تجـع لجميـــع مـواليــد سنـة 2015 حيااااااكمـ كروشـااات

[لؤلؤةالكويت]

رد: تجمع .. مواليد مارس 2015 .. باذن الله

السلام عليكم

بنات الله يعافيكم انا كانت مراجعتي امس قالي الدكتور كل شي سليم معاي

بس قالي انتي بالسادس ووزن البيبي كبير 735 مفروض يكون 600

يقول وزنه اكبر من عمره الحين يقول لازم تحافظين ع وزن البيبي عشان

تنسهل عليج الولاده الطبيعيه ..

بنات انا اكل كالسيوم وحديد وفيتامينات اخاف من الفيتامينات زاد وزن الطفل


لانه قالي اقطعي العيش والمعكرونه والكاكاوات

 

[ام احلى بيبي]

رد: تجمع مواليد ديسمبر بإذن الله

مرحبا صبايا

ابشركم ولدت بالسلامه تاريخ 5/12 وجبت بنوته
ولدت بدار الشفا عند دكاور زكريا
خوش دكتور وصبر علي حييييل لاني طولت بالولاده وتعبت شوي

 

[رتولة]

رد: تجمع .. مواليد مارس 2015 .. باذن الله

شوفي حبيبتي دكتورج مو شاطر لانه السونار يزيد ١٠٠جرام عن حجمه في الواقع
عشان تتأكدين سوي سونار بمستشفي ثاني راح يطلع الوزن غير

 

[fofowa_q8]

رد: تجمع مواليد شهر يوليو 2015 ان شاء الله

صباح الخير

ابله زين تسوين خذيتي مجلس طبي الزم ماعليج صحتج

انا قاعدة ادرس بالجامعة واحضر رسالتي وكل يوم الصبح

لويه فراره من مكان لي مكان يعني ابدا مافي راحة ظهري وايد

يعورني هالايام احسه بيقص

وبالنسبة للعناية مااقدر احط الا مرطب عقب مااسبح

وبالغصب بعد لاني اتنسا على ريحة اي شي كريم صابون

شامبو عطر ابي بس هال٤ شهور تطوف وارتاح

 

[fofowa_q8]

رد: تجمع مواليد شهر يوليو 2015 ان شاء الله

ام سلمان لا مو انا اللي كاتبه عنها ولا ابي افضحها

بس اذا احد سألني لا والله اقول عشان لايغلط غلطتي

 

[bubble.gum]

رد: تجمع مواليد شهر يوليو 2015 ان شاء الله

شلونكم بناات شخباركم ....
انا ان شاء الله ببلش بخلطات حق شعري اقويييه لانه قااعد يحت واايد ..
بسوي خلطه الجرجير مع الثوم والزيت الزيتون ادري رييحه الثوم بس دله القهوه معااي لي الحمام واتشطف فييه الريحه راح تختفي
وابي اسوي ماسكات افوكادو وموز .. وابي استعمل زيت البارشوت انا باديه فييه بس ببدي باشياء ثانيه ..

وجسمي دايما ارطبه بس امبييه انا توهقت الحين قالت لي مالت الليزر ما تشيلين شيره لانه كل شي راح يخترب كله موووس وااي كل يومين يطلع وتعبت وانا احف ضااق خلقي صايره ما احب اشووف جسمي

 

[Ranoon]

رد: تجمع مواليد ديسمبر بإذن الله

ام أحلى بيبي

الحمدلله على سلامة ومبروك بنوتة


انا بولد بدار الشفا ان شاء الله ارتاح لهذا مستشفى
والله يسهل علي ولادتي الثانية

 

[86روعـه]

رد: تجمع مواليد مايو 2015 باذن الله حياكم الرحمن

الله يتمم لكم ع خير
انا اليوم موعدي بس مادري اروح والا لا
وحركة البيبي ماحس فيها كلللللللللش الله يستر
دعواااااتكم لي ربي يتمم لي ع خير

 

[لؤلؤةالكويت]

رد: تجمع .. مواليد مارس 2015 .. باذن الله

دكتوري محسن طلبه بالامومه واهو مسوي جذي بعد حماتي وبنت عمتي حيل يركز ع وزن البيبي

مايبيه يزيد عن العمر اللي اهو فيه .. يقول عشان تتسهل الولاده الطبيعيه



آنه الحين افكر اقطع الفيتامينات واخليهم مره بالاسبوع اكلهم واستمر ع الحديد والكالسيوم

 

[ابلة kg]

رد: تجمع مواليد شهر يوليو 2015 ان شاء الله

فوفوا الله يعينج بس يبيلج راحه لازم شوي تريحين ياقلبي

 

[شيوختي]

رد: تجمع مواليد شهر يوليو 2015 ان شاء الله

مساء الخير حبيباتي ،، شخباركم
هلا ام سلمان بعد عمري ماقصرتي اي قالت لي بالبدايه نفس ماقلتي بس انا كانت متخربطه عندي الدوره
وعشان جذي حصل الحمل عندي متأخر والله يكتب الي فيه الخير وعسى ربي يهون علينا ويقومنا بالسلامه
بس ام سلمان حبيبتي دربالج انتي معاج دم والطياره ضغط عليج والله يستر عليج ويثبت جنينج وتفرحين فيه يارب

 

[ابلة kg]

رد: تجمع مواليد شهر يوليو 2015 ان شاء الله

شلونكم بناات شخباركم ....
انا ان شاء الله ببلش بخلطات حق شعري اقويييه لانه قااعد يحت واايد ..
بسوي خلطه الجرجير مع الثوم والزيت الزيتون ادري رييحه الثوم بس دله القهوه معااي لي الحمام واتشطف فييه الريحه راح تختفي
وابي اسوي ماسكات افوكادو وموز .. وابي استعمل زيت البارشوت انا باديه فييه بس ببدي باشياء ثانيه ..

