:: تجـاربـكم مـع عيـادات الحـكمـة للأسنـان ::

[رورو الحلوة]

ام الحلوين مشكورة على الموضوع استفدت منه الصراحة لان هذا الهم

اللي شاغلني هالايام جزاك الله خير

 

[Alia]

بنات وينكم؟؟؟

ابي شي قريب يعني الشعب السالمية حولي الفيحيحيل بعيدة علي!

 

[LaSt WoMeN]

انا سويت تقويم عند د.سوريش بالحكمة و سوالي بس تحت
ما سوا اللي فوق يقول ماله داعي ... و خرب اسناني الحين ما اقدر
اسوي تقويم لأن الفك اللي فوق تغير عن اللي تحت !

 

[كويتية عسل]

بنات انا سويت (تجميل حق اسناني ) كنت شايله انيابي لان مكانهم علط وسويتلي انياب يديده من الطواحين الي ماخذين مكانهم عند عياده بفحيحيل تصير فوق سناء اسمها عيادة حسين فولاذي الحين صارلي خمس سنوات محد مصدق ان هذيل مو اسناني واني ملبستهم من كثر ما شغله ممتاز وضابط اللون والشكل
ودمتم

السلام عليكم

اختي بجم كلفج كله ؟؟؟

 

[Alia]

انا سويت تقويم عند د.سوريش بالحكمة و سوالي بس تحت
ما سوا اللي فوق يقول ماله داعي ... و خرب اسناني الحين ما اقدر
اسوي تقويم لأن الفك اللي فوق تغير عن اللي تحت !

فلانه ماتشوفين شر بس ليش سكتي عنه ؟

جان ريحتيله يعدل شغله:eh_s(1):

شنو جنسيته؟

 

[Ga6waah83]

حبيبتي مستشاره قانونيه ما تشوفين شر
كلنا جذي العوار يشق شق اول ما يركبه وخصوصا لي صار بالليل
يعني يبيلج اسبوع اسبوعين ويروح العوار نهائيا
وكل مراجعه طبعا يشده ويصير بعد عوار بس اخف اشوي

 

[ام الحلويين]

حياكم الله بنوتات

 

[طير الحب]

خوش موضوع انزين انا بسوى حشوات القديم بشيله واحط يدد وابى ابيض جم يكلف وفى دفعات

 

[ضحـاوي]

انا دايما اروح الحكمه الي بحولي ( بلازا )

وايد زين والدكتور الي اروح له اسمه : د .خالد مهران

ايده خفيفه وباله طويل

حتى بنتي الصغيره وديتها له وعالجها بس بنتي ما كملت علاجها

لانها تخاف من الحشوه واذته واضر يشلع ضرسها

 

[ضحـاوي]

بس نسيت اقول لكم انه غالي جدا جدا

يعني مثلا لما اروح اقط على علاج العصب تقريبا 230 للضرس الواحد 600 للتركيب

 

[الحياة]

بنات انا الحين ودي اسوي تجميل حق اسناني وواسوي لهم تركيب اسنان بدال الانياب.. بس شكلي بروح الحكمة بس جنه غالي وااايد..؟

قولوه عنه اكثر بخصوص التجميل

 

[ضحـاوي]

حياة وايد غالي التركيب عندهم

مادري زراعه او تركيب مادري الي يحطون مسمار داخل

والعياده غاليه وايد

والحشوات الي حطيتها عندهم طاحت وفي ناب مركبته عندهم عقب 3 سنين طاح

كلامي كله للامانه صار معاي ,,,,,, شوفي لج عياده ثانيه

 

[سارة_kw]

انا جربت الدكتوور خالد مهران

نظفت اسناني مع قص اللثة كانت ملتهبه عندي وشال ضرس وحفر ضرس بس ما شاء الله ايده خفيفه

كل هذا 440 دينار وصج ترى انا خووافه ما احب اطبااء الاسنان ما ادري شلون استسلمت له لووووووووووول ولا الولادة اكرها لوووووووول

ولا راح يركب لي ضرس بدال اللي شاله بعد شهرين ما ادري بجم اذا ركبته اقول لكم

 

[sweet-kamelia]

انا بإذن الله بسوي تركيب زيركون لاسناني الجدام السته بعيادة الحكمه الفروانيه
عند الدكتور علي منصور
الحمدلله انا متطمنه واهو ينصح ومحترم