تجربه كل عضوه في الليزر فقط ( المشاركه في التجربه و ليس الاستفسار )

[Om.Zayed]

انااا سويييت ليزر بريلي و وبشنب

وريلي قااام ماااا يطلع ومااادري لييييش ليلحين يطلعلي شوااارب:lkmnkl:

 

[روان1]

سمعت وايد عن الليزر وعن تجارب البنات فيه وحبيت اجرب

وسمعت عن دكاتره وايد في الليزر فكلمت وحد من صديقاتي في الشغل فقاللتي روحي سألي الدكتور ابراهيم العرادي عنده عيادة في م السلام فاتصلت واخدت موعد عنده

المهم رحت عيادته وكانت راقية بديكوراتها والاستقبال كان ممتاز ودخلت العيادة ولقيت الدكتور وايد حبوب ويبتسم ونفسيته حلوه وشرحلي وايد على الليزر الاكتف اكس الجديد وقالي الجلسة الوحدة تساوي اربع جلسات فراكسل

المهم اقنعني كلامه وبشرتي كانت حيل تعبانه وفيها حبوب و بلاوي

طبعا دفعت 450 دينار لزوم الجلسه ودخلت حق اللمرضة اللي حطت لي الكريم المخدر وبعد ساعتين حسيت ويهي مخدر
وبعدين جاني الدكتور وعمل لي الجلسه اللي ما حسيت اي شي فيها وكنت وايد مرتاحة لكلامه وكلام الممرضة اللي معاه بس عل النهاية حسيت بشوية حرقة في ويهي قالي الدكتور عادي تروح بعد ساعتين وفعلا كلامه صحيح بعد ساعتين اختفت الحرقة بس ويهي كان في احمرار

المهم بعد يومين بدا ويهي يقشر شوي شوي وطلعت لي بشرة طرية يديدة

الصراحة بعد اسبوع تغيرت بشرتي وصارت وايد حلوة وناعمة وصار فيها لمعة واختفت الحبوب والنمش

ولما راجعت الدكتور بعد اسبوع كنت وايد مستانسة وشكرته وقلتله دكتور الله يخليك لنا ويبتله هدية

الصراحة يستاهل على تعامله الراقي وصراحته معاي والنتيجة الحلوة بس قالي دير بالك حافظي على بشرتك ولا تطلعين بالشمس لانها تضرك وممكن تحتاجين جلسة ثانية بعد ثلاث شهور

روان 1

 

[بنت التجميل]

حبيباتي أنا كنت أدرس بلندن و هناك كانو يستخدمون جهاز ليزر إسمه لايت شير الصراحه كنت وايد مرتاحه عليه أصلا سويت ثلاث مرات و ما جمت أشوف شعر بالمره مع العلم إن لوني قمحي ، و لما جيت الديرة خواتي مسويين أكثر من خمس جلسات و هم في شعر
أنا جاعده أدور عياده عندها الجهاز إسمه لايت شير لو أحد يعرف يدلني

 

[بنت التجميل]

تجربة إختي مع الأكتف إف إكس
الصراحة إختي كانت وايد بشرتها تعبانة و فيها بقع من حبوب الشباب و كانت نفسيتها بالأرض و لما سمعنا عن الدكتور إبراهيم أنه عنده جهاز يسوي تقشير بالليزر و الناس وايد امدحوا فيه قررت إنها تسوي و أنا رحت معاها ، أول ما دشينا عند الدكتور صراحة وايد محترم و تحسين إنه فاهم و صريح و قالنا إن سعر الجلسة 450 , الصراحه غالي بس قال إن الأكتف أف أكس يسوي تقشير مع حرارة بطريقة امنة و يعطي إمكانية للدكتور إنه يتحكم في عمق التقشير بالبشره ، الصراحه أقنعنا و سوت أختي الجلسة
أول يوم:
كان الوجه عليه قشور بني و إحساس بالحكه بسيط
ثالث يوم :
القشور بدأت إطيح بروحها و تحتيها لون وردي
خامس يوم:
كانت مفاجأه للجميع ، لون بشرتها كان صافي جدا و مشدود و مافي أثر لأي حبة و كانت فيه حفره وايد عميقه من الجدري المائي تحسنت 70 بالميه و إختي وايد مبسوطه
الصراحه أنا بسوي جلسه يوم 2/5 علشان عندهم زحمه و يارب تتحسن هالبقع إلي بوجهي من الشمس

 

[nor_3nya]

بنات عايزة اسأل سؤال
هو فعلا ازالة الشعر من المنطقة الحساسة بتسبب برود جنسى
ولا مش بتسبب كدة اعمل الليزر قبل ميعاد الفرح بقد اية
يااااااااااريت حد يفهمنى و يطمنى لانى خايفة قوى من الموضوع دة
ناس بيقولوا الموس حلو بس المشكلة انة بيطلع تانى يوم و بيشوك و منظرة مش حلو
و ناس بيقولوا كريم ازالة الشعر حلو بس فى ناس بتقول بيسود الجسم و خصوصا المنطقة الحساسة
و ناس بتقول السويت حلوة بس انا عملت سيرش على النت و الكل اكد انها غلط على الرحم و بتهبطة
بجد محتارة و خايفة و عايزة حد يقولى اعمل اية

