- إنضم
- 19 أغسطس 2009
- المشاركات
- 6,757
- مستوى التفاعل
- 3
- النقاط
- 0
- الإقامة
- q8
- الموقع الالكتروني
- www.q8yat.net
السلام عليكم
شلونكم عضوات وزائرات
حياكم الله وانشالله تكون التجربه ممتعه ومفيده الكل يعيش اللحظه والاجواء معاي
تجربتي وملاحظاتي بجلسة تنظيف البشره مع نضاره بصالون الشرقيه
من زمان ما كتبت موضوع
طبعا تعودتو مني كل الصدق والامانه والشفافيه بنقل التجارب
وانا الله يشهد ما اقصر مع اي انسان بأي منفعه سواء اعرفه او ما اعرفه
وهذي كانت تجربه ممتعه وحبيت انقلها للي محتاره او متردده او بخاطرها تسوي وتبي تسأل احد مجرب
انا سلمكم الله ما كان جاي على بالي اسوي تنظيف بشره
بس سمعتكم اهني بالمنتدى وايد تمدحون صالون الشرقيه وفي كذا عضوه مدحت تنظيف البشره عندهم
وقلت خل اجرب لاني شوي اجهدت نفسي ومحتاجه ريلاكس حق بشرتي وصار الموضوع بالصدفه
رحت وقلت خل اجرب شخسرانه ان ما نفعني ماضرني بالعكس اكون كسبت وقت حق نفسي..
بنات .. اللي مالها خلق تقرى الموضوع كله انا حطيت مقدمه فيها تلخيص للمعلومات المهمه
واللي فاضيه وحابه تقرى حياها الله
مقدمه~مدخل للموضوع ....
المكان : صالون الشرقيه
الموقع : خيطان مقابل بنك التمويل بجانب كافيه سيبون
الدور الاول
هاتف : 24769510
الخبيره الي سوت لي الجلسه : وحده فلبينيه اسمها جانيت <<علما اظن
المده : ساعه واحده
السعر : 25 دينار ( تنظيف بشره + نضاره) واذا بدون نضاره يصير سعره 20 دينار
وصف الغرفه : ضيجه حيل تقريبا متر بمترين بس تؤدي الغرض المطلوب
الادوات المستخدمه : قطعة ثلج اعتقد ماي ورد - كريمات خاصه - جهاز الخاص لتنظيف البشره - اداة طويله مثل المبرد نهايتها حلقه فارغه تستخدم لتفقيع الحبوب << خوش وصف صح؟
الاجواء: هدوء اثناء الجلسه تفتح الليتات وكل ربع ساعه تسكر الليتات تحط اضاءه خافته وتسويلي مساج وبعدها ترجع تفتح الليت وتكمل جلسة التنظيف..
الموضوع...
اول مارحت الصالون قصيت لي رقم على اساس بحف عندهم لانكم بالمنتدى مشالله مطيرين الصالون وموصلينه للسما
قصيت رقم بس الصالون كان زحمممه
تزهقين من النطره
وانا قاعده عالكرسي نعست وحاسه بصداع وارهاق وحاسه اني ذبلانه
قمت وقفت على حيلي قلت امبيه لا انام بعدين شلون اسوق قمت اتمشى بالصالون عشان اتصحصح
شفت اللي قاعده تنقش واللي قاعده تستشور وانا امشى قاعده اشوف الصور والديكورات واقرى الاعلانات
المهم سمعت وحده تقولها ابي اسوي تنظيف بشره بس اول شي بشيل شيره بعدين تنظيف بشره وقصت رقم وراحت..
تنحت بمكاني قاعده افكر قلت هاا؟؟
خل اسوي تنظيف بشره صراحه كان ودي انسدح شوي اريح ظهري وكنت فعلا محتاجه انعش بشرتي شوي عشان احس اني فرررش
قلت يلا خل اقص رقم وادخل قبل هالبنت علما تشيل شيره بدش قبلها
وفعلا قصيت رقم ودخلت قبلها<<< نحيسه لول
اول مادشيت الغرفه ياحلوها الفلبينيه تهبل نفسها حلوووووووه وتضحك وتتبوسم
افرشت قطعه بيضه على سرير نفس اللي يحطونها تحتج بسرير الولاده<<< عفيا وصف :rerrerek:
وقالتلي مدام فصخي حجابج وعلقي اهني
وفصخته وعلقته
وقالتلي مدام فصخي كل التراجي اللي لابستهم
وتعبتني وانا افصخ مسويه مليون خرمه باذوني هههه وقاعده وافصخ وافصخ واهيا تحن يلا مدام بسرعه عشان تايم.
