تجـع لجميـــع مـواليــد سنـة 2015 حيااااااكمـ كروشـااات

[rose red]

رد: تجمع مواليد شهر يوليو 2015 ان شاء الله

الخدم حاليا

الهنود 850 مادري 950 طلب المعاش بين 80 -90 واجازه يوم بالشهر وموبايل هذا شرط بالعقد

الفلبن اول مره 850 ومعاش 110 و موبايل بدون شرط الاجازه

السيلانيات 1200 ومعاش 80

ما عمر احد من اهلي طلب فلبينيه هذي اول تجربه لي ومتخوفه منها بس الله يسخرها ان شااء الله ..

لما فريت كل الهنود و السيلانيات اعمار كبيره ما حصلت كلهم فوق 40 ف طلبت فلبينيه و ان شاء الله خير ابيها تنظف و تساعدني اب بنتي مر تجابها 24 ساعه لا بدخلها حضانه الشهر الياي ف احتاجها لشغل البيت و الاوتي و بعلمها شوي طبخ لان ساكنه مع حمولتي

الي مجرب الفلبن شنو تنصحون بالتعامل معاهم ؟؟ للعلم بقولها تلفونج بدارج مايطلع وقت الشغل اببد واذا ابي شي وانا بره ادق على تلفون الشقه الارضي تردين علي .. شرايكم ؟

 

[دقات قلب ميته]

رد: تجمع مواليد شهر يوليو 2015 ان شاء الله

شلووووووونكم بناات والله محتاسين مع الخدم

انا ما افكر اييب خدامه وعديت هالسنين على بنتي العوده بي الحين قاعده اتعب دبل

وفوق كل هذا بييب 3 اذا ربي اراد بس لو اموت ما ادخل خدامه بيتي وانا فعلا دافنه نفسي بالحباه

دوام وكل يوم اقط بنتي الصغيره على بيت امي وارد اخذها وهذي حياتي خمام وتنظيف ومجابل بنتي وتدريسها والصبح اجهز عمري واجهز بنتي الكبيره وبنتي الصغيره

وغير امور البيت وان طلعت مكان مسووليتهم معاي فنادر ما اطلع مكان

انشالله يكبرون واكون ماقصرت معاهم وحزتها يراعوني وما يقصرون معاي

لان فعلا فعلا فعلا هلكت وتعبت ودافنه نفسي بالحياه

 

[HOT^CHOCOLAT]

رد: تجمع مواليد شهر يوليو 2015 ان شاء الله

الله يعطيكم العافيه بصراحه شتسون وكله بأجره دقات انا دفنت نفسي سنه ونص لما كبرت يالله طحت على خدامه سنعه شسوي ابيها تشيل واحط وتكوي وتغسل لو مودوام ماحط بس موظفه تحتاج

 

[bubble.gum]

رد: تجمع مواليد شهر يوليو 2015 ان شاء الله

شوفي دفات كلامج صح وان شاء الله ماراح تقصرين .. بس امج بعد عمر طويل راح ايي يوم ماراح تقدر تمسك اليهال منو راح يوكل اليهاال ومنو راح يدير باله عليهم وانتي دواام فلازم الخدامه اذا صج احتجتيها .. اذا الحين امورج بخير ميخالف خلج بدون الخدامه بس ماراخح تقدرن طول العمر باجر بصير عند اكثر من ياهل بتقعدين ادرسينهم ولا بتحضرين الاكل ولا بتغسلين شلوون ..
يعني وقت لمن ادرسين كل وااحد مرحله وواجبات وحفظ اسم الله عليهم شلوون لازم في احد يعينج ويخدمج ..

