تجـاربي مع التـان .. Self and Sun tan

[Isabella]

الســلام ...

انا عـاشقة و متيمة للـون البرونزي الاسمر

لوني قمحي فاتح .. مابي اقـول بيضة لاني ما احب البيــاض

اي نعم ... ما احب البيـاض
و اشـــوفه بــاصج ..

يعنـي جد
البيــاض بصـاجة
تحسين ورقة بيضة لا تسمن ولا تغني من جوع
مافيه جـاذبية .. ما يلفت
و غير جذي يطلع العيوب
الخشم يبين اكبر
و الاسنان تبين صفرا .. حتى لو اعتنيتي فيها
تبين اوف وايت
و الشفايف مو اي لون يلوق لها
و حتـى اللبس ... ما يلفت .. عادي مهما لبست يبين عادي

طاعـو الفرق ..

بين لون شعرها و عيونها .. تحدد خشمها
و اعتقد ان كـافي تحط حمرة فـاقعة و تكسر الدنيــا

طــاعوا بيونسي .. ملكة الجاذبيـة
والا حبيبة الشعب كيم كارداشيان

و الا زوجة الوليد بن طلال .. بعرس ويليام شحلاته لونها

انـا لمن اقول سمار مـو قصدي سمار سمار
قصــدي لـون زوجة الوليد بن طلال بعرس ويليام
اللـي اتوقع ثلات ارباع بنات ديرتي الحبيبات نفس لونها
الـلون الخليجي الحلو ..

مع شعــر اسود و عيون مكحلــه
ايباااااااااااااااااااااااااااااااااااااااااااااااه
جد جد .. ما تلاحظون
الخشم شكله يبين ادق .. الاسنان بيضا
الملامح تتحدد .. يصير الشكل يلفت

مع تان .. يعطي جاذبية

لا صـار هذا لــوني
ادش محل الميك اب و اخمط اللـي يعجبني من الحمر و عيوني مغمضة
كلا حلو


........................................................


بعد هالمقدمة الطويلة العريضة
بتكــلم عن جم شغلة

اول شي .. الـsun tan
اللي تتنقعون فيه تحت الشمس

في شغلة فاهمينها غلط بخصوص تان بنانا بوت

و اكـو غير هذيلا 2 .. و 6 و 8 او 10 اعتقد
الرقم الموجود علــى القوطي
هذي درجة الحماية السن بلوك ..
كــل ما كانت اكــبر
معناته انج ماراح تصبغين بسرعة ..

هذا حق اللي خايفة على روحهــا
ما تبي تصبغ وايد

اما هذا

فمافــيه سن بلوك .. حماية
يعطي تصبغين بسرعــه
و عن تجربة .. يعطيج لــون خطييييييييييييييييييييييييييير :rerrerek:

بالنسبة لي اهوا التــوب سواء بروحه او ان حطيتي وياه شي

السنه اللي طافت
حطيت ماي الحنه على جسمي
و عقب حطيت دم الغزال البنفسجي
و عقب رشيته
و تنقعت بالشمس !!!

عطاني لـــون عجيب حيل حيل حيل

حتى كان عندي مناسبة
خذيت نفنوف اورانج فاقع
و دهنت جسمي بفازلين اللي بالصبار عشان يعطيني لمعه
نفس الافلام
وايد وايد وايد حلــو
و يلفت .. تحسين نفسج غير


و الحين بتكــلم عن الـself tan

عن تجربة ..
كلارنس .. و بس و الباجي خس !!

وريحته حلــوه .. على حنه
يعطيج لـون برونزي حلو من اول استخدام

انا لمن استعملته
لبست شورت و بدي و حطيته و قعدت ساعة وربع حاكرة نفسي بداري
<< استحيت اطلع
بس عقب لبست هدوم البيت العادية و قعد احوس
بعد 4 ساعات لاحظت ان لوني تغير .. ما غسلت
نمت و قعدت .. و حصلت لون وايد حلو




اخر اخر اخر شي

حق اللي خايفين على عمرهم .. وودهم بالبرونزي
يعني تبينه حق مناسبة شي طلعه
مثل كريم الجسم

عندج مال فور ايفير
face and body liquid make up

انا ماخذة رقم 42
غامج بس حــلو
خاصة حق اللي بشرتهم فيها عيوب و حبوب خاصة الظهر
ينفع حق المناسبات
انقذني مرة من المرات
و حق الويه و الجسم
و نصيحه
وزعــوه بفــرشة


ان شـاء اللـه اكـون فدتكم
اي سـؤال او اضافه حــاضرة

Have a nice Summer :eh_s(7):














​

 

[( المـلاك )]

مقدمتج طابه فينا طب احنا يالبيض لوول
بس كل من له وجهه نظر
انا اشوف لوني اهو الطاغي وانتي تشوفين لونج اهو الطاغي
لووول ماراح نختلف مثل ماقلت وجهة نظر


ويعطيج العافيه على الموضوع
صراحه حيل استفدت من تجاربج
خاصه اني ادور الحين على السيلف تان
بس بسألج حبيبتي
السيلف تان جم ساعه اقعد فيه ؟
و متى يروح الللون ويختفي من على جسمي ؟


و ملاحظة حبيبتي
الصور ثلاث ارباعها مو طالعه ،،


و مشكورة مرة ثانيه و يعطيج العافيه

 

