تجربه كل عضوه في الليزر فقط ( المشاركه في التجربه و ليس الاستفسار )

[توكلت على الله]

مشاركة: كل وحدة ازالة شعر جسمها بالليزر تدخل تفيدنا ..عن تجربتها

انا جربت عند طيبه كلينك بس منطقة الاباط وباقيلي جلستين والحمدلله النتيجه حلوه بس مشكلتهم الزحمه والسعر حلو 30 دينار
وعلى فكرة قبل كم يوم شفت برنامج على قناة دبي حاطين جهاز لازالة الشعر مره واحدة من غير جلسات بس ما عرفت اسم المركز

 

[توكلت على الله]

مشاركة: كل وحدة ازالة شعر جسمها بالليزر تدخل تفيدنا ..عن تجربتها

نسيت اقولكم هذا المركز بدبي و بعد يعطونج ضمانه ان الشعر ما يطلع مره ثانيه ومن جلسه وحده بس

 

[بحرينية حلوة]

هممممم أنا مو من الكويت بس حبيت أشارك معاكم... سويت البيكيني لاين و وااايد عجيب خف الشعر عن قبل و توني قبل أسبوع سويت أباطي بس ليلحين الشعر ما طاح حله يبيله يمكن بعد أسبوع عشان تبان النتيجة النهائيه

و على فكرة أنا سويت عند الدكتور طارق سعيد و الأسعار وااايد أرخص من عندكم
الويه 25 دينار
الأباط 25 دينار
البيكيني لاين 25 دينار
البيكيني كامل 50 دينار
الريول لي فووووق 200 دينار

 

[رند]

مشاركة: كل وحدة ازالة شعر جسمها بالليزر تدخل تفيدنا ..عن تجربتها

والله انا ابي اسوي ليزر بس خايفه ناس يمدحونه وناس يذمونه
احترنااا

 

[جنتي^و^ناري]

رد: كل وحدة ازالة شعر جسمها بالليزر تدخل تفيدنا ..عن تجربتها

ممكن البنات اللي كملوا الجلسات إقولون لنا النتائج

انا سويت جلستين .. طول شوي على ماطلع بس ماخف
أبي أروح عياده زينه
شنو نصيحتكم الله يعافيكم

 

[ام ربى]

رد: كل وحدة ازالة شعر جسمها بالليزر تدخل تفيدنا ..عن تجربتها

السلام عليكم
بنات صار لي من 2002 اسوي جلسات ليزر و ليلحين مستمره حدي زهقت بس هو اهون الشر
يعني احسن من الشيره, و هم يطول على ما يطلع الشعر انعم بس ما نعدم نموه
جربت اول شي عند دلال التركيت كانت معاملتهم حلوه بس لم زادو الناس قامو يخورونه
رحت عند المشاري و ايد غالي و لا ينزل , يعني كل مكان السعر يقلل من جلسة لي جلسة, هديته و رحت عند طيبة كلينك وايد حلو شغلهم بس وايد زحمه
و هم جربت ابعد من الجمال شغلهم اي شي مو مظبوط كلش
و حبيبتي على المركز الي بدبي الي مره و بي و بضمان , مو متذكره حتى اسم الجهاز

 

[جنتي^و^ناري]

رد: كل وحدة ازالة شعر جسمها بالليزر تدخل تفيدنا ..عن تجربتها

الأغلبيه يمدحون طيبه كلينك
شكلي باخذ موعد عندهم

 

[نونو جين]

رد: كل وحدة ازالة شعر جسمها بالليزر تدخل تفيدنا ..عن تجربتها

يابنات ياحبيباتي انا بسال عن شي قالو انه النتايج حسب لون البشره ابي الي سوت ليزر ونتايجه اوكي شنو لون بشرتها
تكفون ابي الرد بسرعه

ميغسي عالموضوع السنع ياسنعه​

 

[مس كاليفورنيا]

رد: كل وحدة ازالة شعر جسمها بالليزر تدخل تفيدنا ..عن تجربتها

انا سويت وتوني باديه
المكان : كير كلينك - بحولي على الدائر الرابع
الاسعار زينه
بالنسبه للمنطقه (( الأبط)) قيمتها تبدي ب 25 دينار وفتح الملف ب 5 دك وبلشت جلستين بس وانطر ال 3
على فكره كل جسم وحسب نوعية شعر وجم جلسه يحتاج
بالنسبه للمعامله حلوه
وان شاءالله افكر اسوي جسمي كله

 

[مس كاليفورنيا]