انا عندي فلبينيه مفهيه .. انا اذا بييب شرط متزوجه وتمسك اليهال وتطبخ اهم شي عندي

 

[HOT^CHOCOLAT]

رد: تجمع مواليد شهر يوليو 2015 ان شاء الله

زين تسوين بابل أحسن شي
وروز سلامتج ماتشوفين شر دير بالج وزين تسوين تلفون حطي شروط مابي بإذونج وقت شغل شغل بغرفتج ماعندج شغل كيفج بس

 

[rose red]

رد: تجمع مواليد شهر يوليو 2015 ان شاء الله

دقات انا كنت افكر مثلج بس الوضع مستحيل و قعدت 3 سنين من غير خدامه هلاك وتعب انا مابي الخدم يرضعون وغيرون بامبرز وهدوم عيالي انا المسؤوله عن هالاشياء بس احتاجها تساعدني تشيل تحط تخم تنظف تعبت توني بعز شبابي وشاقيه عمري كل هالشقا حتى نفسي ماعندي وقت اهتم يالله وين وين اروح الصالون ومع الحمال يزيد التعب ف قررت ايب خدامه تعاوني و تشيل معاي حاليا اييب خدامه بالساعات بس هم تربطني و اقعد بالبييت ما اتحرك لانها موجوده مو حاله هذي

 

[نجمة فجر]

رد: احلى تجمع لمواليد سبتمبر ( 9 ) 2015 ?? حيااااااكم

ما شاء الله خوش قائمه
بنتي الكبيره ماتاكل مالها رغبه بالاكل صعبه

والحضانه فيها اشتراطات بالاكل
مايبون بيض ولا مكسرات
بتاني يحبون البينات بتر مع العسل انحرمو منه عشان الحضانه انسى اعطيهم بالبيت

 

[دقات قلب ميته]

رد: تجمع مواليد اغسطس 2015

فداج الكون حبيبتي ولا تحاتين قررررب الموعد ونعررررف البيبي ياااااارب

سهالات يارب ..

 

[HOT^CHOCOLAT]

رد: تجمع مواليد اغسطس 2015

انشالله يارب ��

 

[$قطوه$]

رد: تجمع مواليد اكتوبر 2015 (( ربي لاتذرني فرداً وانت خير الوارثين ))

هلا وغلا نجمه انا حاسه اني حامل بس للحين ما حللت انطر موعد الدوره ان شاء الله خير


الله يتمم علينا ونولد بسلامه

 

[انجبر قلبي]

رد: احلى تجمع لمواليد سبتمبر ( 9 ) 2015 ?? حيااااااكم

وي ليش مشترطين . دام عندهم شروط مفروض اهم يوفرون الوجبات :/

ياليت حضانه بناتي يوفرون الوجبات اريح

 

[taioba]

رد: تجمع مواليد شهر يوليو 2015 ان شاء الله

السلام عليكم
انا قسمت شغل البيت علی ثلاث ايام بالويكند وامس بليل خلصت جان انام تعبااانه من شغل البيت والمطبخ ولما قعدت من النوم ولا متاخره وبسرعه سويت ريوق ولبست ورديت عفست الشقه شوي مره ثانيه
الخدامه شر لابد منه
امبيه انا احس اذا انا بروحي مع زوجي جذيه والله تعب شلون اذا عندي عيال
انا ايامي كلها عباره عن جامعه بعدين واجبات وبعدين شغل البيت ولازم طبعا اتسبح واترتب ومكياج وكل اسبوع اروح التصوير حق بحوث وجذيه مو الانجليزي يبطونج واجبات وخلاص خلص يومي زين يمدي ازور امي ولا خالتي بالويكند وحتی زوجي اذا شافني تعبت حيل طلعني اغير جو وانا عشان استغل كل دقيقه وما اضيع وقتي ما عندي ولا نوع من انواع التواصل الاجتماعي لا انستغرام ولا تويتر ولا سناب جات اسمع عنهم ولا اعرف لهم ما جني 21 جني بالخمسين اصلا الحين حتی اللي بالخمسين عندهم
صرت جني جاهل لا رحت عند اهلي اخذ انستغرام اختي او امي ما اهده اقعد يا اضحك او اتهاوش ههههه اهوا حلو بس والله اقعد عليه بالساعات ما احس بالوقت عشان جذيه ما احطه اخاف يروح وقتي وانا الحين احتاج وقت زياده حق بنتي
انا الحين ما افكر بالخدامه لاني بقعد مع بنتي ماراح اتوظف علی طول بس طبعا ابي اتوظف بالمستقبل لان زوجي كل شي عليه وانا مو حابه جذيه ابي اساعده وابي اطلع شقه اكبر شقتنا صغيرة وابي شغلات شكثر ما تتحقق الا اذا توظفت

