تجـع لجميـــع مـواليــد سنـة 2015 حيااااااكمـ كروشـااات

[ديور88]

رد: تجمع مواليد اغسطس 2015

هوت
الف مبروك
الله يقر عينج بشوفة ولدج يارب
وتشوفينه بين يدينج

 

[فخر البداوه]

رد: تجمع مواليد اغسطس 2015

حبيباتي يبارك فيكم
دقات قلبهه
اي حبي اول حمل والله يتمم ويثبتت
هووت جوكلت قروبكم يونس قروبنا قليل يدشن البنات بالتجمع شكلي مبسطه عندكم لووول

 

[Om_SalmaN]

رد: تجمع مواليد شهر يوليو 2015 ان شاء الله

شلونكم يا بنات شخباركم
امس رحت موعدي والله ماشاءالله عليه الدكتور يبرد الجبد نص ساعه واهوا يورينا بالسونار ويشرح ويفهمنا مو الحريم بسرعه بسرعه ومالهم خلق بعدين يقعدنا نسأله اللي نبي ومايقصر والله ماشاءالله عليه مريح مريح عاد يوم طلعت من العياده عيوووني تدددددمع وريلي يضحك علي ههههعه يدري اني مرتاحتله وكل زياره يتعلق قلبي اكثر وبنفس الوقت ادورلي دكتوره عاد الحين خلاص احس مصخت وتعبت نفسيا شدعوه ماشاف بحياته بتاع غيري ومن زين بتاعي ههههع احاول اقنع نفسي بس جد بستخير بينه وبين دكتوره وخلاص اصلا الحريم لو اروح لهم الحين عادي يكشتون ليش مارحت لهم اول الحمل

والله طمني على بنوتي ياحلوها كبرت الله يحفظها بس ملامح الويهه ماطلعت يقولي بالسادس تطلع قلت له ودي اشوفها ٣ دي قال انا عندي بس ماسوي الا اذا كنت شاك بشي تبين تروحين عندج اشرف السلام بالسرداب لانه ياخذ وقت حول ٤٥ دقيقه وهالشي للفشخره ومو مهم قلت له ودي اسوي قال اخر السادس روحي سوي

عاد سألته عن التلقيح قال في نوعين نوع عادي مو حرام لانه نسبته ٨٥٪ اما طفل الانابيب تكون ١٠٠٪ وهذا حرام لانه في تحديد واختيار لجنس الجنين

عاد تصدقون بس رجعت من العياده وتيني نغزات فضيعه بالرحم وتعلق معاي نص ساعه واكثر ونمت وقعدت وهم ليلحين في عوار غريبه مادري ليش

عاد بنات بلاعيمي شاقتني وصدري بلغم ونشله خفيفه شالحل لبلاعيمي في شي اشربه !!!
وبنتي مسكينه صدرها كحه ناشفه والخدامه مريضه بعد

عاد حدي احاتي الخدامه احس لي مرضت جني انا مرضت الله يعين يارب

 

[taioba]

رد: تجمع مواليد شهر يوليو 2015 ان شاء الله

صباحكم خير كروشات :eh_s(7):

ام سلمان استخيري واللي يريحج سويه
بالنسبه للبلاعيم لما جتني شربت سوائل دافيه وراحت
احنا مع الحمل المناعه صارت ضعيفه اي شي موجود بالجو نلقطه

 

[taioba]

رد: تجمع مواليد شهر يوليو 2015 ان شاء الله

ام سلمان انا اخر سونار سويته قبل اسبوعين وشفتها شلون كبرت ومصورته عندي بالفون كل يوم بليل لازم اشوفها واهي تحرك رجولها وايدها كل يوم لازم اشوفه تسع او عشر مرات قبل لا انام

 

[taioba]

رد: تجمع مواليد شهر يوليو 2015 ان شاء الله

فوفوا شلونج الحين وشلون بنتج وولدج
طمنينا عنج لا تنسين

 

[نجمة فجر]

رد: تجمع مواليد اكتوبر 2015 (( ربي لاتذرني فرداً وانت خير الوارثين ))

تجمعي العام أحبه وايد ♡ الف مبروك للي حللو وربي يرزق كل الي بخاطرها و اتمم عليكم يا رب ♡

أذكر العام حللت تاريخ 25/1 هههه و كنت احاتي و اوسوس لاني بجريه و الحين لا ذكرت اضحك على عمري ههههه

استمتعو بالحمال بحلوه و مره و اتكلو على رب العالمين بكل شي واستودعو جنينكم رب العالمين يحفظه ♡

حبيبي الله يحفظ لج غاليج
المحاتاه والوواس لازم ولا مانصير حريم هههههه

 