رد: كل وحدة ازالة شعر جسمها بالليزر تدخل تفيدنا ..عن تجربتها

بناااااااااات
معلومه هــــــــــــــــاااااااااااااااااااااااامه
البشره الفاتحه والبيضه ينفع وياها الليزر ويضبط أكثر من السمره
وهذا كلام من خبراء
ولازم الوحده تتاكد من معدل الهرمونات لازم يكون منتظم وبعدين اتبلش ليزر
لان وحده من رفيجاتي اختها سوت 16 جلسه ومافاد لمن راح للدكتوره قالت معدل هرمون الذكوره مرتفع شوي وعطتها حبوب ونزل المعدل وطاح الشعر كللللللللللله

 

[تعب-قلبي]

رد: الليزر

انا اسوي ليزر عند الانصاري كلنك عند وحده اسمها اديتا اسوي الوجه فقط من دون الشوارب تقريبا صار لي سنه كل شهر اروحلها واحس ان ليزرهم مو قوي لان الشعره لحد الان تطلع طويله وسوده جنه رياااااااااال
ومفكره اغير بس نبي تفاعل من الاخوات ونصايحكم

 

[سارا ديور]

رد: الليزر

مشكوووورين حبايبي

انا بصراحه رحت سويت ليزر

في دار البراء كلينك

عند الدكتوره منى تهبل وشاطره

سويت شورابي

احتجت 3 جلسات

اول مره دفعت 20

ثاني جلسه 15

ثالث جلسه 10

والحين مااحتاج الحمد لله

 

[Viva La Vanilla]

Viva La Lazer
يعيش الليزر الصراحة انا ما سويت بالمؤخرة على قولتج لول
سويت بويهي
و طبعا ويهي اهم من المؤخرة
بالعكس اصلا بشرتي حيل تعدلت مع الليزر و الشعر صار يطول ما يطلع و قل مو بس انا
كلنا انا و خواتي و والماما و بنات خالتي و خالاتي و الحمدالله و لا صار معانا لا حرق و لا مضاعفات الف الحمدالله
اذا تبين سوي بطيبة كلينك شغلهم 150% مضمون
و لا تخافين لانه فعلا الشعر ينرفز
بس اذا انتي من عشاق التشمس هم بعد ما ياثر
Taiba Clinic Telefone :808088

انا اسوي بطيبة كلينك
صج زحمة بس شغلهم حلو
و السعر 15 دينار
بس يبلش ب 35 و كل مرة يقل السعر

Taiba CLinic

 

[Filakawyia]

انا اسوي عند عيادة الدكتور محمد المشاري

و هاذي اسعاره

الوجه 50 دينار
الشارب 10 دينار
اليد 85 دينار
الرجل 170 دينار <== مو متاكده
الابط 40 دينار
الظهر 135 دينار

و النتيجة تلاحظينها من اول مرة

و كل جلسات الليزر تطول اكثر من 6 جلسات

و بين كل جلسه و الثانيه من شهر الى 4 اشهر

يعني تاخذين سنة او سنتين على ماتخلصين و خاصه شعر الوجه لان خفيف حيل فيطول اكثر

و يفرق بعد مع لون البشره يعني البشره السمرة تطول اكثر

انجليكا . . . لا بالعكس لا يسود ولا شي انا مسوية ايدي كامله مع الابط ب 85

النتيجة : بداية ظهور الشعر كل 3 شهور مرة . . . و الابط مايسود . . . و كانت ايدي حساسه من كل شي . . شيرة . . موس . . شمع . . ماكينة . . ماتتخيلين اشكثر استخدمت اشياء و كله ماكو فايده تنفر كلللللللللللها و مع الليزر صارت صااااااااااااافيه اللهم يوم اللي اسوي ليزر طبعا بيطع نفر لمدة يوم واحد او اقل و يروح ماله اي اثر . . عادي نفس اول ماتحفين مو المكان يصير احمر و ينفر . . . شي عادي يعني

طموووش . . . بالنسبة للاسعار طيبة كلينك يقل السعر مع الوقت و بعدين يثبت . . . بس عند المشاري لا . . . كل جلسة تدفعين نفس المبلغ

بس ما راح تروحين كل شهر . . يعني كل شهرين او 3 شهور مرة . . فمايصير عليج ضغط بالمبلغ

بصراحة ارتحت وااااايد و نسيت شي اسمه شيره

حطي بحث على مواضيع الليزر راح تلقين وااااايد مواضيع تفيدج

عيادة المشاري بالمركز الاستشاري الطبي

و انتي رايحة السالمية عن طريق الدائري الرابع

بتشوفينه قبل اخر اشارة عاليسار

اخذي فوق تحت ( قبل الاشاره )