 

[taioba]

رد: تجمع مواليد شهر يوليو 2015 ان شاء الله

يمكن انطر لين تكمل بنتي سبع او ثمان شهور وعقب اقدم على الوظيفه

 

[bubble.gum]

رد: تجمع مواليد شهر يوليو 2015 ان شاء الله

طيوبه عورتي قلبي ههههههههههههههههههه احسج مو من هالجييل .. شحقه ما عندج انستغراام لا والله حطي شوفي العالم خخخ
شوفي شصاير بالدنيا .. انا ما امسك الانستغرام الا وقت قبل النوم عشاان اناام .. او ادش عشان اشووف الاكلات ووصفات حق الغدا او زوراة وبس ..

 

[عروس الحب]

رد: تجمع مواليد شهر يوليو 2015 ان شاء الله

فوووفوه
سلامتج انتي وعيالج وابوهم مالكم شر ان شاءالله

بابيل
عادي انا هذي رابعه حمله لي والحمدلله ماكو بطن نفس كل حمله

فراشه الوادي
ياهلا والله بهطله وين تطلعبن دقيقه وتقطيييين ايااام

 

[taioba]

رد: تجمع مواليد شهر يوليو 2015 ان شاء الله

فوفوا وبابل احس حيل مدلعين الخدامه والحين الخدامه اذا عطيتيها مجال تمردت
والله قبل اذكر خدامتنا قعدت عندنا 10 سنين ويوم جت بتروح سوينا فلم وبجي كانت فلبينيه
فلبينيات اول غير :eh_s(2):

 

[عروس الحب]

رد: تجمع مواليد شهر يوليو 2015 ان شاء الله

الخدم وما ادراك ما الخدم
اشووف الصفحات تحركت وايد ههههههه سوالفهم ماتخلص انا فلبينيات وشفت الهوووووووووايييييييبيل
ومالي غناااات عنهم الله يكفينا ويكفيكم شر الخدم

 

[taioba]

رد: تجمع مواليد شهر يوليو 2015 ان شاء الله

آمين

 

[HOT^CHOCOLAT]

رد: تجمع مواليد شهر يوليو 2015 ان شاء الله

لمسيحيين
وأي طيوبه جنج مرت اخوي زين حطت واتساب بس تولدين وتوظفين انشالله بتحتاجين خدامه ضروري

 

[bubble.gum]

رد: تجمع مواليد شهر يوليو 2015 ان شاء الله

طيوبه شنسوي والله على هالجرايم اللي قاعد تصير يشيب شعر راسج حتن ريلي والله ما اورييه ما ينام ويقعد يحاتي يقولي شدرانه احنا بالدوام شتسوي باليهال .. يواعه وما تعطيهم اكل ولا اطقهم اذا بجوا .. اهوه حتن يوم الحضانه وديت بنتي كان عمرها سنه 7 شهور صغيره نتفه حييل وشاف الفيديو اللي بالحضانه الخدامه قاعده فوق الياهل وتوكله غصب ويبي يرجع اختنق الله ياخذها اهني ين وقعد قالي ما ودي بنتي تروح ...

ولا هذيج الخدامه اللي تحط الدود بالخشم ليمن ماتت البنت هذا صج السالفه خلتني ابجي يا عمري شذنب اليهال قلبي يتقطع عليهم
عشان جذي احتر ان احنا بعازه لهم واهمه ياذونا .. عيل ليش تيوون خلكم قاعدين .. يايين عندنا تذبحونا