فصخت حجابي والشوز تكرمون ..وكل التراجي وطفيت تلفوناتي قلت برتاح شوي من الحنـّه لول
وانسدحت واول ما انسدحت يتني النومه وغمضت جد كان هدووء وهذا المطلوب..
قبل ما تبدي الجلسه وله تحطلي موسيقى هاديه
المهم اول شي مسحت ويهي من بقايا الفانوديشن واثار المكياج
عقب ما نظفت ويهي عدل من بقايا المكياج والدهون اللي على البشره
حطتلي ماسك
عقبها خذت الاداة الطويله اللي بنهايتها حلقه دائريه فاضيه وقعدت تحفر بويهي وانا افررررك ريولي ابعض واقولها نو نو
اهيا قاعده تفقص الحبوب النتفه لصغاار مايبينون اتقول هذا بيبي بعدين يصير كبير لازم اشيله
وتشيل وانا اقولها نو نو <<< اخاف يطلعلي حبوب تالي
وهيا تقولي انا شلت الام باقي البيبي لوول
خلصت ورجعت مسحت ويهي ورطبته جان اتروح اتسكر الليت وحطتلي اضاءه خفيفه وكلاسيك ميوزك<< اغاني هاديه كلاسيك
يعني معيشتني جـو
بس صج كان وناسه
وراحت ورى راسي وقعدت اتدلك ارقبتي واااااو جد بغيت اناااااااااااام صج كنت محتاجه هالشي
اخيه ارتحت من تدليكها جان اسألها شنو هالمساج؟؟
جان اتقولي مساج تايلندي مادري عاد تفلسفت علي وله من صجها
تقريبا همزت ارقبتي 5 دقايق وله تروح تفتح الليت
وتكمل الجلسه.. هالمره استلمت خشمي (الانف) وقاعده تحفر وتحفر..حفرت العظمه واقولها بس يعور..
اتقولي لازم انا يشيل هذا حبوب اسود قلتلها يلا عاد انا مافيني حبوب بخشمي
جان اتقولي هذا بيبي صغير انتي مايشوف بعدين يصير كبير !
اذبحتني وعقب ماخلصت من خشمي اسلمت اذوني جان ادز ايدها قلت يلا عاد <<< خقت
خفت اتبط اذوني
ونفس الحجي تعيده لازم انا يشيل بيبي! لوول
رفعت ضغطي ماحب احد يجيس اذوني لول واهي مصممه تقول لازم اسوي كل مكان قلت انزين شرايج تسوين لي مساج بدال تنظيف البشره كان بقالي نص ساعه..
جان تقولي نو مايصير لازم اكمل الجلسه حسستني ان في اجهزة مراقبه داخل الغرفه لول
وحطتلي ثلج وكريمات ومادري شنو صراحه كنت مغمضه ومسترخيه مادققت بالخطوات عدل.
خلصت عقب ما طافت ربع ساعه وله تروح تطفي الليت وحطت اضاءه هاديه
وهالمره راحت عند ريولي آآآآآآآآخ سوتلي مساج حق قاعة ريلي صج صج صج ارتحت وبغيت انااااااام
طبعا سوتلي مساج ريول 5 دقايق
وقامت افتحت الليت
وعلى اخر ربع ساعه سوتلي بجاز النضاره
جهاز كبير طالع منه واير نفس واير تلفون البيت وبنهايته مثل انبوبه ولمت تحطها على خدج تلسع لسعات خفيفه وتكون طبعا مدهنه ويهج بمادري شنو..
وفي بعد جهاز مثل الاستشوار ..تلبسج نظاره وتسويلج فيه للامانه ماشفت شكله كنت مغمضه..