[rww3a]

يعطيج العافيه يا قلبي

انا تان طبيعي لوووووووووول p:

 

[ghayoooda]

واااااو انا اموووت على التاان حتى اذا سويت تان احسس اطلع احلى من البياض

 

[عجميه زوغه]

اشوا انا توني شاريه سن تان من بوتس بدون حمايه

بس سؤال اذا صبغت متى يرد لوني انا اخاف يطول معاي واتوهق ومايرد لوني

 

[Isabella]

الملاك

لـول ..
مع هذا يبقى اللـون مو كل شي
بس تجديد و تغيير لـوك

مثل ما قلت
اول شي قعدي فيه ساعة بروحه
بدون لا تلبسين فوق المكان اللي حطيتيله تان
بعديبدين لبسي و عيشي حياتج
و ادا تبين نتيجه حلـوة ..
لا تغسلين الا عقب اكثر من ست ساعات

متى يروح هذا شي يعتمد عليج
و جم مرة تتسبحين
مع التفرك و التسنفر جم مرة يروح
ما يعلق وايد بالجسم ..
ان طول طول اسبوعين << اصد السلف تان

اللـه يعافيج

اي عدلتهم خليتهم طالعين

العفــو
اسعدني ردج




روعــة

اللـه يعافيج ..




غيودة

اي حتى انا
احس بثقــه اكبــر
وايد احلى .. و مثل ما قلت يجذب و يلفت


عيون مغليها

اذا سن تان
بيطول وياج على ما يرد
بس راح يرد لونج
اذا سلف تان
مع التفرك و السبوح يروح





​

 

[Japanese]

واااااي آآآآمووووت ع التان!!!! التان اللي تكلمتي عنه مال بنانا بوت وايد يمدحونه بس للآسف ماقمت اجوفه بجمعياتنا :/ يبيلي ادور عدل!

اخر سن تانر خذته مال نيفيا وصراحه ماجربته ف ماعرف اذا هو حلو ولا :< آخر مره رحت البحر ماطولت وايد لآن كان زحمه :/ يآآآوو

بس ان شاء الله قريب اروح اتشمس! باموت ابي اسمر مايعجبني لوني الفاتح :/ احس نفسي شهبه وبدون حياه لووووول

اي بخصوص السلف تانر بعد جربت T.bronze اظن هذا اسمه ،، طلبته من امازون وجربته وااااااي خورافي خورافي وايد وايد عجبنننننننييييي

جربت غيره بعد بس ماعجبوني نفسه

وهاي خلاصه تجاربي لوول مب وايد كككك

مشكوره ع الموضوع!

 

[مسك حياتي]

يعطيج العافيه ...

حلو التان احس تغيير و حتا الحنطيه يوحد لونها ...

 

[شيخه***البنات]

يعطيييييج العافيه ..

انا الاحظ لي حطيت ميك اب برووووونز الكل يقولي صايره تهبلييين ..

ولي حطيت وردي عادي مايلفت .. صج البرونز يحطط الملامح و يبرزها ..

بس هم البياض له دووور لاتظلميييييين البياض لول ..

 

[kwait doll]

سمرا وبيضه حلوين لوول

ثااانكس

 

[Stunner]

اصلن التااااااااااان حده حلوووو
بس بصراحة انا اخاف اقعد في الشمس واحط كريمات

بس احب احط بلاشر تان ويطلع وايد حلووو

وايام المدرسة كان بروحه يصير لي تان كان وايييد حلوو

بس اذا بدون مكياج يطلع موحلووو

 

[3arostk ana]

محد منكم جرب السن تان من n7 !!??

توني شاريته شرايكم فيه

اول تجربه لي فالتان

 

[&موناليزا&]

مشكورة حبيبتي

 

[فيووونه94]

سلام عليكم حبايبي
صراحه شدني الموضوع
ودي تفيدوووني شوي اذا ممكن
(( بنات حبايبي انا لوني سمره يقولون حلو سماري بس ما يعجبني وايد
ولمن احط المكياج مرات يصير اجلللح وجي يعني
بسالكم يصير احط تان برونز اللي تقولون عنه ولا لا ؟؟؟؟
او احط تان نيفيا لانه امي ما ترضى احط تان هههههههه وبنفس الوقت مو قادره اصير افتح الله يخليكم
بحط تان وهي ما تدري الله يخليكم فيدوني وردو علي امانه
​

 

[فيووونه94]

سلام عليكم حبايبي
صراحه شدني الموضوع
ودي تفيدوووني شوي اذا ممكن
(( بنات حبايبي انا لوني سمره يقولون حلو سماري بس ما يعجبني وايد
ولمن احط المكياج مرات يصير اجلللح وجي يعني
بسالكم يصير احط تان برونز اللي تقولون عنه ولا لا ؟؟؟؟
الموضوع الأصلى من هنا: منتديات كويتيات النسائية http://www.q8yat.com/t899274.html#post32905128
او احط تان نيفيا لانه امي ما ترضى احط تان هههههههه وبنفس الوقت مو قادره اصير افتح الله يخليكم
بحط تان وهي ما تدري الله يخليكم فيدوني وردو علي امانه

 

[fatimah1]

اي الله بنانا بوت جربته بالسفر مره عجبني لما تغير لوني استانست ولي اللحين موجود احبه وهم البياض حلو يسلمووو