تجربتي : نحت الخصر وشفط الدهون عند الدكتور سامح صادق

[salsa]

اول شيء الحمدالله على سلامتج حبيبتي ..!

انا هل دكتور سامح صادق امسويه عنده قبل 5 شهور عمليه حق صدري وقال كلمه وحده ههههههه

رااح تعشقيني من بعد العمليه ههههههههههههههههه وفعلاااا

الحين داااشه ابااالي سالفه النحت وقالي يبيلج تنحتييين جسمج انتي واكثر شيء صووب البطن والخصر لانه متني من اهني

بس هم نفس الوقت خااايفه ماادري شنو تنصحيني فيه وانا الحين تقريبا وزني 81 وطولي 169 فمااادري وشكل جسمي جنه عملااااق مادري يثله يعني واحس لو شنو ضعفت مراااااح ينفع

بس تكفيين اناا سويت عمليه وبعد العمليه تعبت حيييل صار عندي مضاعفااات هرمونااتي تغيرت متنت 14 كيلو وشعري طااح وبشرتي اعتفست !!! فشنو تنصحيني فييه اماانه ابي راايج ؟

الله يسلمج حبيبتي
لووووول ضحكتيني على تعليق الدكتور اشوه اني ما عشقته يا معوده
انتي مجربه الصدر وايد صعبه عمليه الصدر احسها اتعب ونتايجها مو دايما مضبوطه
عموما انا عن نفسي كرهت العمليات ما حبيتها ,اهو الدكتورشغله زين وفاهم ويعرف ينحت بس انا كل ما اتذكر الالام والتعب اقول شحادهم الناس؟؟؟
انا عن نفسي انصحج بالرياضه والرجيم انتي زياده الوزن عندج مو كبيره حرام ادشين عمليه وتخاطرين مره ثانيه خصوصا انتي الحين قاعده تقولين ان العمليه الاولى سوتلج مشاكل بعدها انا اقول خلج على الرجيم والرياضه والمساجات..موفقه حبيبتي

 

[salsa]

السلام عليكم والف الحمدلله على سلامتج ومثل ماقلتي اي شي اذا ما حافظتي علية ممكن يرجع أسوء مماكان المهم الحين يكون عندج ارادة وتنزلين وزنج بس السؤال عزيزتي اذا نزل الوزن وصلنا الي الوزن المثالي بس شكل الجسم غير منسق ؟؟؟؟ هذي مشكلتي انا الحين حامل وماتتصورييييييييين شيصير بجسمي تحلفين ان وحده ثانية لكن بفضل من الله بعد الاربعين يساعدني ربي واجتهد ويرجع الجسم بس طبيعة جسمي مومخصر والخلفية مافيييييييييييش بس وزني مثالي فشسوي ابي منكم النصيحة علما اني مرة بغيت اشفط قالولي جسمج مافية دهون وايد انا وايد محتارة خصوصا اني ما أتحمل اي عوار الله يخليكم ابي الشوووووووووورة ولكم مني كل الشكر

عزيزتي انا دايما اقول ان الجسم نعمه من الله مثل كل النعم مو الضعف ولا المتن الرسمه هذي نعمه لان في ضعاف بس اجسامهم مو حلوه وفي متان ساعات المتن مرتب وموزع صح فماله شغل زياده الوزن بالرسمه
حتى النحت والعمليات ساعات ما تضبط الجسم 100% لان هذا شي رباني
انتي الحين تشوفين اللي تحطلها صدر ولا خلفيه ولا خدود شرط تصير حلوه؟؟ مو شرط ساعات تصير بشعه وممكن بعد تصير مشاكل من السيليكون والحقن
انا هم بعد العمليه ما صار 100% جسمي حلو بس شوي تغير عن اول شي بسيط بس لا تهقين ان بعد العمليه الخلفيه بتطمر ولا الصدر فجأه بيبرز والوحده بتصير صاروخ لا هذي صعبه ما تصير
انا اقول مدام وزنج مثالي قولي الحمدلله وفكري بشي ثاني غير العمليات

 

[salsa]

لكل من راسلني على الخاص او حط مشاركته سامحوني على التأخير بالرد لهيت الفتره اللي طافت برجيم ونادي ..ابشركم النتايج مذهله نزلت 12 كيلو الحمدلله والحين اماكن العمليه تحجي لووووول
ما في على الريااااااضه وصكه الحلج