المهم خلصت الجلسه وكنت جدا مستمتعه ... واستانست بسالفتها ان لازم انا يشيل بيبي عشان مايصير كبير لوول
وتطلعين من الجلسه ويهج يلمع نفس لمعة النايلون من الكريم اللي تدهنه بويهج او انبوله او مادري شنو بالضبط
انا طبعا مو كل الخطوات قلتها بالتفصيل للامانه كنت مغمضه ومسترخيه وماشفت كلشي سوته بوييهي
بس اهي تقولج غمضي اذا بغت تمسح ويهج اوفتحي
ولمن حطتلي الثلج حسيت فيه طبعا انه شي بارد وجذي
باجي الاشياء مادققت فا السموحه يعني ان كان في تقصير بالشرح
النهايه
رايي :
ان جلسة تنظيف البشره ممتازه لكن جلسة النضاره خرطي وعاديه جدا اعتقد سويتي نضاره او ماسويتي نفس الشي مافرق معاي الا اللمعه المؤقته بسبب مفعول الكريم اللي حطته
يعني مو تطلعين منهم خدودج ورديه جنج فراوله لاطبعا,
انا ارشح انج تسوين جلسة تنظيف بشره عندهم.. يعني النضاره مو اللي وااااو وايد.. يعني تقدرين تحطين انبوله ورى جلسة التنظيف اعتقد نفس المفعول.. والانبوله من اي صيدليه يم بيتكم انتي اشتريها وبعد ماتطلعين من الجلسه حطي الانبوله لنفسج مع مساج خفيف للوجه...
ملاحظاتي:
صراحه لمن خلصت الجلسه غثتني الفلبينيه وعكرت مزاجي كانت شحليلها بس خلصت الجلسه قلبت!
بسرعه بسرعه تبي تطردني من الغرفه يلا يلا يلا اخذي حجابج بسرعه يلا قومي من السرير يلا شيلي اغراضج يلا بسرعه طلعي في زبون ثاني يبي يدش الحين يلا قومي بسرعه مدام روحي لبسي حجابج بالحمام بسرعه يلا
انا تنحت عليها قلتلها اقوووووول لا تخليني الحين اقعد ربع ساعه البس حجابي اهني عناد ؟
وهيا تقول لالا عشان يبي يغير فرش مال سرير بسرعه يبي يدخل زبون.. قطع ماتنطر عليج تسبب لج توتر من بعد الراحه وصج عصبتني هالحركه طلعت الاسترخاء من خشمي.
مع ذلك استمعت وحسيت اني فرررش
وانشالله تكونون عشتو اللحظات وياي
واستمتعو بالتقرير المتواضع
صراحه كنت بصورلكم غرفة تنظيف البشره اللي قعدت فيها بس مارضة الفلبينيه لوول
يعني كنت بسويلكم تقرير مفصل مع الصور بس مارضت
وبس
شلونكم عضوات وزائرات
حياكم الله وانشالله تكون التجربه ممتعه ومفيده الكل يعيش اللحظه والاجواء معاي
تجربتي وملاحظاتي بجلسة تنظيف البشره مع نضاره بصالون الشرقيه
من زمان ما كتبت موضوع
طبعا تعودتو مني كل الصدق والامانه والشفافيه بنقل التجارب
وانا الله يشهد ما اقصر مع اي انسان بأي منفعه سواء اعرفه او ما اعرفه
وهذي كانت تجربه ممتعه وحبيت انقلها للي محتاره او متردده او بخاطرها تسوي وتبي تسأل احد مجرب
انا سلمكم الله ما كان جاي على بالي اسوي تنظيف بشره
بس سمعتكم اهني بالمنتدى وايد تمدحون صالون الشرقيه وفي كذا عضوه مدحت تنظيف البشره عندهم
وقلت خل اجرب لاني شوي اجهدت نفسي ومحتاجه ريلاكس حق بشرتي وصار الموضوع بالصدفه
رحت وقلت خل اجرب شخسرانه ان ما نفعني ماضرني بالعكس اكون كسبت وقت حق نفسي..
بنات .. اللي مالها خلق تقرى الموضوع كله انا حطيت مقدمه فيها تلخيص للمعلومات المهمه
واللي فاضيه وحابه تقرى حياها الله
مقدمه~مدخل للموضوع ....
المكان : صالون الشرقيه
الموقع : خيطان مقابل بنك التمويل بجانب كافيه سيبون
الدور الاول
هاتف : 24769510
الخبيره الي سوت لي الجلسه : وحده فلبينيه اسمها جانيت <<علما اظن
المده : ساعه واحده
السعر : 25 دينار ( تنظيف بشره + نضاره) واذا بدون نضاره يصير سعره 20 دينار
وصف الغرفه : ضيجه حيل تقريبا متر بمترين بس تؤدي الغرض المطلوب
الادوات المستخدمه : قطعة ثلج اعتقد ماي ورد - كريمات خاصه - جهاز الخاص لتنظيف البشره - اداة طويله مثل المبرد نهايتها حلقه فارغه تستخدم لتفقيع الحبوب << خوش وصف صح؟
الاجواء: هدوء اثناء الجلسه تفتح الليتات وكل ربع ساعه تسكر الليتات تحط اضاءه خافته وتسويلي مساج وبعدها ترجع تفتح الليت وتكمل جلسة التنظيف..