 

[مسك وانوار]

بنات انا اليوم سويت جسمي كامل عند ريان كلينك

بس احس الشعر ما طاح يعني مو ناعم حيل بس ترا توني جايه من الجلسه

 

[أميره قلبه]

انا سويت عند طيبه كلينك بس والله في شويه حروووق بيدي خفيفه بس منو تنصحني بوحده تسوي بطيبه كلينك وتكوون ايدها خفيفه بالليزر وجربت عندها؟

 

[mi corazon]

اختي سوت عند عيادة المشاري ومرت اخوي هم سوت

اختي كان عندها اثر العنقز طلعلها واهي كبية ومرت اخوي عندها حبوب وبقع

النتيجة لأختي 15% والله شاهد

مرت اخوي النتيجة 40% وردت عادي بعد اقل من اسبوعين

والله الحين آنا ودي اسوي فراكسل بس خايفه يطلع نفس ليزر اختي والمسيجينه لطشو منها 400 دينار على جلسات وكل جلسة كرستال وعقبها بنص ساعه او اقل ليزر

ولا صار اي شي

 

[غدووور الكويت]

هلااااااا خواتي
انا سويت الليزر عند الفيصل التخصصي كل جسمي ماعدا الايد واستمر ت الجلسات سنتين تقريبا والنتيجه حلوه ونعومه ونظافه والحمد لله بس وايد كلفني ويبيله صبر
واي استفسار انا جاهزه
والحين صار لى تقريبا سنه بدون ليزر مرتاحه حتى العلاقه مع زوجي صارت وااايد احسن بعد الليزر​

:eh_s(6):

 

[7reer91]

اللي فهمتة من البنات بشكل عام أن الليزر يطول وعلشان تبين النتايج النهائية أقل شي سنة ويعتمد على لون البشرة ولون وسماكة الشعر يعني يبيلة قعدة وتفاهم مع دكتورتجد اللي عندها ضمير طبعا علشان تكونين على بينة وبعدين الوحدة لازم تسوي ليزر ككل 6 أشهر للضمان صح ؟؟؟؟؟؟؟؟؟؟؟؟؟؟؟؟؟

 

[غدووور الكويت]

لا عزيزتي ليزر الشعر في البدايه كل شهر ونص ولمن يصير الشعر أخف تصير الجلسه كل شهرين وهكذا اتطولين الفتره مع قلة الشعر وأنصحج الاخصائيه الاجنبيه اللي اسمها "جدوي" والحين بديت مع بنتي عمرها 17 سنه علشان اريحها من غاباتها لأنها طالعه على أمها

 

[الكويتـ80ـية]

بنات الليزر وااايد زين بس يحتااج ميزانية محترمة كل شهر .. 300 دينااار...
جربت المشاري ما ارتحت لهم .. ليزرهم حاار ,,,
دلال التركيت اوكي,, بس هم حاار
كير كلينك اللي بحولي اسعارهم حلوة.. و ليزرهم زين
الحساوي كلينك وااايد زينين و الليزر بارد..و الدكتوورة تسويلج

 

[*الماضي على ويش نعيدهــ*]

بنات وين مكان ياكو ابولو؟

 

[الدنيا حلوة]

انا اليوم سويت ليزر في مستوصف مال الله كلينك الى بالسالميه واسم جهازهم ipl والى اكتشفت انه الليزر انواع والعيادات يستخدكون انواع منو استخدمت الipl وشلون نتايجه

 

[الاميره الناعسه]

مشكورة حبيبتي والله يعطيج لان انا مفكره اسوى حق وجهى وانتي وفرتي على 0000

 

[تكبير]

السلام : يا قلبي انا صارلي سنين و ابنين اسوي ليزر حق وجهي, جربت طلال العلي و عادل القطينه و الحساوي كلينك و الانصاري و المشاري . الافضل كان محمد المشاري .... الليزر بارد بس من كثر ما اهو سيف تحسين ان الوجه يحترق و انتي ما تحسين. السعر ما ينزل و غالي. للعلم الوجه مو مثل الجسم, الجسم يخلص بسرعه لكن الوجه يطول وايد

 

[كويتيه_1984]

مشكوورين بنات يعطيكم العاافيه

 

[al7lwa` `]

وااااي بنااات والله حترت معاكم يعني وين نروووح؟؟؟؟؟
انا جربت المستوصف الالماني ماعجبني ليزرهم حاار واحسه قديم ممو بالتبريد......
وممااادري وين اروح طبعا حالي حال كل كويتيه فاتحه ملف كل مكان في كل عياده توني فاتحه عند نوره الصليلي..
بس مااجربت الليزر عندهم....

 

[ملح بدويه]

وين عياده الآكو بلو ؟

 

[soooona]

انا اسوي عند مال الله والله الحمدلله وايد مرتاحه