[نجمة فجر]

رد: احلى تجمع لمواليد سبتمبر ( 9 ) 2015 ?? حيااااااكم

صباح الخير


شلونكم


لولو الوسواس طبيعي بكل حامل بس في البجر غير لان الحمله وااايد غاليه عليج وماتعرفين جسمج شنو نوعه يتحمل الحمل ولا لا
الحمله الثانيه اخف وسواس
بس اول الحمال سالفه الجيس والنبض والجنين تخرع الكل

بحمالي الاول كنت واااايد احاتي دوم ادعي واقرا قرأن ربي تمم علي وبنتي هاديه
والثانيه اهملت وعادي عندي لان وقتي ضايع مع البجر مافي وقت افكر واحاتي الله يحفظها حركيه وفارضه شخصيتها

صدقوني الفراغ هو اللي يزيد المحاتاه والخوف يخليج تفكرين بالف شغله

في الدوام افكر بالف شي واتعب وتزيد اللوعه والصداع من ارد البيت جني كذابه

 

[نجمة فجر]

رد: احلى تجمع لمواليد سبتمبر ( 9 ) 2015 ?? حيااااااكم

نصيحه حولي كل دقيقه في حياتج لشي ممتع

تحملي تقولين تعبانه مابي اشوف حد بتقوقع في بيتي لاني حامل

استانسي لبسي تعدلي اقلها قومي شخطي كحله سوي شعرج كوب شاي مع اي احد يعز عليج سولفو بموضوع غير الحمل وبتعدي على خير

 

[rose red]

رد: تجمع مواليد شهر يوليو 2015 ان شاء الله

صباح الخير شلونكم وتحيه للمداومييين

انا تعبت نفسيا من الدوام قعده الكرسي تيبس ظهري و صوب العزيزو يذبحني تعب والله ليش الدوام طويل و مشكله عقب الدوام كل يوم في شي .. في ارتباط ف ماكو وقت راحه كلش غير ان اكلي خرابيييط يوم اب بجري كنت اهتم الحين صج موقاعده اكل اشياء مضره بس هم مو قاعده اكل اشياء مفيده حتى الريوق ما اتريق مايمديني بالبيت و بالدوام ماكو شي ف اييب معاي بسكوت وخرابيط .. فايتمن d عندي نازل والكالسيوم نازل .. الله المستعان يارب انا ولدت بجري باخر الثامن وهالمره احس من الارهاق بولد ابجر ??

 

[rose red]

رد: تجمع مواليد شهر يوليو 2015 ان شاء الله

شلونج فوفوه ان شاء الله احسن ؟؟

بنات كل وحده خل تكتب لنا وين تراجع و وين بتولد؟؟

انا عند بريتي برويال اذا الله سهل

 

[decemberq8]

رد: تجمع مواليد مايو 2015 باذن الله حياكم الرحمن

اهلين روعه

و الله مخي متشتت لان الي شريته حطيته في بيت اهلي بجياسهم

و في الي عندي بشقتي
لازم اتفرغ على يوم و اشوف كل الاغراض مع بعض عشان اعرف شنو ناقص

اما سوالف استقبال ما رحت ما حجزت ولا شي عالثامن بروح

اما حقي عندي النفنوف مال الاستقبال من الطاهر استخدمته يومين في استقبال بنتي بوديه مصبغه و هو الي بلبسه
ناقصتني اشياء حق نفسي بجامات و تكرمين نعال ذرب

احس ما فيني طاقه حتى للتفكير ههههه

 

[decemberq8]

رد: تجمع مواليد مايو 2015 باذن الله حياكم الرحمن

توتو

اذا صار صدفه راح امر اسواق شعبيه
اما حاليا مو مفكره فيهم
خل اشوف شنو الناقص عندي

فراشه الوادي

المفروض يكون واضح الحين طالما انج بالاسبوع ال ٢٠

 

[taioba]

رد: تجمع مواليد شهر يوليو 2015 ان شاء الله

رد روز انا قاعده اراجع بمستوصف الرابيه
بس بولد ان شاء الله بالسلام ودي اولد عند نجمه او نزهت بس اخاف اجي الشهر الثامن وما يستقبلون

 

[انوار المحبه]

رد: تجمع مواليد شهر يوليو 2015 ان شاء الله

صباح الخير .. يا حلوين شلونكم ؟....
روز اي والله الدوام تعب و طويل و قعدة الكرسي تعذب الله يعينا مافي راحه
أنا اراجع عند زينات دار الشفا
و بعد ما عرفت جنس البيبي ... ميته ابي اعرف
تهقون لو اروح مستوصف يسون لي سونار يقولون لي

 

[bubble.gum]

رد: تجمع مواليد شهر يوليو 2015 ان شاء الله

شلونكم بناات ..

بنات ابي ازفكم بس مو بكيفكم تزعلون ههههههههههههه ...

شوفوا يا طويلين العمر .. اللي تقولي ان جسمي راح يرجع بعد 6 أشهر اي يرجع صح بس مو حق اللي تاكل وماخذه راحتها .. ولا اللي حق اللي قاعد ادبه واهيه حاامل لانه دهون الحمل ما ترووووح تخزززن ويبيله رياضه ومع الاستمرار ومده طوييييله يالله ترووح ...

ثاني شي الرضاعه ايي الرضاعه تحررق بس حق اللي ياكلون بالاعتدال اهوه لاازم نزيد 300 كالوري على اكلج عشان يدر الحليب لانه اذا ما اكلتي ماراح يدر بس هاااا اكل بس اكل مفيد ويدر الحليب مثل الحليب السوائل مثل العصاير الفررش البرتقال الرمان الاكل الخضروات الجرجير والبقدونس والبقل والمكسرات بعد والحلبه في منه حبوب اريح ..

ثالث شي اللي تقولي ريلي عاجبه ايي عاجبه بس اذا خذيتي راحتج بالاكل ووصلتي دبل وزنج لاا راح يقولج ضعفي ..
لا نقص على بعض اذا وحده وزنها من 70 لي فوق لا تقولي ان اهيه عاجبها ومو هامها علشان ريلها .. انتي نفسيا اصلا متضايقه من نفسج واصلا هالوزن يبشع الوي والجسم وحتن ما تبين تشترين ملابس من كثر ما اهو الجسم خرائي واشكال هندسيه تضحك من الحمل ماكو ملامح بالجسم اختفت ...

فااا كل وحده تعدل اكلها عشان ما تنصدم بعد الولاده لانه قلت لكم مستحييييييييييل يرجع نفس الوزن اللي كااان بدون اعتدال بالاكل

انا وحده عشت هاللحظه وعلى بجري وحاشني اكتئاب ليمن حملت على بنتي الثانيه والله العظيم اني ما اطلع ولا ازور وكله منفسه وابجي حتن المنظره ما اشوفها من كثر الصدمه .. لاني كنت عصاقيل 48 وزني وليمن ولدت وزني 77 .. شفت روحي بمنظره المستشفى ومعاي السسترات ماسكيني تكرمون عشان ابول لانه قيصريه ما اقدر امشي انا نسيت اني حسرانه ونسيت كل شي بس شفت جسمي عيني غرقت دمووع من الصدمه ومن هاللحظه انا مو مع الناس مالي خلق عمري وغير الفتاق ..

عشان جذي بنات والله ابي مصلحتكم .. ترى بالمجمعات في أشكال والوان من البنات واجسامهم اتينن وخصوصا اللي مو متحجبات حراام ترى الرياييل يشوفون حتن لو اهوه زين معاج بس لمن يرد البيت ويشوفج في مقارنه اهوه ما يفكر ان يخونج بس يبي شي حلو يشوفه بيته ..
ترى قاعد اشجعكم وابيكم توعون .. ويا حلو الضعف واتييج بطاقه عررس انتي جاااهزه وتروحين وانتي واثقه ..

وانتوا كييييييفكم ... انا زدت بالشهر كيلوين مادري على شنو ينيت وقعدت وغيرت نظامي عالاقل انزل 6 كيلو ولا انزل 30 كيلو

 

[$قطوه$]

رد: تجمع مواليد اكتوبر 2015 (( ربي لاتذرني فرداً وانت خير الوارثين ))

صبااااااااااح الخير

بشرووو في احد حلل

 

[عروس الحب]

رد: تجمع مواليد شهر يوليو 2015 ان شاء الله

انوار المحبه
اهلين اي انا هالاسبوع كنت فيه وسويت سونار بالمستوصف وعلموني ولد واضح سونارهم يهبل وبلاش واهتمام روحي المستوصف وشوفي الاهتمام وبتدعيلي موووفقه حبي

 

[عروس الحب]

رد: تجمع مواليد شهر يوليو 2015 ان شاء الله

ام سلمان

الحمدلله اهم شي تستقرين علي شي انتي مرتاحه عليه نفسيا اهم شي الراحه النفسيه
والله يوفقج بالخير لج يارب
وانا اقولج الرجال الدكتور وربي ابرك من المره

 

[عروس الحب]

رد: تجمع مواليد شهر يوليو 2015 ان شاء الله

مس تكانه
زين سويتي ملازم الكل يعرف والله يتتم عليج يارب