الموضوع...
اول مارحت الصالون قصيت لي رقم على اساس بحف عندهم لانكم بالمنتدى مشالله مطيرين الصالون وموصلينه للسما
قصيت رقم بس الصالون كان زحمممه
تزهقين من النطره
وانا قاعده عالكرسي نعست وحاسه بصداع وارهاق وحاسه اني ذبلانه
قمت وقفت على حيلي قلت امبيه لا انام بعدين شلون اسوق قمت اتمشى بالصالون عشان اتصحصح
شفت اللي قاعده تنقش واللي قاعده تستشور وانا امشى قاعده اشوف الصور والديكورات واقرى الاعلانات
المهم سمعت وحده تقولها ابي اسوي تنظيف بشره بس اول شي بشيل شيره بعدين تنظيف بشره وقصت رقم وراحت..
تنحت بمكاني قاعده افكر قلت هاا؟؟
خل اسوي تنظيف بشره صراحه كان ودي انسدح شوي اريح ظهري وكنت فعلا محتاجه انعش بشرتي شوي عشان احس اني فرررش
قلت يلا خل اقص رقم وادخل قبل هالبنت علما تشيل شيره بدش قبلها
وفعلا قصيت رقم ودخلت قبلها<<< نحيسه لول
اول مادشيت الغرفه ياحلوها الفلبينيه تهبل نفسها حلوووووووه وتضحك وتتبوسم
افرشت قطعه بيضه على سرير نفس اللي يحطونها تحتج بسرير الولاده<<< عفيا وصف :rerrerek:
وقالتلي مدام فصخي حجابج وعلقي اهني
وفصخته وعلقته
وقالتلي مدام فصخي كل التراجي اللي لابستهم
وتعبتني وانا افصخ مسويه مليون خرمه باذوني هههه وقاعده وافصخ وافصخ واهيا تحن يلا مدام بسرعه عشان تايم.
فصخت حجابي والشوز تكرمون ..وكل التراجي وطفيت تلفوناتي قلت برتاح شوي من الحنـّه لول
وانسدحت واول ما انسدحت يتني النومه وغمضت جد كان هدووء وهذا المطلوب..
قبل ما تبدي الجلسه وله تحطلي موسيقى هاديه
المهم اول شي مسحت ويهي من بقايا الفانوديشن واثار المكياج
عقب ما نظفت ويهي عدل من بقايا المكياج والدهون اللي على البشره
حطتلي ماسك
عقبها خذت الاداة الطويله اللي بنهايتها حلقه دائريه فاضيه وقعدت تحفر بويهي وانا افررررك ريولي ابعض واقولها نو نو
اهيا قاعده تفقص الحبوب النتفه لصغاار مايبينون اتقول هذا بيبي بعدين يصير كبير لازم اشيله
وتشيل وانا اقولها نو نو <<< اخاف يطلعلي حبوب تالي
وهيا تقولي انا شلت الام باقي البيبي لوول
خلصت ورجعت مسحت ويهي ورطبته جان اتروح اتسكر الليت وحطتلي اضاءه خفيفه وكلاسيك ميوزك<< اغاني هاديه كلاسيك
يعني معيشتني جـو
بس صج كان وناسه
وراحت ورى راسي وقعدت اتدلك ارقبتي واااااو جد بغيت اناااااااااااام صج كنت محتاجه هالشي
اخيه ارتحت من تدليكها جان اسألها شنو هالمساج؟؟
جان اتقولي مساج تايلندي مادري عاد تفلسفت علي وله من صجها
تقريبا همزت ارقبتي 5 دقايق وله تروح تفتح الليت
وتكمل الجلسه.. هالمره استلمت خشمي (الانف) وقاعده تحفر وتحفر..حفرت العظمه واقولها بس يعور..
اتقولي لازم انا يشيل هذا حبوب اسود قلتلها يلا عاد انا مافيني حبوب بخشمي
جان اتقولي هذا بيبي صغير انتي مايشوف بعدين يصير كبير !