هذا رقمهم 5657979

اذا رحتي لا تنسين تقوليلنا عن تجربتج

مشكورة جنان عالنصيحة و فعلا التكنولوجيا كلها لها اخطارها

بصراحة انا ماعندي ذيج المعاناة مع هالمنطقة و ظهور الشعر فيها واااايد خفيف بس مع ايدي سويتها مرة وحده و جم جلسه بس ماكثرت

بس في بنات يعااااااانون من هالمنطقة و متأذين وايد سواء من الشعر او الافراز الزايد او اشياء ثانيه

و الليزر يعالج بعد مو بس يمنع ظهور الشعر

و كل وحدة و رغبتها

و مشكورة على تنبيهي و تنبيه البنات ​

 

[ريومة]

رد: الليزر

وانا سويت بعد


انا ذبحني الشعر فيني غدة


ونصحني الدكتور مال الغدد بالليزر للاباط لاني تعبت حساسية من الشيرة


وصراحة ميه ميه من اول جلسة للجلسة الثانيه و لاشعرة

و سويتها عن د طلال العلي تدفعين مقدم 88 دينار سعر اربع جلسات والحمدلله

وانصح فيه ولولا الميزانية سويت جسمي كله

 

[noony_online]

رد: الليزر

انا مشكلة ريولي شعر و كلها نقط سويت 5 جلسات عند لايف ميديكال كلينيك خف الشعر وااااااااااايد تقريبا ماكو والنقط خفت بس هم موجوده الآثار ,اول اربع جلسات كل جلسه ب 80 والخامسه ب 70

عاد انا شفت ناس مسوين ليزر حق ريلهم واااااااااايد صارت ريلهم احسن عاد انا غيرت المكان و امس كانت لي اول جلسة عند بو حمره وحده اسمها ادنا الجلسه الوحده ب 70 بس انا خذيت الpackage اللي خمس جلسات ب 280 يعني جنها اربعه والخامسه فري و هم مع كل جلسه تروحين عقبها بجم يوم تسوين checking انا رفيجتي مدحتلي اياها وليلحين ما بين شي توني امس اول جلسه معاهم بس شكلها زينه و فاااهمه شغلها. وهم يوم قتلها اني انا مسويه بمكان ثاني 5 جلسات قبل و ما راحت كل النقط جان تقولي ميخالف هذي يبيلها وقت طويل عشان تختفي كلش و هم قالتلي ان النتيجه اللي اهيا شايفتها زينه.

وبالنسبه حق ايدي اسويها عند هناء العدساني من السنه اللي طافت بديت معاهم تقريبا ست جلسات اهما قالولي عقب خامس جلسه ما يطلع الشعر بس والله طلع بس طبعا احسن من قبل يعني شهرين و يطلع بس ماراح كلش
والجلسه عندهم ب 60 و ما يقللون السعر

 

[donat]

بنت حماتي سوت عند د.المشاري اللي تسويلها وحدة مصرية تمدحها وايد بس قبل لا تطلع من البيت تحط انبوبة كاملة من مخدر املا وتلبس السروال بدون ما تغسل و تروح العيادة و هم تدخل غرفة و تحط انبوب مخدر ثاني و تنطر دورها ... والله تحلف تقول ما تحس بشي....

 

[تولين]

شوفي انا مسويه عند كير كلينك بحولي حلوة اسعارهم و حلو شغلهم
و يمدحون طلال العلي بعد

اي عندج وقت حسب المكان اللي تبين تسوينه ..
بس الشعر يطلع خفيف و بين كل جلسة و الثانية شهرين تقريبا حطي في بالج
وانتي حسبي لشهر 2 جم جلسة ..
اهي في العادة 4 جلسات إلى 6 كااافي و في ناس يقعدون ل 8 جلسات

 

[بشور]

مرحبا
اختي miss. q8 انا الصراحة جربت ليزر الدكتور طلال العلي الصراحة خطيييييييييييييير يعني شغله وحدة بوحدة واسعاره بالنسبة لباقي العيادات معقولة انا سويت الليزر لويهي واباطي وظهري ورقبتي وباقي جسمي بالطريق انشالله وانا الصراحة مشعره .........
بس ديري بالج انا ويهي حساس وعقب خامس او سادس جلسه بشرة ويهي قامت تتقشر وتحبب حبوب مؤقته
واشالله تستفيدين حبيبتي
باااااااي[/QUOTE]

 

[rzaan77]

انا مسويه منطقة الابط هم عند طلال العلى والله حلو شغلهم بس انا خذيت عرض كان فى 4 جلسات تقريبا 100 دينار اعتقد مع فتح الملف