت لايجيبه
عسااا ربي يحط حب زوجج بقلبج وتقومين ماتستغنين عنه ويرزقج بالذريه الصالحه