اذبحتني وعقب ماخلصت من خشمي اسلمت اذوني جان ادز ايدها قلت يلا عاد <<< خقت
خفت اتبط اذوني
ونفس الحجي تعيده لازم انا يشيل بيبي! لوول
رفعت ضغطي ماحب احد يجيس اذوني لول واهي مصممه تقول لازم اسوي كل مكان قلت انزين شرايج تسوين لي مساج بدال تنظيف البشره كان بقالي نص ساعه..
جان تقولي نو مايصير لازم اكمل الجلسه حسستني ان في اجهزة مراقبه داخل الغرفه لول
وحطتلي ثلج وكريمات ومادري شنو صراحه كنت مغمضه ومسترخيه مادققت بالخطوات عدل.
خلصت عقب ما طافت ربع ساعه وله تروح تطفي الليت وحطت اضاءه هاديه
وهالمره راحت عند ريولي آآآآآآآآخ سوتلي مساج حق قاعة ريلي صج صج صج ارتحت وبغيت انااااااام
طبعا سوتلي مساج ريول 5 دقايق
وقامت افتحت الليت
وعلى اخر ربع ساعه سوتلي بجاز النضاره
جهاز كبير طالع منه واير نفس واير تلفون البيت وبنهايته مثل انبوبه ولمت تحطها على خدج تلسع لسعات خفيفه وتكون طبعا مدهنه ويهج بمادري شنو..
وفي بعد جهاز مثل الاستشوار ..تلبسج نظاره وتسويلج فيه للامانه ماشفت شكله كنت مغمضه..
المهم خلصت الجلسه وكنت جدا مستمتعه ... واستانست بسالفتها ان لازم انا يشيل بيبي عشان مايصير كبير لوول
وتطلعين من الجلسه ويهج يلمع نفس لمعة النايلون من الكريم اللي تدهنه بويهج او انبوله او مادري شنو بالضبط
انا طبعا مو كل الخطوات قلتها بالتفصيل للامانه كنت مغمضه ومسترخيه وماشفت كلشي سوته بوييهي
بس اهي تقولج غمضي اذا بغت تمسح ويهج اوفتحي
ولمن حطتلي الثلج حسيت فيه طبعا انه شي بارد وجذي
باجي الاشياء مادققت فا السموحه يعني ان كان في تقصير بالشرح
النهايه
رايي :
ان جلسة تنظيف البشره ممتازه لكن جلسة النضاره خرطي وعاديه جدا اعتقد سويتي نضاره او ماسويتي نفس الشي مافرق معاي الا اللمعه المؤقته بسبب مفعول الكريم اللي حطته
يعني مو تطلعين منهم خدودج ورديه جنج فراوله لاطبعا,
انا ارشح انج تسوين جلسة تنظيف بشره عندهم.. يعني النضاره مو اللي وااااو وايد.. يعني تقدرين تحطين انبوله ورى جلسة التنظيف اعتقد نفس المفعول.. والانبوله من اي صيدليه يم بيتكم انتي اشتريها وبعد ماتطلعين من الجلسه حطي الانبوله لنفسج مع مساج خفيف للوجه...
ملاحظاتي:
صراحه لمن خلصت الجلسه غثتني الفلبينيه وعكرت مزاجي كانت شحليلها بس خلصت الجلسه قلبت!
بسرعه بسرعه تبي تطردني من الغرفه يلا يلا يلا اخذي حجابج بسرعه يلا قومي من السرير يلا شيلي اغراضج يلا بسرعه طلعي في زبون ثاني يبي يدش الحين يلا قومي بسرعه مدام روحي لبسي حجابج بالحمام بسرعه يلا
انا تنحت عليها قلتلها اقوووووول لا تخليني الحين اقعد ربع ساعه البس حجابي اهني عناد ؟
وهيا تقول لالا عشان يبي يغير فرش مال سرير بسرعه يبي يدخل زبون.. قطع ماتنطر عليج تسبب لج توتر من بعد الراحه وصج عصبتني هالحركه طلعت الاسترخاء من خشمي.
مع ذلك استمعت وحسيت اني فرررش
وانشالله تكونون عشتو اللحظات وياي
واستمتعو بالتقرير المتواضع
صراحه كنت بصورلكم غرفة تنظيف البشره اللي قعدت فيها بس مارضة الفلبينيه لوول
يعني كنت بسويلكم تقرير مفصل مع الصور بس مارضت
وبس
التعديل الأخير:
