تجربه كل عضوه في الليزر فقط ( المشاركه في التجربه و ليس الاستفسار )

[أم حسون]

انا اخر هالشهر حجزت حق ياكو ابولو وانشالله يكون شغلهم تمام

 

[أميرة 22]

منو جربت ليزر مستشفى لندن وشلون اسعارهم ؟؟؟؟

 

[fayoona74]

انا سويت عند رويال حياة تمام وايد خف الشعر بس كل مرة تزيد الدرجة يعور

 

[Graviту]

ام حسووون

قوليلنا النتاااااااايج :]

لان ناويه اسوي لما افضى انشالله
لان حده ودي :’’’’’’’(

 

[عـسـلـهـمـ..]

رد : تجربه كل عضوه في الليزر فقط ( المشاركه في التجربه و ليس الاستفسار )

بنات عياده بياكو ابولو لازم اخذ موعد ولا عادي اروح جذي من غير موعد؟

 

[sweet 2]

رد : رد: تجربه كل عضوه في الليزر فقط ( المشاركه في التجربه و ليس الاستفسار )

أنا بصراحة سويت كل جسمي عن زينب واهيا وااااايد شاطرة و شغلها حلو و أنا حدي راضية عن النتايج

 

[أم حسون]

عسلهم لازم موعععععععد ومواعيدهم زحمممممممه وبالغصب يردون عالتلفون

 

[Toulin RTN]

رد : تجربه كل عضوه في الليزر فقط ( المشاركه في التجربه و ليس الاستفسار )

انا تجربتي كانت بياكو ابولو
والحمدالله كانت زينة لكن للأسف بعد الحمال رد الشعر مرة ثانية

 

[omsaja]

رد: رد : تجربه كل عضوه في الليزر فقط ( المشاركه في التجربه و ليس الاستفسار )

بنات عندي سؤال

انا سويت ليزر للاندر ارم الجلسه الاولى من 3 اسابيع والاسبوع الياي اكمل شهر

بس ما طلع شعر اسوي الجلسه والا انطر ليما يطلع شعر تالي ارد اسوي؟

الأفضل إنج تنطرين لما يطلع الشعر عشان يعرفون شنو الأماكن اللي ما مروا عليها باليزر

 

[omsaja]

أنا سويت ليزر عند ياكو والغرشوب واثنينهم زينين بس بشرتي حدها تعبانه وحساسه يعني يسون لي الليزر بأقل درجه وهم ما كو فايده أحس بالعوار والنغزه بس عادي أتحمل، ومساكين يقولولي ترى احتمال ما ينفع معاج حتى خواتي لما يعرفون يقولون ما ينفع معاج بس الحمدالله نفع بس آخر مره فخذي اليسار نصه احترق لأن باقي فيه كلف الحمل وما راح وشعري يابس فالشعر لازم درجه ولون البشره الغامجه لها درجه من جذي احترقت ولا أنا بنفس الوقت مسويه نص جسمي اللي تحت ما صار فيه شي إلا فخذي اليسار!!
المهم الحين بنات اللي احترقت من الليزر وراحت العياده شنو عطوها من كريمات عفيه خل تذكرهم بليييييييييز.
أنا رحت الجلديه وعطوني فيوسيباكت ب -والميبو وخف وايد الحمدالله والحين صارلي أكثر من 9 شهور وفيه آثار وقالوا لي استخدمي كريمات التفتيح ،فشنو تنصحوني فيه؟كل يوم أقول باجر أروح الجلديه وأنسى ولا أتعيز ولا مافي وقت!!على ما أذكر أروح الجلديه إلا مسكرين وقالتلي وحده أستخدم كريم سودوكريم صارلي فتره استخدمه مادري أحس النتيجه حيل بطيئه تقريبا ماكو شي! وشريت خيمة السونا عشان قلت يمكن مع المغربي يفتح جسمي والله كريم.

 

[!! شوق !!]

بنااااااات ضروري منو جرب المنار كلينك .. عندهم خوش عرووووض ..

 

[Ms.Roon]

ياكو ابولو
وين
صااير ابي عنوانهم ؟؟؟؟؟؟؟؟؟؟؟

جم اسعارهم الليزر حق الويه ؟؟؟؟؟؟

 

[Sofi*]

رد : تجربه كل عضوه في الليزر فقط ( المشاركه في التجربه و ليس الاستفسار )

هاي بنات، شلونكم؟
حبيت اقولكم عن مكان يسوي جهاز اسمه ال IPL او ال Soft light اهوه جهاز نفس الليزر بس احسن منه بوااايد انا جربته والله حدددده عجييييب ما يحرق ولا يعور ولا فيه سايد افكت مثل الليزر.
سويت عند وحده صينيه اسمها سيا والله حدها عجيبه يعني تشتغل بضمير و معاملتها تينننن :icon30: في مكان اسمه Body Art Cinter - بودي آرت سنتر بالسالميه، و كانت النتايج حدها زينه يعني خف الشعر واااااايد من اول جلسه، و انشالله بعد جم يوم بروح اكمل عندهم

.
والله بنات انصحكم تروحونله وتجربون بنفسكم وهذا رقمهم اذا تبون تستفسرون عن اي شي 25663808.

:bye22:

 

[FTOoMI]

رد : تجربه كل عضوه في الليزر فقط ( المشاركه في التجربه و ليس الاستفسار )

ع ـوافي بنات ~

 

[أمـونة]

رد : تجربه كل عضوه في الليزر فقط ( المشاركه في التجربه و ليس الاستفسار )

أنا سويت منطقة البكيني عند ياكو ابولو أول جلسه لي
شي روعة ولا احترقت ولاتحسست مع ان بشرتي بهالمنطقه حساسه
دايما حبوب و حكه
طلع الشعر بعد اسبوعين بس بعدها باسبوع طاح ثلاث ارباعه
وبقى الي كان اصلا مو طالع يعني كنت شايلته من قبل بشيره
جلستي اليايه بآخر الشهر

 

[Graviту]

اموونه حبيبتي
انا بجرب بياكو ابولو حق ريوولي كاملين ماتعرفين بجم؟

و يا ريت تكتبين عنوانه

 

[hooryah q8]

رد : تجربه كل عضوه في الليزر فقط ( المشاركه في التجربه و ليس الاستفسار )

والله انا من زمان بسوي بس خايفه والحين تشجعت من تجاربكم
بس ان شاءالله مايحترق جسمي

 

[أمـونة]

رد : رد: تجربه كل عضوه في الليزر فقط ( المشاركه في التجربه و ليس الاستفسار )

اموونه حبيبتي
انا بجرب بياكو ابولو حق ريوولي كاملين ماتعرفين بجم؟

و يا ريت تكتبين عنوانه

إن شاالله الجلسه اليايه أشوفلج السعر واعطيج خبر
بس فتح الملف ثابت بـ10دنانير بس

عنوانهم مااعرفه بالارقام بس إذا كنتي يايه من صوب مستشفى الراشد بالسالميه (على ايدج اليمين)
تييج إشارة تقاطع قبل تقاطع السوق والمطافي بالزاوية عاليمين فيه بنايه لونها برتقالي
واللافته اشكبرها فوق مكتوب عليها (ياكو ابولو)

موفقه

 

[Graviту]

انشالله

مشكوووووووووره حبيبتي

 

[baronkyh]

بنات بسألكم واتمنى تجاوبوني
الحين لمن اسوي ليزر حق ريلي . ملمس الريل بعد الليزر شلون ؟؟؟ ناعم ولا خشن ولا عادي
والمسامات تروح مع الليزر؟؟؟
ولمن تمر فترة والشعر يبدي يطلع شلون يكون شكله خشن ولا ناعم ولا خفيف ويكون جذي واقف ولا عادي؟
انا احاتي هالشغلات وخايفه

وبغيت رقم ياكو ابولو الي تعرفه اتمنى تعطيني اياه