تجـع لجميـــع مـواليــد سنـة 2015 حيااااااكمـ كروشـااات

[همي الآخره]

رد: تجمع مواليد مايو 2015 باذن الله حياكم الرحمن

روعه الله يعينج وياجرج يارب إي الخدم لوعه يتسلطووون مامنهم منفعه
ودي اروح كل يوم البحر امشي بس ريلي كله ماااله خلق :eh_s(11):
مشيت جم مره ينهد حيلي بسرعه
الله كريم ربي يفرجها علينا

 

[omal7lo]

رد: تجمع مواليد شهر يوليو 2015 ان شاء الله

عروس

المشكله وايد معاهم عرفتي
انقهرت شوي تالي صج الدنيا ماتسوي انقهر علشان ناس جذي

انا بولدي اتذكر رحت الدوام استلم ورقه منهم وشافتني وحده ماشالله عندهم ٧ عيال قالت ها ام الحلو جنج قزرتيها اجازات ماصارت حمل قتلها قولي الحمدالله انتي تداومين وصختج زينه وانا ماخذيت الا تعبانه تالي اسكتتتتت ماتكلمت
بغيت اقولها شوفي الي عندج ولاتشوفين رزقه غيرج علي اجازه حاسدتني مايدرون شنو اعاني منه والحين ادري الكل منقهر مايراعون شنو شفت بأخر هالجم سنه كافي النفسيه

 

[عروس الحب]

رد: تجمع مواليد شهر يوليو 2015 ان شاء الله

صباااح الورد علي الصبايا الورد

 

[عروس الحب]

رد: تجمع مواليد شهر يوليو 2015 ان شاء الله

ام الحلو
الله يعينج شتسوين بعد ياقلبي علي قولتج ناس مافيهم خير

 

[fofowa_q8]

رد: تجمع مواليد شهر يوليو 2015 ان شاء الله

صباح العسل عروستنا

 

[fofowa_q8]

رد: تجمع مواليد شهر يوليو 2015 ان شاء الله

ام الحلو لاتعورين قلبج ولاتشرهين على احد اللي يسال

عنج فيه الخير والبركة واللي مايسأل مايشوف

شر.. انا جذي نص الابلات سألو عني الحمدلله

والنص الثاني لا ولا طرو على بالي اصلا بالطقااااق

الحين في ناس قراب اهلج منج وفيج مايسألون

بتشرهين عالغريب

 

[omal7lo]

رد: تجمع مواليد شهر يوليو 2015 ان شاء الله

صباح العسل انا قاعده من س٤ ولدي قعد يقول ماما شبعت نوم وهو نايم س٩ الخايس هههههه
بدلته الحين وراح الروضه والحين اقوى نومه

 

[omal7lo]

رد: تجمع مواليد شهر يوليو 2015 ان شاء الله

فوفو

هذا انا ماشيه عليه بحياتي بس انقهرت شوي مو وايد عهههههه اقولج يوم تغربت عرفت منو الي يحبني ومنو لا والاهل بعد منهم
يحبوني علشان مصلحتهم بس

 

[omal7lo]

رد: تجمع مواليد شهر يوليو 2015 ان شاء الله

بنات لاحظت شغله
الماي البارد اذا شربته جبدي تقلب واستفرغه علي طول بس اذا كان الريج
هذا نساه ولا شنو هههههه

 

[fofowa_q8]

رد: تجمع مواليد شهر يوليو 2015 ان شاء الله

ام الحلو انا دايما اذا شربت شي عالريج ماي قهوة جاي

على طول تكرمين ارجع هذي نساة ياعمري

اكلي لج قطعة بسكوت ونطري مدة بعدين شربي ماي

 

[fofowa_q8]

رد: تجمع مواليد شهر يوليو 2015 ان شاء الله

مادري لي متى النساة تعبنا استغفر الله

اليوم من الصبح ترجيع قبل الدوام

 

[rose red]

رد: تجمع مواليد شهر يوليو 2015 ان شاء الله

صباح الخيير

شلونكم بنااات شخباركم امبي جد تعودت عليييكم وعلى سوالفكم وعلى يمعتنا .. لازم نسوي تجمع ثاني لي ولدنا

انا جسمي تعبان ظهري يعورني وايد وكله مو فوق لي تحت وبنتي زاااااايد دلعها حيل متعبتني و الدوام اسفط بعيد وامشي ينهد حيلي وهالمجلس مرمروني حسبي الله ونعم الوكيل ابي ارتاح خلاااااص

 

[انوار المحبه]

رد: تجمع مواليد شهر يوليو 2015 ان شاء الله

صباح الورد ...
فوفوا والله نفسي اليوم الصبح رجعت احس ردت لي النساه...
روز الله يعينج والله انا بعد اعاني من الدوام تعب بس هانت انشالله الله يصبرنا ...

 

[انوار المحبه]

رد: تجمع مواليد مايو 2015 باذن الله حياكم الرحمن

تاريخ ذهبي اليوم 5-5-2015 شدوااااااااااااااا حيلكم

 

[وحده كويتيه]

رد: تجمع مواليد شهر يوليو 2015 ان شاء الله

صباح الخير .. شلونكم حوامل والله صج بلش التعب الحين صارت الصجيه طبعا دوام وتعب ..

 

[انوار المحبه]

رد: تجمع مواليد شهر يوليو 2015 ان شاء الله

واي اليوم حلمت انه نزل علي الماي و ولدوني اول الثامن و ما جهزت شي كلش ...
و صايره اختنق و انا نايمه
الكوابيس بدتتتتتتتتتت

 

[bubble.gum]

رد: تجمع مواليد شهر يوليو 2015 ان شاء الله

شلونكم بنات ...

عروس انا دايما ارطب جسمي ما عمري رحت عياده حق كوعي وركبي .. بليل احط فازلين وبعد الصباحه وانا بالحمام وجسمي ميلل احط اويل على جسمي كله واكيد غير السنفره مرتين بالاسبوع ..

تفرك مكان الاكواع بدون ترطيب يسود لااازم ترطييب قوي ومو اي كريم وعلى حسب جسمج .. والمرطب الاول الماي شربي واايد مااي .. هذا يلعب دور اساسي وبعدين الكريمات ..
الحمدلله جسمي مو مبقع ... ما اقولج اكواعي ناصعين البياض لاا بس مو سوووووود عادي البس قصير ماراح افتشل هههههه

 

[rose red]

رد: تجمع مواليد شهر يوليو 2015 ان شاء الله

فيني النوم حيل و وراي يوم طويييييييييل وحافل

الله يعين يارب الله يعين

 

[انوار المحبه]

رد: تجمع مواليد شهر يوليو 2015 ان شاء الله

روز يا حياتي الله يعينج والله انا نفس الحاله فيني نوم انام 1 باليل و قطاعي كل شوي اقوم و بنتي مريضه و الصبح 6 قعده ... و مرات ما انام العصر كله في أجره حبيبتي

 

[taioba]

رد: تجمع مواليد شهر ❤❤يوليو❤❤ 2015 ان شاء الله

طيوبه
وينج ؟؟

هلا عروس والله امس ما قدرت ادخل كلش اليوم كان عندي امتحانين
وعرض تقديمي
رحت الجامعة شايله جنطه اللابتوب وخايفه قاعده احس بالم مثل الدورة
بس احس ببنتي تتحرك
ان شاء الله ما اذيتها بس