وجسمي دايما ارطبه بس امبييه انا توهقت الحين قالت لي مالت الليزر ما تشيلين شيره لانه كل شي راح يخترب كله موووس وااي كل يومين يطلع وتعبت وانا احف ضااق خلقي صايره ما احب اشووف جسمي

انصحج بالصبار للشعر عجيب وماكو له ريحه اخذيلج نبته صبار من المشاتل وقصيها بالنص واخذي الجل اللي يطلع على شعرج يوقف التساقط ويغذي الشعر استعمله وعجيب ماكو ريحه واخلطه بحنا كل اسبوعين
اما وجهي اسوي ماسك نشا وماي ورد وسنفره اسبوعيا
اما جسمي الخلطه المشهوره زيت لوز وجلسوين وليمون وسكر دمار
يوميا احط زيت اللوز والجلسرين بالليل
اما باقي الخلطه مره بالاسبوع
كنت مسويه ليزر جسمي وخلصت جلسات وجهي ورجولي وايدي ماخلصت جلساتها اضطريت احف شيره عسان ارتاح
زهقت مل يومين يطلع شعر
انصحج شيره وردي مره ثانيه ليزر لان بكل الحالات راح يخرب لان بتقعدين 9شهور وبعدين تسوين
خلج عالشيره ارحم

 

[Om_SalmaN]

رد: تجمع مواليد شهر يوليو 2015 ان شاء الله

بنات انا كنت اعالج شعري قبل الحمل عند دكتوره وصفتلي بيوتين و حديد ومادري شنو وشامبو وبلسم وبخاخ طبي
وسألتها اذا حملت عادي اكمل عليهم قالت عادي الا البخاااااخ موو زين عاد شكلي ماراح اكمل اخاف الحبوب تأثر او شي

انا بصراحه قبل الزواج كنت اهتم بشعري خلطات وغيره الحين طاف عاد تصدقون قبل كان اينن مايحتاج اهتمام الحين يحت ويلوع الجبد والمشكله ماعرف شحط فشكلي بس بحط دهن باراشوت عاد وايد يطيح شكلي بقرع
سبب التساقط نقص الحديد بس عالجت النقص وليلحين يطيح

بابل كملي عالشيره عادي انا كنت ليزر خلصت كل جلساتي الحين كله شيره بعدين وراج شهور مو معقوله عالموس

 

[Om_SalmaN]

رد: تجمع مواليد شهر يوليو 2015 ان شاء الله

بنات انا مستغربه من نفسي كل اسبوعين ازيد كيلو شدعوووه جم بوصل !!!

ريلي يزفني انه عادي لا موعاااادي توني بالبدايه جدامي شهور جم بصير وزني !! مع انه الحمدالله قبل الحمل بطني امسااااك الحين قام يمشي المفروض اضعف ما امتن !

 

[decemberq8]

رد: تجمع مواليد مايو 2015 باذن الله حياكم الرحمن

ام عبدالله
أنا لان دكتوتي تولد بالسيف و رويال
و رويال اذا صار عنده ضغط خدمته تضعف و أسعارهم غاليه و الغرف الحلوه سعرها غالي

السيف بروح أطل عليه و أشوف نظامهم

مشكوره حبيبتي عالرد


توتو
أنا مثلج موعد ولادتي ٥/٥ بإذن الله

 

[ema2026]

رد: تجمع مواليد شهر يوليو 2015 ان شاء الله

بنات بسوي قروب حوامل وتساب الي حابه تدخل للقروب تدز لي رقمها بالخاص
اةنس الوتساب واسرع المتتدى يعلق

 

[ابلة kg]

رد: تجمع مواليد شهر يوليو 2015 ان شاء الله

ام سلمان وقفي الحبوب خلج عالطبيعه احسن واريح
خلطات طبيعيه وزيوت جربي الصبار ترا عجيي للتساقط
ووزنج يبيلج تمشين على برنامج غذائي لازم تشوفين نوعيه اكلك وكم سعره حراريه
ضبطياكلج عشان بعدين لاتنفجرين وتحاتين بالنفاس متى تضعفين

 

[New_bride]

رد: تجمع مواليد اغسطس 2015

انوار المحبه
فرق بيني وبينج يوم
انا اخر دوره 27/10
وتاريخ الولاده 3/8


الله يخلي بنتج
انا بعد ماكنت حاطه فبالي ولدي توه ثلاث شهور
الحمدلله على كل حال كله خيره من الله

للحين ماراجعت عند حد
عالاسبوع التاسع بروح اجيك عالنبض

 

[New_bride]

رد: تجمع مواليد اغسطس 2015

ام سلمان حياج فالتجمع
-------------------------
روح و حلوة الاخدود
ان شاء الله تكونون حوامل وتنورون القروب
-------------------------

 

[fofowa_q8]

رد: تجمع مواليد شهر يوليو 2015 ان شاء الله

ام سلمان ديري بالج لاتاخذين اي حبوب وانتي

حامل بدون استشارة دكتورتج الفيتامينات كثرتها

تضر البيبي نفس زيادة فيتامين أ

وترا طبيعي الشعر باول اشهر الحمال يتساقط

وبعدين على اخر الشهور يصير شحلاته مايمدي

تستانسين فيه عقب الولادة يرجع يحت كله من الهرمونات