 

[shams2008]

للرفع

 

[خباري مطر]

رد : تجربتي : نحت الخصر وشفط الدهون عند الدكتور سامح صادق

سلسا انتي عسسسسسسسسسسسسسسسسسسسسسسسسسسسسل قريت موضوعج قبل عمليتي وبعد عمليتي ّّّّدواء موقرايه هههههههههههه
مااقول غير الله يوفقج ويريح بالج ياذوق ردودج تبرد الجبد ووافيه تسلمين

 

[عصفورة كويتيات]

عليج بالعافية

 

[salsa]

حبايب قلبي تسلمولي ومشكورين على مروركم .. ونصيحتي للكل اللي تبي جسمها يتغير صج عقب الشفط تمارس الرياضه وتتبع نظام غذائي والله ثم والله ثم والله ان الحين الكل مبهور بجسمي شلون صار يقولولي الناس جسمج مرسوم ..انصح كل وحده مسويه شفط بهالشيين

 

[Mystique]

الله يوفقكم انشالله انتم السابقون و نحن اللاحقون :dddds:

 

[salsa]

بالتوفيق

 

[كماشه]

مشاءالله تبارك الله
الله يتم عليج انا يالغلا وزني80وطولي157وافكر اسوي شفط وشد لان خلاص مابي اجيب عيال الحمدالله عندي 6 وحامل ب7 في هم بركه شرايج تنصحيني اسوي عنده

 

[sheraZia_Q8]

عليج بالعافيه حبوبه :eh_s(17):

 

[salsa]

مشاءالله تبارك الله
الله يتم عليج انا يالغلا وزني80وطولي157وافكر اسوي شفط وشد لان خلاص مابي اجيب عيال الحمدالله عندي 6 وحامل ب7 في هم بركه شرايج تنصحيني اسوي عنده

شكرا حبيبتي ,
حبيبتي انتي اولدي بالسلامه ويصير خير ,وبعد الولاده حاولي بعمرج برجيم و رياضه واذا ما عجبتج النتايج روحي للحلول الجراحيه انا بشكل عام ما انصح بالجراحه لانها مو سهله والله.. وتقومين بالسللامه ان شاء الله

 

[كنتربري]

حبيبتي salsa أبي أسألج عن د.سامح ماتدرين بيرد الكويت وله لا لاني مسويه عنده نفخ وبكمل معاه ! قالوا ترك ماراح يرجع بعد بس قلت أسألج يمكن عندج فكره!!؟؟؟

 

[Fa6oooma_007]

نصحوني منو احسن دكتور بروح انا حاجزه عند رويال حياة لاني عندي مشكله صحيه من وانا صغيره بالابتدائي طلعت لي كرش كاني حامل وترهلت مع الوقت معني مو متينه الحين بشفطها واشدها واكون شاكره للكل .. وبالنسبه حق الي سوها بمستشفى السلام شلون الممرضات ما يمدحونها يقولون دفشين وايد ومنفين صج هالكلام ولا لأ .. وفيه وحده مجربه الدكتور هشام بورزق ؟

 

[AF (&-&)]

ما شالله تبارك الرحمن

 

[LOLOSH]

صباح الخير


ابي استفسر
جم يوم يظل الالم
وينتفخ الجسم ويزرق ولا لا

وهل الالم على طول ولا ساعات
راح اقدر امشي طبيعي ولا شوي شوي

 

[! GaLaXy !]

@@

شلون تخلين الرجل يشوف جسمج ؟؟؟؟

من ترك لله شيئا عوضه الله خيرا منه

 

[Mrs.Q]

حبيبتي الله يوفقج لكل خير
ماقلتيلينا شلون جلسات السليوليت نفعت وياج؟

 

[3so0ola]

استمتعت وانا اقرا موضوعج

والله يهنيج ويسعدج دنيا واخره

 

[salsa]

حبايبي مشكورين وعسى ربي يغفر لنا ويسامحنا ان كنا اتينا ما يغضبه
بالنسبه لجلسات السيليوليت ما سوت نتايج بس الجلسات مجرد انها نزلت الماي بعد العمليه ,وانا ارجع اقول الرياضه فوق كل شي, وانا حاليا ما املك اي معلومات عن الدكتور ولا عن اخباره ,شاكره مروركم